'గాడ్ ఫాదర్' లో అలాంటి సీన్స్ లో సత్యదేవ్, అంతటా టెన్షన్.. ఉన్నాయా లేపేశారా ?

మెగాస్టార్ చిరంజీవి నటిస్తున్న గాడ్ ఫాదర్ చిత్రం కోసం ఫ్యాన్స్ ఎంతగానో ఎదురు చూస్తున్నారు. భారీ అంచనాలు పెట్టుకున్న ఆచార్య దారుణంగా నిరాశపరిచింది. దీనితో గాడ్ ఫాదర్ కోసం మెగా ఫ్యాన్స్ వెయిట్ చేస్తున్నారు. అక్టోబర్ 5న ఈ చిత్రం గ్రాండ్ రిలీజ్ కి రెడీ అవుతోంది. 

ఇటీవల చిరంజీవి 'నేను రాజకీయాల నుంచి దూరంగా ఉన్నాను. కానీ రాజకీయం నా నుంచి దూరం కాలేదు' అంటూ ఓ డైలాగ్ వదిలారు. ఈ డైలాగ్ సినీ ప్రేక్షకులతో పాటు రాజకీయ వర్గాల్లో కూడా హాట్ టాపిక్ గా మారింది. గాడ్ ఫాదర్ చిత్రంపై హైప్ పెరిగేలా చేసింది. మలయాళంలో విజయం సాధించిన లూసిఫెర్ చిత్రానికి రీమేక్ గా గాడ్ ఫాదర్ తెరకెక్కుతోంది. 

తెలుగు నేటివిటీ, మెగాస్టార్ బాడీ లాంగ్వేజ్ కి తగ్గట్లుగా కథలో కొన్ని మార్పులు చేసినట్లు వార్తలు వస్తున్నాయి. యువ నటుడు సత్యదేవ్ ఈ చిత్రంలో ఇంపార్టెంట్ రోల్ లో నటిస్తున్నారు. సత్యదేవ్ పాత్రపై ప్రస్తుతం ప్రతి ఒక్కరిలో టెన్షన్ నెలకొంది. ఒరిజినల్ వర్షన్ లో సత్యదేవ్ రోల్ ని వివేక్ ఒబెరాయ్ చేశారు. తన రెండవ భార్య కుమార్తెకి డ్రగ్స్ ఇచ్చి ఆమె పట్ల కీచకుడిగా ప్రవర్తిస్తుంటాడు. అందరి ముందు మంచిగా నటిస్తూ కూతురిపైనే దారుణంగా వ్యవహరిస్తాడు. 

ఇలాంటి సన్నివేశాలు తెలుగులో ఉంటే ప్రేక్షకులు ఎలా రిసీవ్ చేసుకుంటారో తెలియదు. మరి ఆ సన్నివేశాలని సత్యదేవ్ తో చేయించారా లేక తొలగించరా అనేది తెలియాల్సి ఉంది. సాఫ్ట్ గా కనిపించే సత్యదేవ్ కి ఇలాంటి సీన్స్ సెట్ అవుతాయో లేదో కూడా సినిమా రిలీజ్ అయ్యాక చూడాలి. 

ఈ చిత్రంలో నయనతార చిరంజీవి చెల్లి పాత్రలో నటిస్తోంది. సత్య దేవ్ ఆమె భర్తగా కనిపిస్తాడు. చాలా కాలం తర్వాత చిరంజీవి అటెంప్ట్ చేస్తున్న ఒక డిఫెరెంట్ మూవీ లూసిఫెర్ అని చెప్పొచ్చు. 

మోహన్ రాజా ఈ చిత్రానికి దర్శకుడు. సునీల్, సముద్రఖని కీలక పాత్రలో నటిస్తున్నారు. బాలీవుడ్ స్టార్ సల్మాన్ ఖాన్ ఈ చిత్రంలో కామియో రోల్ చేస్తున్న సంగతి తెలిసిందే. చిరంజీవితో కలసి ఓ సాంగ్ లో స్టెప్పులు కూడా వేశారు.