చిరంజీవి ఫస్ట్ లవ్ ఎవరో తెలుసా? ఆమె కోసం ఇన్ని పోకిరీ వేషాలు వేశాడా?

చిరంజీవికి ఓ సందర్భంలో తన ఫస్ట్ లవ్ ఎవరో తెలియజేశాడు. ఆ అమ్మాయి కోసం వేసిన పోకిరీ వేషాలు బయటపెట్టాడు. ఇంతకీ చిరంజీవి మనసు దోచిన ఆ అమ్మాయి ఎవరు?  

Chiraneevi

మెగాస్టార్ చిరంజీవికి పరిశ్రమలో మిస్టర్ పర్ఫెక్ట్ అనే ట్యాగ్ ఉంది. ఆయన జెంటిల్ మెన్. చాలా సౌమ్యంగా మాట్లాడతారు. వివాదాలకు దూరంగా ఉంటారు. చిరంజీవిది నాలుగు దశాబ్దాలకు పైగా సినీ ప్రస్థానం. 

ఇటీవల గిన్నిస్ బుక్ ఆఫ్ వరల్డ్ రికార్డ్స్ కూడా సొంతం చేసుకున్నాడు. ఐదు వందలకు పైగా పాటల్లో నృత్యం చేసిన చిరంజీవి మొత్తంగా 24000 స్టెప్స్ వేశారు. మరొక హీరోకి ఈ ఘనత లేదు. దాంతో చిరంజీవి పేరు గిన్నిస్ బుక్ ఆఫ్ వరల్డ్ రికార్డ్స్ లో చేరింది. ఏడు పదుల వయసు దగ్గర పడుతున్నా చిరంజీవి కుర్ర హీరోలతో పోటీపడుతూ చిత్రాలు చేస్తున్నారు. 

ఇప్పటి వరకు 156 చిత్రాల్లో నటించిన చిరంజీవి అనేక మంది హీరోయిన్స్ తో స్క్రీన్ షేర్ చేసుకున్నారు. జయసుధ నుండి తమన్నా వరకు నాలుగైదు జనరేషన్స్ హీరోయిన్స్ తో ఆయనతో ఆడిపాడారు. ఇన్నేళ్ల కెరీర్లో చిరంజీవి పై ఎఫైర్ రూమర్స్ వినిపించింది తక్కువే. 

చిరంజీవికి ఇష్టమైన హీరోయిన్స్ అంటూ ఒకరిద్దరి పేర్లు తెరపైకి వచ్చాయి. కానీ వారితో ఆయన బంధం ఎలాంటిది అనేది తెలియదు. అలాగే ఎఫైర్స్ నడిపేందుకు చిరంజీవికి అవకాశం లేకుండా పోయింది. అందుకు కారణం... ఇండస్ట్రీకి వచ్చిన కొత్తల్లోనే ఆయనకు పెళ్లి జరిగింది. స్టార్ కమెడియన్ కమ్ క్యారెక్టర్ ఆర్టిస్ట్ అల్లు రామలింగయ్య ఏరి కోరి చిరంజీవిని అల్లుడిగా తెచ్చుకున్నాడు. 

అయితే చిరంజీవికి ఓ లవ్ స్టోరీ ఉందట. ఈ విషయాన్ని గతంలో ఆయన బయటపెట్టారు. అమిర్ ఖాన్ హీరోగా నటించిన లాల్ సింగ్ చద్దా తెలుగు వెర్షన్ ప్రమోషన్స్ కోసం అమిర్ ఖాన్ హైదరాబాద్ వచ్చారు. లాల్ సింగ్ చద్దాలో నాగ చైతన్య గెస్ట్ రోల్ చేశారు. ఈ క్రమంలో అమిర్ ఖాన్, చిరంజీవి, నాగ చైతన్య, నాగార్జున చిట్ చాట్ ప్రోగ్రాం లో పాల్గొన్నారు. 

ఈ ఈవెంట్ లో అమిర్ ఖాన్... చిరంజీవి సర్, మీరు మొదటిసారి ప్రేమలో ఎప్పుడు పడ్డారు? అని అడిగాడు. దానికి చిరంజీవి నవ్వేశాడు. అయితే తన ఫస్ట్ లవ్ ఎప్పుడు? ఎవరితోనో వెల్లడించాడు. ''నా ఫస్ట్ లవ్ అంటే 7వ తరగతి చదివే రోజుల్లో. ఓ అమ్మాయి సైకిల్ తొక్కుతూ స్కూల్ కి వెళ్ళేది. ఆ రోజుల్లో మా మొగల్తూరులో అమ్మాయి సైకిల్ తొక్కడం అంటే మామూలు విషయం కాదు. 

ఆ అమ్మాయితో నాకు చనువు ఉండేది. నాకు సైకిల్ తొక్కడం రాదు. వచ్చు కానీ ఎక్స్పర్ట్ ని కాదు. నాకు కూడా సైకిల్ నేర్పుతావా? అని, ఆ అమ్మాయిని అడిగేవాడిని. ఆ అమ్మాయి నాకు సైకిల్ నేర్పేది. నేను సైకిల్ తొక్కుతుంటే.. అమ్మాయి వెనుక పట్టుకునేది. నేనేమో సైకిల్ తొక్కుతూ ముందు చూడకుండా.. వెనక్కి తిరిగి ఆ అమ్మాయి ముఖం చూడటానికి ప్రయత్నం చేసేవాడిని.. ఆ అమ్మాయి ముందు చూడు, అనేది. 

ఆమె పేరు చెప్పను కానీ.. తనే నా ఫస్ట్ లవ్'', అని చిరంజీవి తన రొమాంటిక్ లవ్ స్టోరీ చెప్పుకొచ్చాడు. పరిశ్రమకు రాకముందు చదువుకునే రోజుల్లో మొగల్తూరులో జరిగిన సంగతులు పంచుకున్నాడు. డిగ్రీ పూర్తి చేసిన చిరంజీవి, మద్రాస్ వెళ్లి నటనలో శిక్షణ తీసుకుంటూ ప్రయత్నాలు చేశాడు. ఒక్కో మెట్టు ఎదుగుతూ స్టార్ హీరో అయ్యాడు. 

ప్రస్తుతం చిరంజీవి విశ్వంభర మూవీ చేస్తున్నారు. ఇది సోషియో ఫాంటసీ చిత్రం. బింబిసార ఫేమ్ వశిష్ట తెరకెక్కిస్తున్నాడు. త్రిష హీరోయిన్. యూవీ క్రియేషన్స్ బ్యానర్ లో నిర్మిస్తున్నారు. సంక్రాంతి కానుకగా 2025 జనవరి 10న విడుదల కానుంది.