శ్రీకాంత్‌లో ఉన్న వీక్‌నెస్‌ ఏంటో తెలుసా?.. అందుకే హీరోయిన్లతో అలా.. ఒక హీరో విషయంలో ఇది బాధాకరం..

హీరో శ్రీకాంత్‌ హీరోయిన్లతో ఎందుకు దూరంగా ఉంటాడు? వారితో ఎందుకు మాట్లాడడు? ఆయన అసలు వీక్‌నెస్‌ ఏంటి? ఇవన్నీ తేలిపోయాయి.   

మ్యాన్లీ స్టార్‌ శ్రీకాంత్‌ ఫ్యామిలీ సినిమాలతో మెప్పించాడు. కుటుంబ నేపథ్యం గల సినిమాలు చేసి విజయాలు అందుకున్నాడు. ఫ్యామిలీస్టార్‌గా ఎదిగాడు. ఇప్పుడు క్యారెక్టర్‌ ఆర్టిస్ట్ గా టర్న్ తీసుకున్నాడు. నెగటివ్‌ రోల్స్, పాజిటివ్‌ రోల్స్ చేసి మెప్పిస్తున్నారు. కాలానికి తగ్గట్టుగా తనని తాను మార్చుకుంటూ ముందుకు సాగుతున్నాడు. 

ఈ క్రమంలో హీరో శ్రీకాంత్‌ పేరు ఇటీవల వైరల్‌గా మారింది. బెంగుళూరు రేవ్‌ పార్టీ కేసులో శ్రీకాంత్‌ పేరు తెరపైకి వచ్చింది. శ్రీకాంత్‌ని పోలి ఓ వ్యక్తి ఉండటంతో అంతా శ్రీకాంత్‌గానే భావించారు. దీంతో ఆయన మీడియా ముందుకు వచ్చి వివరణ ఇచ్చారు. తనకు పబ్‌లకు, రేవ్‌ పార్టీలకు వెళ్లే అలవాటు లేదని, ఏదైనా క్లోజ్‌గా ఉండేవారికి సంబంధించిన బర్త్ డే పార్టీలకు వెళితే వెంటనే వచ్చేస్తానని, కానీ తనకు ఇలాంటి పార్టీలు పడవని చెప్పారు. 

ఓ పెద్ద సీక్రెట్‌ని బయటపెట్టాడు శ్రీకాంత్‌. తనకు ఉన్న వీక్‌నెస్‌ని ఓపెన్‌గా చెప్పాడు. తాను ఎందుకు పార్టీలకు, పబ్‌లకు వెళ్లనో తెలిపారు. అంతేకాదు హీరోయిన్లకి కూడా తాను దూరంగా ఉంటాడట. సినిమా సెట్‌లోనూ తాను హీరోయిన్లతో మాట్లాడనని తెలిపారు. తన ఫ్యామిలీకే పరిమితమని వెల్లడించాడు. అయితే తాను ఎందుకు పార్టీలు, పబ్‌లకు దూరంగా, హీరోయిన్లతో మాట్లాడడో వెల్లడించాడట. 

శ్రీకాంత్‌.. తనకు ఇంగ్లీష్‌ సమస్య అని తెలిపారు. ఇంగ్లీష్‌ ఫ్లూయెంట్‌గా మాట్లాడటం రాదని చెప్పాడు శ్రీకాంత్‌. అదే తనకు పెద్ద వీక్‌ నెస్‌ అన్నారు. సినిమా షూటింగ్‌లోనూ హీరోయిన్లతో మాట్లాడకపోవడానికి కారణం అదే అన్నాడు. తనకు ఇంగ్లీష్‌ రాదనే విషయం వారికి తెలియకుండా ఉండేందుకు వారితో సరిగా మాట్లాడనని, ఎవరైనా హీరోయిన్లు వచ్చి ఇంగ్లీష్‌లో అడిగితే అసిస్టెంట్లని పిలిచి వారికి చెబుతానని, అక్కడి నుంచి నెమ్మదిగా జారుకుంటానని తెలిపారు శ్రీకాంత్‌. 

అప్పట్లో చాలా మంది ముంబయి హీరోయిన్లే వచ్చేవారని, వారికి తెలుగు వచ్చేది కాదు, ఇంగ్లీష్‌లోనే మాట్లాడాలి, మనకు కష్టం, అయితే ఇంగ్లీష్‌ మ్యానేజ్‌ చేస్తామని, కానీ ఏదైనా తప్పు అయితే పరువు పోతుందేమో అనే భయంతో తాను హీరోయిన్లతో ఇంగ్లీష్‌ మాట్లాడేవాడిని కాదని, వారికి దూరంగా ఉండేవాడినని తెలిపారు శ్రీకాంత్‌. పార్టీలు, పబ్‌లకు వెళ్లకపోవడానికి అది కూడా ఓ కారణమన్నారు. ఓపెన్‌ హార్ట్ వీత్‌ ఆర్కే ఇంటర్వ్యూలో ఈ విషయం చెప్పారు శ్రీకాంత్‌. ఇప్పుడు ఆ క్లిప్‌ వైరల్‌గా మారింది. ఈ క్రమంలో శ్రీకాంత్‌ వీక్‌నెస్‌ తెలిసిపోయింది.

నటి ఊహాని శ్రీకాంత్‌ ప్రేమించి పెళ్లి చేసుకున్నాడు. మ్యారేజ్‌ తర్వాత ఇలాంటి పార్టీల్లో వెళ్లాలి అని, ఇతర హీరోయిన్లపై ప్రేమ గలగలేదా అనే ప్రశ్నకి శ్రీకాంత్‌ ఈ విషయం తెలిపారు. తాను బ్యాడ్‌ హ్యాబిడ్స్ వద్దు అనుకున్నానని, ఫ్యామిలీ డిస్టర్బ్ అవుతుందని భావించి వాటికి దూరంగా ఉన్నట్టు తెలిపారు శ్రీకాంత్‌. హీరో నుంచి క్యారెక్టర్‌ ఆర్టిస్ట్ గా టర్న్ తీసుకున్న శ్రీకాంత్‌ ఇటీవల `కోట బొమ్మాళి`తో అదరగొట్టాడు. ఇప్పుడు `దేవర`, `గేమ్‌ ఛేంజర్‌` వంటి భారీ సినిమాల్లో నటిస్తున్నాడు.