హీరోయిన్ పూర్ణ తన మ్యారేజ్ క్యాన్సిల్ చేసుకున్నారనే వార్తలు వస్తుండగా... ఆమె షాకింగ్ ఫోటో షేర్ చేశారు. పరోక్షంగా ఆమె తన పెళ్లిపై ఓ క్లారిటీ ఇచ్చారు.
హీరోయిన్ ఇటీవల సోషల్ మీడియా వేదికగా పెళ్లి ప్రకటన చేశారు. వ్యాపారవేత్త షానిద్ అసిఫ్ అలీని కాబోయే భర్తగా పరిచయం చేశారు. ఈ నేపథ్యంలో ఆమెకు అభిమానులు బెస్ట్ విషెస్ తెలియజేశారు. అనంతరం కొన్ని రోజులకు ఘనంగా ఎంగేజ్మెంట్ వేడుక కూడా జరిగింది.
పూర్ణ తన ఎంగేజ్మెంట్ ఫోటోలు, వీడియోలు ఇంస్టాగ్రామ్ లో షేర్ చేశారు. ఎంగేజ్మెంట్ వేడుకలో పూర్ణ పుత్తడి బొమ్మలా కనిపించారు. ఖరీదైన డిజైనర్ వేర్ లో మెరిసిపోయారు. సదరు వేడుకలో కుటుంబ సభ్యులతో పాటు పూర్ణ చాలా ఆనందంగా కనిపించారు.
అయితే సడన్ గా పూర్ణ తన పెళ్ళి క్యాన్సిల్ చేసుకున్నారనే పుకార్లు తెరపైకి వచ్చాయి. మరో రెండు మూడు నెలల్లో వివాహం జరగాల్సి ఉండగా పూర్ణ తన నిర్ణయం మార్చుకున్నారని, షానిద్ అసిఫ్ అలీతో వివాహం రద్దు చేసుకున్నారంటూ కథనాలు పుట్టుకొచ్చాయి. కెరీర్ కోసమే పూర్ణ ఈ నిర్ణయం తీసుకున్నారన్న వాదన తెరపైకి వచ్చింది.
ఈ పుకార్లకు పూర్ణ ఒక్క ఫొటోతో చెక్ పెట్టింది. తాజాగా ఇంస్టాగ్రామ్ అకౌంట్ లో పూర్ణ ఓ ఫోటో షేర్ చేశారు. ఆ ఫొటోలో ఆమె షానిద్ ని గట్టిగా కౌగిలించుకున్నారు. అలాగే నీతో జీవితాంతం అంటూ ఓ రొమాంటిక్ కామెంట్ కూడా పెట్టారు. అలా పెళ్లి క్యాన్సిల్ రూమర్స్ హీరోయిన్ పూర్ణ ఖండించారు. ఈ క్రమంలో పూర్ణ కొద్దిరోజుల్లో ఓ ఇంటిది కావడం ఖాయంగా కనిపిస్తుంది.
మరోవైపు పూర్ణ క్యారెక్టర్ ఆర్టిస్ట్ గా సెకండ్ ఇన్నింగ్స్ స్టార్ట్ చేశారు. హీరోయిన్ గా దాదాపు ఫేడ్ అవుట్ అయిన పూర్ణ క్యారెక్టర్ రోల్స్ చేస్తున్నారు. అఖండ, దృశ్యం చిత్రాల్లో పూర్ణ ఆ తరహా పాత్రల్లో కనిపించారు. ఆది సాయి కుమార్ లేటెస్ట్ మూవీ తీస్ మార్ ఖాన్ లో కూడా ఆమె పూర్ణ కీలక రోల్ చేస్తున్నారు.
అలాగే బుల్లితెర ఈవెంట్స్ లో అప్పుడప్పుడు సందడి చేస్తున్నారు. ఢీ డాన్స్ రియాలిటీ షో సీజన్ 13లో పూర్ణ జడ్జిగా వ్యవహరించిన విషయం తెలిసిందే. లేటెస్ట్ సీజన్ నుండి ఆమె తప్పుకున్నారు.