అమృత ప్రణయ్ తెలుగు రాష్ట్రాల ప్రజలకు పరిచయం అక్కర్లేని పేరు. పరువు హత్య బాధితురాలిగా భర్తను కోల్పోయిన అమృత (Aamrutha pranay) ప్రణయ్, మీడియాలో సెన్సేషనల్ టాపిక్ గా నిలిచారు. అలాంటి అమృత యూట్యూబ్ సాంగ్ లో డాన్స్ చేస్తూ కనిపించి అందరికీ షాక్ ఇచ్చారు.
2018 సెప్టెంబర్ 14న మిర్యాలగూడలో అమృత భర్త ప్రణయ్ ను దారుణంగా హత్య చేసి చంపారు. ఐదు నెలల గర్భవతి అయిన అమృత భర్త, అత్తయ్యతో పాటు చెకప్స్ కొరకు ఆసుపత్రికి వెళ్లి తిరిగొస్తుండగా, మాటు వేసి ఉన్న దుండగుడు, దాడి చేసి చంపేశారు. కళ్ళ ముందే భర్త మరణాన్ని చూసిన అమృత షాక్ గురయ్యారు. కాపాడుకోవాలనే ప్రయత్నంలో తిరిగి ఆసుపత్రిలోకి పరుగులు తీశారు. అయినా ప్రయోజనం లేకుండా పోయింది.
స్కూల్ డేస్ నుండి ప్రేమించుకుంటున్న అమృత, ప్రణయ్ 2018 జనవరిలో పెళ్లి చేసుకున్నారు. సామాజికంగా, ఆర్థికంగా తమ కంటే తక్కువ స్థాయి వ్యక్తిని పెళ్లి చేసుకోవడం అమృత తండ్రి మారుతీరావు కి నచ్చలేదు. దీంతో కిరాయి వ్యక్తులతో నాలుగు నెలలు ప్లాన్ చేయించి, మర్డర్ చేయించాడు. ప్రణయ్ మర్డర్ తో సంబంధం ఉన్న మారుతీరావు తో పాటు మరికొందరిని పోలీసులు అరెస్ట్ చేశారు. బెయిల్ పై బయటికి వచ్చిన మారుతి రావు, హైదరాబాద్ లోని ఓ లాడ్జిలో ఆత్మహత్య చేసుకొని మరణించాడు.
అత్తమామల దగ్గరే ఉంటున్న అమృత ఓ అబ్బాయికి జన్మనివ్వడం జరిగింది. ఈ అమృత ప్రణయ్ ల కథను మర్డర్ (Mardar) పేరుతో రామ్ గోపాల్ వర్మ(Ram gopal varm) సినిమాగా కూడా తీయడం జరిగింది. నెలల తరబడి అమృత ప్రణయ్ కేసు మీడియాలో సెన్సేషనల్ న్యూస్ అయ్యింది. మారుతీరావు మరణం తరువాత, మీడియా ఈ విషయంపై ఆసక్తి చూపించడం తగ్గించింది.
తాజాగా అమృత మరోసారి వార్తలకు ఎక్కింది. ఆమె ఓ యూట్యూబ్ సాంగ్ వీడియోలో డాన్స్ చేస్తూ కనిపించి షాక్ ఇచ్చింది. యాంకర్ లాస్య దీపావళి సందర్భంగా ఓ పాటను తన యూట్యూబ్ ఛానల్ ద్వారా విడుదల చేశారు.
భర్త మంజునాధ్, కొడుకు జున్ను సైతం ఈ సాంగ్ లో కనిపించారు. ఈ దీపావళి సాంగ్ సగంలో సడన్ గా అమృత ప్రణయ్ ఎంట్రీ ఇచ్చారు. ఆమె యాంకర్ లాస్య (Anchor lasya) తో పాటు ఆడిపాడారు. ఓ సీరియస్ మర్డర్ కేసులో బాధితురాలిగా మీడియాలో చూసిన జనాలు, ఊహించని విధంగా, దివాళి సాంగ్ లో చూసి షాక్ అయ్యారు.
ఈ పరిణామంతో అమృత కెరీర్ పై ఫోకస్ పెట్టారని అనిపిస్తుంది. ఆమె బహుశా నటిగా మారాలనే ఆలోచనలో కూడా ఉండి ఉండవచ్చు. భర్త ప్రణయ్ మరణించిన నాటి నుండి ఆమె అత్తవారింటికే, పరిమితం అయ్యారు. పబ్లిక్ ఫిగర్ గా, ఆమె గురించి అందరికీ తెలిసిన నేపథ్యంలో ఉద్యోగ ప్రయత్నాలు కూడా చేయలేదు.
ఎలాగూ భర్తమరణం విషయంలో కన్న తండ్రినే ఎదిరించి పోరాటం చేసిన బ్రేవ్ గర్ల్ గా ఆమెకు ఫేమ్ ఉంది. ఆ ఫేమ్ తో అమృత నటిగా సక్సెస్ కావాలని ఆలోచన చేసే అవకాశం కూడా లేకపోలేదు. మరి చూడాలి అమృత భవిష్యత్ అడుగులు ఎటువైపో... లాస్య రూపొందించిన దివాళి సాంగ్ కి మంచి రెస్పాన్స్ దక్కుతుంది.
Also read Suama kanakala: పవర్ ఫుల్ టైటిల్, రెబల్ లుక్... యాంకర్ సుమ సెన్సేషనల్ రీఎంట్రీ
Also read జరిగిన నష్టానికి ఆనందం అంత త్వరగా రాదని తెలుసు: సమంత