పంచ్ ప్రసాద్ తన తోటి జబర్దస్త్ కమెడియన్ నూకరాజు గురించి ఆసక్తికర కామెంట్స్ చేశాడు. అతను ఉంటే చాలు ఎక్కడికైనా వెళతాను. మా బంధం అలాంటిది అన్నాడు.
జబర్దస్త్ కమెడియన్స్ లో పంచ్ ప్రసాద్ ఒకడు. చాలా కాలం జబర్దస్త్, శ్రీదేవి డ్రామా కంపెనీ షోలలో నవ్వులు పూయించారు. అయితే పంచ్ ప్రసాద్ కి అనారోగ్య సమస్యలు ఉన్నాయి. ఆయన కిడ్నీ సంబంధిత వ్యాధితో బాధపడ్డారు.
ఒక దశలో నడవలేక బెడ్ కే పరిమితం అయ్యాడు. ఖరీదైన వైద్యం కావడంతో ఆర్థిక ఇబ్బందులకు గురయ్యాడు. అప్పుడు నూకరాజు వీడియోలు చేసి యూట్యూబ్ లో పోస్ట్ చేశాడు. ఎవరైనా ఆర్థికంగా సహాయం చేయాలని రిక్వెస్ట్ చేశాడు. నూకరాజు చేసిన పని పంచ్ ప్రసాద్ కి ఉపయోగపడింది.
ఏపీ సీఎం వైఎస్ జగన్ చొరవ చూపడంతో పంచ్ ప్రసాద్ కి కిడ్నీ ట్రాన్స్ప్లాంటేషన్ జరిగింది. పూర్తిగా కోలుకోవడానికి కొంత సమయం కావాల్సి ఉండగా ఆయన ఇంటికే పరిమితం అయ్యారు. ఇటీవల తిరిగి బిజీ అయ్యే ప్రయత్నం చేస్తున్నాడు. తాజాగా ఆయన ఓ ఇంటర్వ్యూలో పాల్గొన్నారు. నూకరాజు గురించి ఆసక్తికర కామెంట్స్ చేశాడు.
బిగ్ బాస్ షోలో అవకాశం వస్తే వెళతారా? అని అడగ్గా.... నూకరాజు కూడా ఉంటే వెళతాను. ఎందుకంటే అతడు ఓపెన్ బుక్ లాంటి వాడు. నూకరాజు గురించి ఇప్పుడు నాకు ఒక్కడికే తెలుసు. హౌస్లోకి వెళితే అందరికీ తెలుస్తుంది. అతడు ఓపెన్ బుక్ లాంటివాడు. అందరితో వరసలు కలిపేసి మాట్లాడతాడు. హౌస్లో ముఖ్యంగా ఒక గర్ల్ ఫ్రెండ్ ని సెట్ చేసుకుంటాడు.
బిగ్ బాస్ ఛాన్స్ వస్తే వెళ్ళడానికి సిద్ధంగా ఉన్నాను. అక్కడ నూకరాజు ఉంటే చాలు ఇంకెవ్వరూ అవసరం లేదు. తమ రిలేషన్ అలాంటిది. అలా అని మేము గే (స్వలింగ సంపర్కులు)లు కాదని పంచ్ ప్రసాద్ అన్నాడు. పంచ్ ప్రసాద్ మాటలతో నూకరాజు బెస్ట్ ఫ్రెండ్ అని అర్థం అవుతుంది.