తమన్నా ప్రస్తుతం నటుడు విజయ్ వర్మతో రిలేషన్ లో ఉంది. అయితే గతంలో మరో ఇద్దరితో తమన్నా ఎఫైర్ నడిపిందట. వారు ఎవరు? ఎందుకు విడిపోవాల్సి వచ్చింది? అనే విషయాలు తమన్నా బహిర్గతం చేసింది.
దాదాపు రెండు దశాబ్దాలుగా సిల్వర్ స్క్రీన్ పై రాణిస్తుంది తమన్నా భాటియా. టాలీవుడ్ ఆమెకు బ్రేక్ ఇచ్చింది. తెలుగులో తమన్నా నటించిన హ్యాపీ డేస్, 100 % లవ్ భారీ విజయం సాధించాయి. అనతికాలంలో తమన్నా స్టార్ హీరోయిన్స్ లిస్ట్ లో చేరింది.
ఎన్టీఆర్, అల్లు అర్జున్, ప్రభాస్, పవన్ కళ్యాణ్, మహేష్ బాబు, చరణ్ వంటి టాప్ స్టార్స్ సరసన పలు చిత్రాల్లో నటించింది. చిరంజీవి, వెంకటేష్ తో కూడా తమన్నా నటించడం విశేషం. అటు బాలీవుడ్ లో సైతం తమన్నా సత్తా చాటారు. హిందీ చిత్రాల్లో వరుస ఆఫర్స్ అందుకుంటుంది.
తమన్నా వ్యక్తిగత జీవితం పరిశీలిస్తే... నటుడు విజయ్ వర్మతో రిలేషన్ లో ఉంది. ఈ విషయాన్ని ఆమె స్వయంగా వెల్లడించింది. 2023లో తమన్నా-విజయ్ వర్మ డేటింగ్ చేస్తున్నారనే రూమర్స్ వచ్చాయి. మొదట్లో తమన్నా ఈ వార్తలను ఖండించింది. తాను ఎవరినీ ప్రేమించడం లేదంటూ పుకార్లను కొట్టి పారేసింది.
అనంతరం విజయ్ వర్మతో తన బంధాన్ని బహిర్గతం చేసింది. యాంథాలజీ సిరీస్ లస్ట్ స్టోరీస్ 2 లో తమన్నా-విజయ్ వర్మ జతకట్టారు. లస్ట్ స్టోరీస్ 2 షూటింగ్ సమయంలో ఇద్దరి మధ్య ప్రేమ చిగురించిందట. విజయ్ వర్మపై నాకు పూర్తి విశ్వాసం ఉంది. ఆయన నాకు రక్షణగా ఉంటారనే నమ్మకం కలిగింది. విజయ్ వర్మను ప్రేమించడానికి కారణం ఇదే.. అని తమన్నా గతంలో వెల్లడించారు.
అయితే విజయ్ వర్మ కంటే ముందు ఇద్దరితో తనకు బ్రేకప్ అయ్యిందని తమన్నా తాజా ఇంటర్వ్యూలో బయటపెట్టింది. ఈ మేరకు ఆమె చేసిన కామెంట్స్ సంచలనం రేపాయి. టీనేజ్ లో ఉన్నప్పుడు ఓ అబ్బాయిని తమన్నా ఇష్టపడిందట. అతనితో రిలేషన్ స్టార్ట్ చేసిందట. అతడు తన లక్ష్యాన్ని అర్థం చేసుకోలేదట. తన కలలు నెరవేర్చుకోవడానికి అడ్డుపడే ఆ ప్రేమ వద్దని బ్రేకప్ చెప్పిందట.
కొన్నాళ్ల తర్వాత మరొక వ్యక్తి ప్రేమలో పడిందట. అబద్ధాలతో కూడిన ఆ బంధాన్ని కొనసాగించడం కష్టం అనిపించిందట. ఈ కారణంగా ఆ వ్యక్తితో తమన్నా విడిపోయిందట. ఆ విధంగా రెండుసార్లు తన హృదయం బద్దలైందని తమన్నా చెప్పుకొచ్చింది.
ఇక విజయ్ వర్మతో వివాహం ఎప్పుడంటే స్పష్టమైన సమాధానం ఇవ్వడం లేదు. పెళ్లి పట్ల ఆసక్తి లేదని ఆమె అంటున్నారు. తమన్నా కామెంట్స్ నేపథ్యంలో విజయ్ వర్మతో కూడా తమన్నా విడిపోయారా? అనే సందేహాలు కలుగుతున్నాయి.
ఈ ఏడాది తమన్నా నటించిన అర్నమనై 2, స్త్రీ 2, వేద చిత్రాలు విడుదలయ్యాయి. ప్రస్తుతం అశోక్ తేజ దర్శకత్వంలో ఓదెల 2 చిత్రం చేస్తుంది. హెబ్బా పటేల్ మరొక కీలక రోల్ చేస్తుంది. మరోవైపు డిజిటల్ సిరీస్లపై ఆమె దృష్టి పెడుతున్నారు. తమన్నా గెస్ట్ రోల్ చేసిన స్త్రీ 2 బ్లాక్ బస్టర్ గా నిలిచింది.