Nagarjuna: తెలుగు సినిమా చరిత్రలో నిలిచిపోయే సినిమాలు కొన్ని ఉన్నాయి. వాటిలో అన్నమయ్య కూడా ఒకటి. భక్తి రస సినిమాల్లో ఈరేంజ్ హిట్ కొట్టిన మూవీ మరొకటి లేదు. రొమాంటిక్ హీరో నాగార్జున.. పరమభక్తుడిగా నటించడానికి కారణం ఏంటి?
తెలుగు సినిమా చరిత్రలో 'అన్నమయ్య' ఒక అద్భుతం. అప్పటివరకు రొమాంటిక్ హీరోగా, యాక్షన్ సినిమాలతో కుర్రకారును ఉర్రూతలూగించిన అక్కినేని నాగార్జున, ఒక్కసారిగా పరమ భక్తుడిగా వెండితెరపై కనిపించి మెప్పించడం సాధారణమైన విషయం కాదు. ముఖ్యంగా 'నిన్నే పెళ్లాడతా' లాంటి సినిమాలతో 'గ్రీకువీరుడు' అన్న పేరు తెచ్కుకుని.. భారీ కమర్షియల్, సక్సెస్ ఫుల్ రొమాంటిక్ చిత్రాల తర్వాత నాగార్జున ఈ సినిమాను చేయడానికి ఒప్పుకోవడం ఒక చారిత్రక ఘట్టం.
25
గ్రీకువీరుడు అన్నమయ్యగా ఎలా మారాడు?
అన్నమయ్య సినిమా చేయాలనే నిర్ణయం వెనుక ఉన్న అసలు నమ్మకం ఏమిటి? ఆ సినిమా వెనుక ఉన్న ఆసక్తికరమైన విషయాలు చాలా మందికి తెలియవు. ఈ సినిమా ప్రపోజల్ వచ్చినప్పుడు.. అసలు ఇది ఎలా సాధ్యం.. రొమాంటిక్ హీరో భక్తి రసం పండించగలడా, ఇది సాధ్యం అవుతుందా అని నాగార్జున అనుమానాలకు దర్శకేంద్రుడు రాఘవేంద్రరావు ఓ సందర్భంలో క్లారిటీ కూడా ఇచ్చారు. ఈ సరికొత్త ప్రయోగానికి ప్రధాన సూత్రధారి, దర్శకుడు కె. రాఘవేంద్రరావు. అప్పటికే నాగార్జున 'గ్రీకువీరుడు' చిత్రంలో స్టైలిష్ లుక్తో, 'నిన్నే పెళ్లాడతా'లో ఎనర్జిటిక్ లవర్బాయ్గా తిరుగులేని క్రేజ్ను సొంతం చేసుకున్నారు.
35
కింగ్ అనుమానాలకు డైరెక్టర్ ఒకే సమాధానం..
నాగ్ కెరీర్ కమర్షియల్ సక్సెస్ లతో సాగుతున్న టైమ్ లో.. రాఘవేంద్రరావు భక్తిరస చిత్రం చేద్దామంటూ 'అన్నమయ్య' ప్రతిపాదన తెచ్చారు. సహజంగానే నాగార్జునకు ఒక పెద్ద సందేహం కలిగింది. "సార్, నేనేమో ఇప్పుడే నిన్నే పెళ్లాడతా, గ్రీకువీరుడు వంటి రొమాంటిక్ సినిమాలు చేసి రొమాంటిక్ పాటలు పాడుకున్నాను. ఇప్పుడు నాతో వచ్చి 'కలగంటి కలగంటి' అంటూ భక్తి పాటలు పాడిస్తే ప్రేక్షకులు ఎలా స్వీకరిస్తారు? నా మీద ఆ భక్తి భావం సరిపోతుందా?" అని రాఘవేంద్రరావు గారిని అడిగారు .
అప్పుడు రాఘవేంద్రరావు గారు నాగార్జునకు ధైర్యం చెప్తూ ఒకే ఒక్క మాట అన్నారు: "నువ్వు నన్ను నమ్ముతావా లేదా? నా మాట విను, నేను చూసుకుంటాను" అని ఆయన అన్నారు. డైరెక్టర్ రాఘవేంద్రరావుపై ఉన్న బలమైన నమ్మకం, తనను సరికొత్తగా ఆవిష్కరించుకోవాలనే కసి నాగార్జునను ఈ సాహసం చేసేలా ప్రోత్సహించాయి. అలా గ్రీకువీరుడు అన్నమయ్యగా మారడానికి సిద్ధపడ్డారు.
'అన్నమయ్య' కేవలం భక్తి చిత్రం మాత్రమే కాదు, నాగార్జున నట జీవితంలోనే ఒక మైలురాయి. ఒక సాదాసీదా రసికుడైన యువకుడి నుండి సకల చరాచర జగత్తును వెంకటేశ్వరస్వామి రూపంలో చూసే గొప్ప పరమభక్తునిగా ఆయన పరిణామం చెందిన తీరు అద్భుతం. ముసలితనంలో అన్నమయ్యగా ఆయన పలికించిన హావభావాలు అప్పటి ప్రేక్షకులను కన్నీళ్లు పెట్టించాయి.
55
ప్రాణం పోసిన సంగీతం, అవార్డుల పంట పండించిన మూవీ..
ఈ సినిమా విజయానికి సంగీత దర్శకుడు ఎం.ఎం. కీరవాణి అందించిన స్వరాలు అతిపెద్ద బలం. సినిమాలోని ప్రతి పాట నేటికీ భక్తుల హృదయాల్లో మారుమోగుతూనే ఉంటుంది. అన్నమాచార్యుల కీర్తనలను ఆధునిక శ్రోతలకు కూడా నచ్చేలా కీరవాణి స్వరపరిచిన తీరు అనన్యసామాన్యం.నాగార్జున కెరీర్ బెస్ట్ ఫిలిం: విడుదలకు ముందు ఎన్నో అనుమానాలు ఉన్నప్పటికీ, థియేటర్లలోకి వచ్చిన తర్వాత 'అన్నమయ్య' సృష్టించిన సంచలనం అంతా ఇంతా కాదు.
నాగార్జున కెరీర్లోనే అత్యంత గొప్ప చిత్రాలలో ఒకటిగా ఇది నిలిచిపోయింది.ఈ సినిమాకుగాను ఆయన జాతీయ స్థాయిలో ప్రత్యేక జ్యూరీ అవార్డుతో పాటు నంది అవార్డును కూడా గెలుచుకున్నారు. "నిజంగా నాకు అప్పట్లో తెలియదు. కానీ నాగార్జునగా నా కెరీర్లో శివ ఎంతటి సంచలనమో, అన్నమయ్య కూడా అంతే పెద్ద మలుపు" అని ఆయన గుర్తుచేసుకుంటుంటారు.
