సమంతకు బంపర్ ఆఫర్... ఆ స్టార్ హీరో సరసన మరోసారి!

సమంత ఓ స్టార్ హీరో సరసన బంపర్ ఆఫర్ కొట్టేసిందంటూ వార్తలు వస్తున్నాయి. ఆ హీరోతో ఏకంగా నాలుగోసారి కటకట్టనుందట. ఆ వివరాలు ఏమిటో చూద్దాం..   

Samantha

సమంత పరిశ్రమకు వచ్చి 14 ఏళ్ళు అవుతుంది. 2010లో విడుదలైన ఏమాయ చేసావే ఆమె డెబ్యూ మూవీ. మొదటి చిత్రంతోనే భారీ హిట్ కొట్టిన సమంత వెనక్కి తిరిగి చూసుకుంది లేదు. హిట్ మీద హిట్ కొడుతూ స్టార్ హీరోయిన్ హోదా తెచ్చుకుంది. సౌత్ ఇండియాలో సత్తా చాటిన సమంత వెబ్ సిరీస్లతో నార్త్ ఆడియన్స్ కి కూడా దగ్గరైంది. 

Samantha Ruth Prabhu

2022 అక్టోబర్ నెలలో సమంత తనకు మయోసైటిస్ సోకిన విషయం వెల్లడించింది. అరుదైన వ్యాధి బారిన పడిన సమంత కొన్నాళ్ళు బ్రేక్ తీసుకుంది. ఓ ఏడాది పాటు షూటింగ్స్ కి దూరమైన సమంత ఇటీవల కొత్త ప్రాజెక్ట్ ప్రకటించింది. సొంత నిర్మాణ సంస్థను ఏర్పాటు చేసి 'మా ఇంటి బంగారం' టైటిల్ తో లేడీ ఓరియెంటెడ్ మూవీ చేస్తున్నట్లు వెల్లడించింది. ఫస్ట్ లుక్ కూడా షేర్ చేసింది. మా ఇంటి బంగారం ఫస్ట్ లుక్ పోస్టర్ లో సమంత రెబల్ లేడీ వలె ఉన్నారు. 

తాజాగా ఆమెకు ఓ బంపర్ ఆఫర్ తగిలినట్లు వార్తలు వస్తున్నాయి. కోలీవుడ్ స్టార్ విజయ్ కి జంటగా సమంత మరోసారి నటించనుందట. దర్శకుడు హెచ్. వినోత్ తో విజయ్ తదుపరి చిత్రం చేస్తున్నాడట. ఈ మూవీలో హీరోయిన్ గా మృణాల్ ఠాకూర్, పూజా హెగ్డే నటిస్తున్నారని కథనాలు వెలువడ్డాయి. లేటెస్ట్ సమాచారం ప్రకారం... ఆ ఛాన్స్ సమంతకు దక్కిందని అంటున్నారు. 

సినిమాలకు పూర్తిగా గుడ్ బై చెప్పి రాజకీయాల్లో నిమగ్నం అవ్వాలని అనుకుంటున్న విజయ్ చివరి ప్రాజెక్ట్ ఇదే అంటున్నారు. అధికారిక ప్రకటన రాకున్నప్పటికీ హెచ్. వినోత్-విజయ్ ప్రాజెక్ట్ లో సమంత హీరోయిన్ గా ఎంపికైందనే ఊహాగానాలు వినిపిస్తున్నాయి. కాగా గతంలో కత్తి, తేరి, మెర్సల్ చిత్రాల్లో సమంత-విజయ్ జతకట్టారు. ఈ పుకార్లు నిజమైతే నాలుగోసారి కలిసి నటించినట్లు అవుతుంది. 

మరోవైపు సమంత నటించిన వెబ్ సిరీస్ సిటాడెల్ పోస్ట్ ప్రొడక్షన్ జరుపుకుంటుంది. హనీ బన్నీ అని దీనికి టైటిల్ నిర్ణయించారు. రాజ్ అండ్ డీకే తెరకెక్కించారు. వరుణ్ ధావన్ మరో ప్రధాన పాత్ర చేశారు. ప్రైమ్ లో త్వరలో స్ట్రీమ్ కానుంది. రాజ్ అండ్ డీకే నెక్స్ట్ సిరీస్లో కూడా సమంత నటిస్తున్నారంటూ పుకార్లు వినిపిస్తున్నాయి.