విదేశాల్లో స్వేచ్ఛగా విహరిస్తున్న సమంత... లేటెస్ట్ స్టిల్స్ వైరల్!

సిటాడెల్ షూటింగ్ కోసం సెర్బియా దేశం వెళ్ళింది సమంత. అక్కడ షెడ్యూల్ ముగిసినట్లు తెలుస్తుండగా సమంత జాలీగా విహరిస్తున్నారు.   

Samantha

సమంత ప్రస్తుతం సెర్బియా దేశంలో ఉన్నారు. సిటాడెల్ లేటెస్ట్ షెడ్యూల్ అక్కడ జరుగుతుంది. మొత్తంగా సిటాడెల్ షూటింగ్ పూర్తి చేశారని సమాచారం. త్వరలో పోస్ట్ ప్రొడక్షన్ వర్క్ మొదలుకానుంది. పని పూర్తి కావడంతో అక్కడి అందమైన ప్రదేశాల్లో సమంత విహరిస్తున్నారు. హోటల్స్, పర్యాటక ప్రదేశాలను సందర్శిస్తున్నారు. సమంతతో పాటు సిటాడెల్ టీమ్ సెర్బియాలో ఆహ్లాదంగా గడుపుతున్నారు. సమంత తన హ్యాపీ మూమెంట్స్ ఇంస్టాగ్రామ్ లో షేర్ చేయగా వైరల్ అవుతున్నాయి. 

Samantha

 కాగా సెర్బియా పర్యటనలో ఉన్న భారత రాష్ట్రపతి ద్రౌపది ముర్మును సిటాడెల్ యూనిట్ మర్యాదపూర్వకంగా కలిశారు. వరుణ్ ధావన్, సమంత, రాజ్ అండ్ డీకే రాష్ట్రపతితో ఫోటో దిగారు. ఇక సమంత నటిస్తున్న సిటాడెల్ ఇంటర్నేషనల్ సిరీస్. ఇంగ్లీష్ లో ప్రియాంక చోప్రా చేశారు. దాని ఇండియన్ వెర్షన్ లో సమంత నటిస్తున్నారు. సిటాడెల్ సిరీస్ కి ది ఫ్యామిలీ మాన్ ఫేమ్ రాజ్ అండ్ డీకే దర్శకత్వం వహిస్తున్నారు.  వరుణ్ ధావన్-సమంత ప్రధాన పాత్రలు చేస్తున్నారు. సమంత-వరుణ్ మధ్య బోల్డ్ సన్నివేశాలు ఉంటాయనే ప్రచారం జరుగుతుండగా లేదని యూనిట్ క్లారిటీ ఇచ్చింది. 

Samantha

అలాగే సమంత విజయ్ దేవరకొండకి జంటగా ఖుషి చిత్రంలో నటిస్తున్నారు. దర్శకుడు శివ నిర్వాణ రొమాంటిక్ లవ్ ఎంటర్టైనర్ రూపొందిస్తున్నారు. ఖుషి చిత్రీకరణ చివరి దశకు చేరింది. సెప్టెంబర్ 1న విడుదల చేస్తున్నట్లు ప్రకటించారు. చాలా కాలం తర్వాత సమంత లవ్ అండ్ రొమాంటిక్ ఎంటర్టైనర్ లో నటిస్తున్నారు. 

Samantha

గతంలో శివ నిర్వాణ దర్శకత్వంలో సమంత మజిలీ చిత్రం చేశారు. అది సూపర్ హిట్ కొట్టింది. సమంత ఓ హాలీవుడ్ మూవీకి సైన్ చేశారని సమాచారం. దర్శకుడు ఫిలిప్ జాన్ చెన్నై స్టోరీ టైటిల్  తో రొమాంటిక్ ఎంటర్టైనర్ చేయనున్నారట. వివేక్ కాల్రా హీరోగా నటించనున్న ఈ హాలీవుడ్ మూవీలో చెన్నై అమ్మాయిగా సమంత నటిస్తున్నారనే పుకార్లు వినిపిస్తున్నాయి. దీనిపై అధికారిక సమాచారం అందాల్సి ఉంది. 

Samantha

ఇక శాకుంతలం మూవీతో సమంతకు భారీ షాక్ తగిలింది. సమంత కెరీర్లో అతి పెద్ద డిజాస్టర్ గా శాకుంతలం నిలిచింది. దర్శకుడు గుణశేఖర్ దర్శకత్వం వహించారు. దిల్ రాజు భారీ బడ్జెట్ తో నిర్మించారు. శాకుంతలం మూవీతో దిల్ రాజు పెద్ద మొత్తంలో నష్టపోయినట్లు వార్తలు వస్తున్నాయి.