Ileana: సైలెంట్ గా బిగ్ షాక్ ఇచ్చిన ఇలియానా.. స్టార్ హీరోయిన్ సోదరుడితో డేటింగ్, ఫోటోలు ఇవిగో

గోవా భామ ఇలియానా టాలీవుడ్ లో ఒక సెన్సేషన్. కేవలం ఒకే ఒక్క చిత్రంతో ఇలియానాకి వచ్చినంత క్రేజ్ మరే హీరోయిన్ కి రాలేదనే చెప్పాలి. మహేష్ బాబు పోకిరి చిత్రంతో ఇలియానా ఓవర్ నైట్ స్టార్ గా మారిపోయింది.  ఒకప్పుడు సౌత్ లో యువతకు కలల రాణిగా వెలుగు వెలిగింది ఇలియానా. టాలీవుడ్ లో కెరీర్ దూసుకుపోతున్న టైంలో ఇలియానా తీసుకున్న నిర్ణయాలే కెరీర్ కు శాపంలా మారాయి. 

బాలీవుడ్ లో తనకి ఎదురు లేదని ఊహించేసుకుని టాలీవడ్ ని వదిలేయడంతో కెరీర్ ట్రాక్ తప్పింది. హీరోయిన్ గా అవకాశాలు తగ్గాయి. లవ్ ఎఫైర్, బ్రేకప్ లాంటి వ్యవహారాలు ఇలియానాని కుంగదీశాయి. ఆస్ట్రేలియన్ ఫోటో గ్రాఫర్ ఆండ్రూతో నడిపిన ప్రేమ వ్యవహారం కూడా ఇలియానా కెరీర్ పై ప్రభావం చూపింది. 

ఆ టైంలో ఇలియానా గురించి ప్రెగ్నన్సీ రూమర్స్ కూడా వినిపించాయి. కొన్ని రోజులకు అతడితో బ్రేకప్ కావడంతో ఇలియానా డిప్రెషన్ లోకి వెళ్ళింది. మానసిక వేదన నుంచి బయట పడేందుకు వెకేషన్స్ కి వెళుతూ గడిపింది. ఇప్పుడు మళ్ళీ ఇలియానా సాధారణ స్థితి వచ్చిందనే చెప్పాలి. 

కాకపోతే ఆమెకి మునుపటిలా సినిమా ఆఫర్స్ రావడం లేదు. తాజాగా బాలీవుడ్ లో జరుగుతున్న ప్రచారం మేరకు ఇలియానా మరోసారి ప్రేమలో పడ్డట్లు వార్తలు వస్తున్నాయి. ఇది ఫ్యాన్స్ కి బిగ్ షాకే అని చెప్పాలి. ఏకంగా ఇలియానా స్టార్ హీరోయిన్ సోదరుడితో డేటింగ్ చేస్తున్నట్లు తెలుస్తోంది. 

దీనికి బలమైన ఆధారాలు కూడా నెట్టింట వైరల్ అవుతున్నాయి. బాలీవుడ్ మెరుపు తీగ కత్రినా కైఫ్ సోదరుడు సెబాస్టియన్ లారెంట్ మిచెల్ తో ఇలియానా ఘాటు ప్రేమ వ్యవహారం నడిపిస్తున్నట్లు తెలుస్తోంది. గత ఆరు నెలలుగా వీరిద్దరూ డేటింగ్ చేస్తున్నట్లు వార్తలు వస్తున్నాయి. 

ఇటీవల కత్రినా కైఫ్ తన బర్త్ డే సెలెబ్రేషన్స్ కోసం భర్త విక్కీ కౌశల్, ఇతర ఫ్యామిలీ మెంబర్స్ తో కలసి మాల్దీవులకు వెళ్ళింది. వీరితో పాటు ఇలియానా కూడా కత్రినా బర్త్ డే వేడుకల్లో పాల్గొంది. సెబాస్టియన్ తో డేటింగ్ చేస్తున్నప్పటి నుంచి ఇలియానా కూడా కత్రినా కైఫ్ ఫ్యామిలిలో మెంబర్ గా మారిపోయింది అని అంటున్నారు. లేకపోతే కత్రినా బర్త్ డే వేడుకలకు ఇలియానా ఎందుకు మాల్దీవులకు వెళుతుంది అని నెటిజన్లు ప్రశ్నిస్తున్నారు.  

ఈసారైనా ఇలియానా తన ప్రేమని పెళ్లి వరకు తీసుకెళుతుందేమో చూడాలి. కత్రినా కైఫ్ సోదరుడితో డేటింగ్ మొదలు పెట్టడంతో ఇలియానా ఫ్యాన్స్ కాస్త షాక్ లోనే ఉన్నారు. మరి ఈ నడుము సుందరి తన ప్రేమ గురించి ఎప్పుడు ఓపెన్ అవుతుందో చూడాలి.