చాల కాలంగా సిల్వర్ స్క్రీన్ పై కనిపించడంలేదు హీరోయిన్ స్నేహా ఉల్లాలు. గతంలో వరుస ఆఫర్లతో దూసుకుపోయిన ఈ బ్యూటీ.. తనకు ఆఫర్లు రాకపోవడానికి కారణం ఏంటో వెల్లడించింది.
టాలీవుడ్ ఐశ్వర్య రాయ్ గా పేరు తెచ్చుకుంది స్నేహా ఉల్లాల్. వరుస సినిమాల్లో నటించిన ఈ బ్యూటీ... చిన్నగా తెరమరుగు అయ్యింది. గతంలో స్పెషల్ సాంగ్స్ చేయడానికి ఇష్టపడని ఈ బ్యూటీ.. ఇప్పుడు ఐటం సాంగ్స్ చేయడానికి కూడా రెడీ అవుతుంది. తనకు అవకాశాలు రాకపోవడానికి కారణం కూడా వెల్లడించింది బ్యూటీ.
ఐటం సాంగ్స్ చేయడం అంటే తనకు ఇష్టం లేదు అంటోంది.. హీరోయిన్ స్నేహా ఉల్లాల్. నేను ఐటమ్ సాంగ్స్ కు చేయడానికి పూర్తి వ్యతిరేకిని. కాని ఇప్పుడు మనసు మార్చుకుని స్పెషల్ సాంగ్స్ చేస్తున్నానని చెబుతుంది. ఉల్లాసంగా ఉత్సాహంగా సినిమాతో టాలీవుడ్ లో బాగా పాపులర్ అయిన ఈబ్యూటీ.. వరుసగా , కరెంట్‌, యాక్షన్‌ త్రీడీ లాంటి సినిమాలతో అలరించింది.
ఇక వ్యక్తిగత కారణాలతో 2015లో సినిమాలకు దూరం అయిన స్నేహా ఉల్లాల్ లాస్ట్ ఇయర్ మాత్రం లవ్ యూ లోక్ తంత్ర సినిమాలో కనిపించింది. పోయిన ఏడాది అక్టోబర్‌లో ఈసినిమా రిలీజ్ అయ్యింది. అయితే సినిమాల విషయంలో తాను గీసుకున్న గీత..కెరీర్ లో తనను ఎదగనీయకుండా చేసిందంటోంది స్నేహా ఉల్లాల్.
సినిమాల ఎంపికతో పాటు.. ఎక్స్ పోజింగ్ విషయంలో తనకంటూ కొన్ని పరిమితులు పెట్టుకోవడం వల్లే హీరోయిన్ గా వెనకబడ్డానని ఆమె తెలిపింది. స్నేహా ఉల్లాల్ మాట్లాడుతూ…మనం ఏది చేయకూడదు అనుకుంటామో..కొన్నిసార్లు అవే పనులు చేయాల్సి వస్తుంది.
ఐటెం సాంగ్స్ చేయడం నాకు ఇష్టం ఉండదు. ఇలాంటి పాటలు చేయమని గతంలో పదుల సంఖ్యలో అవకాశాలు వచ్చాయి. వాటన్నింటినీ రిజక్ట్ చేశాను. అప్పటి నుంచే స్కిన్ షోకి.. హాట్ హాట్ గా కనిపించడంలో కాస్త రూల్స్ బ్రేక్ చేసి ఉంటే.. నా పరిస్థతి వేరేలా ఉండేది అంటోంది.కానీ ఇలా గిరిగీసుకుంటే పరిశ్రమలో కొనసాగలేమని అర్థమైందంటోంది.
త్వరలో ఓ తెలుగు సినిమాలో ఐటం సాంగ్ చేయబోతుంది స్నేహా ఉల్లాల్. ఇప్పటికే లేట్ చేశాను... స్పెషల్ సాంగ్స్ చేస్తే ఇంకా అవకావాలు పెరిగే ఛాన్స్ ఉంది. అందుకే స్పెషల్ సాంగ్‌లో కనిపించబోతున్నా. గతంలో అలా చేయకుండా ఉండాల్సింది అంటూ.. పశ్చాతాపడింది బ్యూటీ.