Sreeleela: ఈ క్వాలిటీస్ మీలో ఉంటే హీరోయిన్ శ్రీలీలకు భర్త కావచ్చు ... మరి చెక్ చేసుకోండి!

యంగ్ బ్యూటీ శ్రీలీల తనకు ఎలాంటి భర్త కావాలో చెప్పేసింది. ఈ క్వాలిటీ ఉన్నవాడే నా భర్త అంటూ హింట్ ఇచ్చేసింది. శ్రీలీల కామెంట్స్ వైరల్ అవుతున్నాయి.   

కన్నడ బ్యూటీ శ్రీలీల ఆనతి కాలంలో స్టార్ అయ్యింది. మహేష్ బాబు, బాలకృష్ణ, పవన్ కళ్యాణ్ వంటి టాప్ స్టార్స్ పక్కన ఛాన్స్ కొట్టేసింది. పెళ్లి సందడి చిత్రంతో తెలుగు ప్రేక్షకులను పలకరించిన ఈ భామ, ధమాకాతో మొదటి హిట్ కొట్టింది. స్కంద ప్లాప్ అయినా భగవంత్ కేసరితో మరో విజయం అందుకుంది. 

ప్రస్తుతం శ్రీలీల ఖాతాలో గుంటూరు కారం, ఉస్తాద్ భగత్ సింగ్, ఎక్స్ట్రా ఆర్డినరీ మ్యాన్ వంటి క్రేజీ ప్రాజెక్ట్స్ ఉన్నాయి. వరుస ఆఫర్స్ నేపథ్యంలో రెమ్యూనరేషన్ కూడా భారీగా పెంచినట్లు సమాచారం. ఏళ్ల తరబడి కొందరు హీరోయిన్స్ తపస్సు చేసినా రాని ఇమేజ్ శ్రీలీల రెండేళ్ల కాలంలో రాబట్టింది. 

ఇక కుర్రాళ్ళలో శ్రీలీలకు ఉన్న ఇమేజ్ అంతా ఇంతా కాదు. శ్రీలీల ఎనర్జీ, డాన్సులకు సపరేట్ ఫ్యాన్ బేస్ ఉంది. శ్రీలీలను ఆరాధించే అభిమానులు ఉన్నారు. ఈ క్రమంలో శ్రీలీల ఎవరిని చేసుకుంటుంది? ఆమెకు ఎలాంటి భర్త కావాలనే విషయాలపై జనాల్లో ఆసక్తి ఉంది. లేటెస్ట్ ఇంటర్వ్యూలో శ్రీలీలను తనకు కాబోయే భర్త ఎలా ఉండాలో అడగడం జరిగింది. 

శ్రీలీల మాట్లాడుతూ... నాకు కాబోయే భర్తకు ఫ్యామిలీ అంటే అమితమైన ఇష్టం ఉండాలి. కుటుంబ విలువలు పాటించాలి. సెన్సాఫ్ హ్యూమర్ ఉండాలి. కొన్ని సార్లు నన్ను తట్టుకోవడం కష్టం.కాబట్టి నన్ను భరించేవాడు అయ్యుండాలి. అందంతో పాటు ఈ లక్షణాలు ఉన్న వాడే నాకు భర్తగా కావాలని ఓపెన్ అయ్యింది. శ్రీలీల కామెంట్స్ వైరల్ అవుతున్నాయి. 

22 ఏళ్ల శ్రీలీల అప్పుడే పెళ్లి చేసుకునే ఛాన్స్ లేదు. ఆమె చదువు కూడా పూర్తి కాలేదని తెలుస్తుంది. ఎంబిబిఎస్ చదువుతున్న శ్రీలీల ఇటీవల పరీక్షలు రాశారని వార్తలు వచ్చాయి. శ్రీలీల తల్లి బెంగుళూరులో ప్రముఖ గైనకాలజ్ట్. అందుకే కూతురిని కూడా మెడిసిన్ చదివిస్తుంది. అయితే చిన్నప్పటి నుండి డాన్స్ కూడా నేర్పించింది. 

శ్రీలీల లేటెస్ట్ మూవీ ఆదికేశవ డిజాస్టర్ అయ్యింది. వైష్ణవ్ తేజ్ హీరోగా నటించిన ఈ మూవీ గురించి జనాల్లో హైప్ లేదు. రెండో రోజు నుండే ఆడియన్స్ మర్చిపోయారు. ఇది శ్రీలీల కెరీర్ కి ప్రమాదం అని చెప్పొచ్చు. ఇకపై సినిమాల ఎంపికలో శ్రీలీల జాగ్రత్తగా ఉండాలి.