మహేష్ సతీమణి నమ్రత శిరోద్కర్ తాజా ఇంటర్వ్యూలో కొన్ని కీలక వ్యాఖ్యలు చేశారు. ప్రేమ, వివాహం, పిలల్లు వంటి వ్యక్తిగత విషయాలు ఆమె పంచుకున్నారు. ఈ క్రమంలో సితార, గౌతమ్ గురించి ఆమె చేసిన కామెంట్స్ వైరల్ అవుతున్నాయి.
మహేష్-నమ్రతలు టాలీవుడ్ బెస్ట్ కపుల్. అందులో ఎలాంటి సందేహం లేదు. భార్యాభర్తలు ఎంత అన్యోన్యంగా, అవగాహనతో ఉండాలో వారిని చూసి నేర్చుకోవాలి. హైక్లాస్ ఫ్యామిలీస్ కి చెందిన మహేష్, నమ్రత వివాహ బంధం విషయంలో చాలా సాంప్రదాయంగా ఉంటారు. ఇక ఈ దంపతులు పిల్లల్ని ఎంతగా ప్రేమిస్తారంటే... ప్రపంచంలో మరొక తల్లిదండ్రులు అంతగా ప్రేమించరేమో అన్నట్లు.
మహేష్ (Mahesh Babu)పెద్ద ఇంట్రావర్ట్. ఆయనకు సినిమా తర్వాతే ప్రపంచం. ఖాళీ సమయం దొరికితే పిల్లలతో గడపడం ఇష్టమైన వ్యాపకం. సితార, గౌతమ్ ఇంట్లో లేకపోతే ఇష్టమైన సినిమా చూస్తారు, లేదా పుస్తకం చదువుతారు. ఏడాదిలో కనీసం ఏడెనిమిది టూర్స్ ప్లాన్ చేస్తారు. బహుశా మహేష్ ఫ్యామిలీ సందర్శించని వరల్డ్ ఫేమస్ ప్లేస్ లేదేమో... అంతగా షికార్లకు వెళతారు.
మహేష్ ఇదంతా పిల్లల కోసమే చేస్తారు. కోరింది కాదనకుండా వాళ్ళ ముందు ఉంచుతారు. ఇక సితార, గౌతమ్ సోషల్ మీడియాలో చాలా యాక్టీవ్. ముఖ్యంగా సీతారకు సపరేట్ ఫ్యాన్ బేస్ ఉంది. ఇంస్టాగ్రామ్ అకౌంట్ మైంటైన్ చేస్తున్న సితార ని లక్షల్లో ఫాలో అవుతున్నారు.
కాగా తాజా ఇంటర్వ్యూలో నమ్రత సితార గురించి ఆసక్తికర విషయాలు వెల్లడించారు. సితార బర్త్ ని మేము ప్లాన్ చేయలేదని ఆమె చెప్పారు. 2005లో మహేష్-నమ్రత వివాహం జరిగింది. ఆ నెక్స్ట్ ఇయర్ 2006లో గౌతమ్ పుట్టాడు. గౌతమ్ పుట్టిన ఆరేళ్లకు 2012లో సితార జన్మించారు.
అయితే సితారను మహేష్-నమ్రత కనాలి అనుకోలేదు. అంటే సెకండ్ చైల్డ్ ని వీరు ప్లాన్ చేయలేదట. కానీ సితార పుట్టకపోతే తమ జీవితాలు అసంపూర్తిగా ఉండేని నమ్రత(Namrata Shirodhkar) అన్నారు. కాగా గౌతమ్ పుట్టినప్పుడు చాలా మానసిక వేదన అనుభవించారట. 8 నెలలకే గౌతమ్ జన్మించాడట. వైద్యులు గౌతమ్ కండీషన్ చాలా క్రిటికల్ అని చెప్పారట. ఆ సమయంలో గౌతమ్ చనిపోతాడేమో అని నమ్రత-మహేష్ చాలా బాధపడ్డారట. గౌతమ్ కఠిన పరిస్థితులను ఎదిరించి బయటపడ్డాడట.
చాలా కాలంగా నమ్రత-మహేష్ పెద్దవారైన చిన్న పిల్లలకు గుండె ఆపరేషన్స్ చేయిస్తున్నారు. ఇప్పటి వరకు వెయ్యి మంది చిన్నారులకు పైగా మహేష్ ఫౌండేషన్ తరపున గుండె ఆపరేషన్స్ జరిగాయి. మహేష్ చిన్నారులకు వైద్యం అందించాలనే నిర్ణయం వెనుక గౌతమ్ కారణం.