త్రిష పేరుతో ఏకంగా విలేజ్‌.. స్టార్‌ హీరోయిన్‌ రియాక్షన్‌ ఇదే, టూ క్రేజీ

Published : Jun 01, 2025, 10:03 PM IST

హీరోయిన్లకి టెంపుల్స్ కట్టిన సంఘటనలు మనం చూశాం. కానీ ఏకంగా హీరోయిన్‌ పేరుతో ఊరే ఉండటం చూశారా? త్రిషకే ఆ అదృష్టం దక్కింది. 

PREV
14
అత్యధిక పారితోషికం అందుకునే హీరోయిన్‌ త్రిష

కోలీవుడ్‌, టాలీవుడ్‌లో స్టార్‌ హీరోయిన్‌గా రాణిస్తుంది త్రిష. ఆమెకు 42 ఏళ్ళు అయినప్పటికీ ఇంకా పెళ్లి చేసుకోకుండా ఉంది. ఈ వయస్సులో కూడా యంగ్‌గా కనిపిస్తూ ఆకట్టుకుంటుంది. కుర్ర హీరోయిన్లకి అందంలో పోటీ ఇస్తుంది. 

అదే సమయంలో తన తోటి హీరోయిన్లలో ఎవరికీ సాధ్యం కాని విధంగా ఇప్పటికీ వరుసగా భారీ ఆఫర్లని అందుకుంటూ దూసుకుపోతుంది. అంతేకాదు అత్యధిక పారితోషికం అందుకుంటున్న హీరోయిన్‌గానూ నిలిచింది. ఆమె ఒక్కో మూవీకి  రూ.12కోట్ల పారితోషికం అందుకుంటుందని సమాచారం. 

24
కమల్‌, చిరు, మోహన్‌ లాల్‌, సూర్యలతో త్రిష

త్రిష ఇటీవల అజిత్‌ `గుడ్‌ బ్యాడ్‌ అగ్లీ` సినిమాలో మెరిసింది. మంచి హిట్‌ని అందుకుంది. త్వరలో `థగ్‌ లైఫ్‌` చిత్రంతో ఆడియెన్స్ ముందుకు రాబోతుంది.  కమల్‌ హాసన్‌ హీరోగా మణిరత్నం దర్శకత్వం వహించిన ఈ మూవీ జూన్ 5న విడుదల కాబోతుంది.  

అలాగే ఆర్.జె.బాలాజీ దర్శకత్వంలో తెరకెక్కుతున్న కొత్త చిత్రంలో హీరో సూర్యకి జోడీ కట్టింది త్రిష. అంతేకాకుండా తెలుగులో చిరంజీవితో కలిసి 'విశ్వంభర' చిత్రంలోనూ నటిస్తుంది.  మలయాళంలో మోహన్‌లాల్‌తో కలిసి ఓ మూవీ చేస్తుంది. ఇలా తెలుగు, తమిళం, మలయాళంలో భారీ చిత్రాలతో బిజీగా ఉంది త్రిష. 

34
త్రిష పేరుతో ఏకంగా విలేజ్‌

ఇదిలా ఉండగా,  హీరోయిన్‌ త్రిష పేరుతో ఒక విలేజ్‌ ఉంది. ఈ విషయాన్ని ఆమె అభిమానులు కనిపెట్టారు.  ఒక అభిమాని ఆ ఊరి పేరు ఉన్న బోర్డు ముందు నిల్చొని వీడియో తీసి ఇన్‌స్టాలో పోస్ట్ చేయగా, దాన్ని త్రిష కూడా తన ఇన్‌స్టా పేజీలో షేర్ చేసి ఆశ్చర్యం వ్యక్తంచేసింది. ఆ ఊరి పేరు 'Vijayak Trisha'. ఆ ఊరు లడఖ్‌లోని నూబ్రా లోయ నుండి ప్రపంచంలోనే ఎత్తైన బేస్ క్యాంప్ అని పిలువబడే సియాచిన్ బేస్ క్యాంప్‌కు వెళ్లే దారిలో ఉందట.

44
త్రిష అభిమానుల కోరిక

హీరోయిన్ల పేరు మీద ఆలయాలు కట్టడం చూశాం. కానీ మొదటిసారిగా ఒక నటి పేరు మీద ఒక ఊరే ఉండటం ఆశ్చర్యపరుస్తుంది. ఇది చూసి ఫ్యాన్స్ కూడా సర్‌ప్రైజ్‌ అవుతున్నారు.  కొందరైతే  త్రిష ఆ ఊరికి వెళ్లాలని కోరుతున్నారు.  త్రిష ఆ రీల్స్ వీడియోను లైక్ చేయడంతో ఇప్పుడది వైరల్ అవుతోంది.

AR
About the Author

Aithagoni Raju

అయితగోని రాజు 2020 నుంచి ఏషియానెట్‌ తెలుగులో వర్క్ చేస్తున్నారు. ఆయనకు టీవీ, ప్రింట్‌, డిజిటల్‌ జర్నలిజంలో 13ఏళ్ల అనుభవం ఉంది. ప్రధానంగా న్యూస్‌, సినిమా జర్నలిజం, ఎంటర్‌టైన్‌మెంట్‌ రంగంలో ప్రముఖ సంస్థల్లో వర్క్ చేశారు. ప్రపంచ సినిమాని `షో`(నవతెలంగాణ) పేరుతో రాసిన ప్రత్యేక కథనాలు విశేష గుర్తింపుని తెచ్చిపెట్టాయి. ప్రస్తుతం ఏషియానెట్‌ తెలుగులో ఎంటర్‌టైన్‌ మెంట్ టీమ్‌ని లీడ్‌ చేస్తున్నారు. సబ్‌ ఎడిటర్‌గానే రిపోర్టర్ గా సినిమా ఫీల్డ్ అనుభవం ఉంది. ఎంటర్‌టైన్‌మెంట్‌ విభాగంలో సినిమా, టీవీ, ఓటీటీ కి సంబంధించి ఆసక్తికర కథనాలను, సినీ ఇండస్ట్రీలోని విషయాలను, సినిమా రివ్యూలు, విశ్లేషణాత్మక కథనాలు రాయడంలో మంచి పట్టు ఉంది. క్వాలిటీ కంటెంట్‌ని అందిస్తూ, క్వాలిటీ జర్నలిజాన్ని ముందుకు తీసుకెళ్లడంలో తనవంతు కృషి చేస్తున్నారు.Read More...
Read more Photos on
click me!

Recommended Stories