బిగ్‌బాస్‌ 4లో సందడి చేసి పాపులర్‌ అయిన గంగవ్వ గృహ ప్రవేశం చేసింది. బిగ్‌బాస్‌, నాగార్జున కలిసి కట్టించిన ఇంట్లోకి నేడు(మంగళవారం) వెళ్లింది. ఈ సందర్భంగా ఏర్పాటు చేసిన గృవ ప్రవేశ ఫంక్షన్‌లో బిగ్‌బాస్‌ కంటెస్టెంట్లు, ఇతర సెలబ్రిటీలు పాల్గొని సందడి చేశారు.
`మై విలేజ్‌` అనే షోతో పాపులర్‌ అయ్యింది గంగవ్వ. యూట్యూబ్‌లో విలేజ్‌ వంటలు చేస్తూ మంచి గుర్తింపుని తెచ్చుకుంది. తెలంగాణ యాసలో స్వచ్ఛమైన తెలంగాణ వంటకాలను తన వీడియోల్లో చూపించింది గంగవ్వ. దీంతో ఆమెకి మంచి పేరు వచ్చింది. తెలుగు జనాలకు దగ్గరయ్యింది. ఆమెకి ఉన్న క్రేజ్‌ని, ఫాలోయింగ్‌ని చూసిన బిగ్‌బాస్‌ నిర్వహకులు గత నాల్గో సీజన్‌లో కంటెస్టెంట్లుగా ఎంపిక చేశారు. ఓ వృద్దురాలిని కంటెస్టెంట్‌గా ఎంపిక చేసి సంచలనం సృష్టించారు. గంగవ్వ బిగ్‌బాస్‌లో పాల్గొనడమే అప్పట్లో ఓ సెన్సేషన్‌గా మారింది. అందుకు తగ్గట్టే ఆమె హౌజ్‌లోనూ సందడి చేస్తుంది. తనదైన స్టయిల్‌లో ఎంటర్‌టైన్‌ చేసింది.
అయితే బిగ్‌బాస్‌ హౌజ్‌ అంటూ పూర్తి ఏసీతో నిండి ఉంటుంది. ఫ్రీగా ఎయిర్‌ ఉండదు. అలాంటి వాతావరణంలో ఎప్పుడూ లేని గంగవ్వ, దానికి అలవాటు పడలేదు. అనారోగ్య సమస్యలు తలెత్తాయి. హౌజ్‌లో ఉండలేని పరిస్థితి ఎదురైంది. దీంతో మధ్యలోనే ఆమె హౌజ్‌ నుంచి వెళ్లిపోయింది. గంగవ్వ అనారోగ్యం పరిస్థితి రీత్యా బిగ్‌బాస్‌ నిర్వహకులు, హోస్ట్ నాగార్జున సైతం ఆమెని ఇంటికి పంపించారు. కానీ అప్పటికే గంగవ్వకి రావాల్సినంత క్రేజ్, పాపులారిటీ వచ్చేసింది. ఊహించిన విధంగా ఆమెకి బయట ఫాలోయింగ్‌ ఏర్పడింది.
అయితే మధ్యలో తాను హౌజ్‌ నుంచి వెళ్లిపోవడంతో నిరాశ చెందిన గంగవ్వ నాగార్జునని, బిగ్‌బాస్‌ని ఓ కోరిక కోరింది. తనకు ఓ ఇళ్లు కట్టించమని వేడుకుంది. తాను ఉండేది చిన్న గుడిసే అని, పక్కా ఇళ్లు లేదని తెలిపింది. గంగవ్వ కోరిక మేరకు నాగార్జున, బిగ్‌బాస్‌ నిర్వహకులు ఆమెకి ఇళ్లు కట్టించేందుకు ఒప్పుకున్నారు. తన సొంత గ్రామమైన జగిత్యాల జిల్లాలోని లంబాడిపల్లిలో ఇంటిని నిర్మాణానికి గ్రీన్‌సిగ్నల్‌ ఇచ్చారు.
బిగ్‌బాస్‌ హౌజ్‌ నుంచి గంగవ్వ ఇంటికి వెళ్లిన కొద్ది రోజులకే ఇంటి నిర్మాణ పనులను స్టార్ట్ చేశారు. దాదాపు ఏడాది పాటు ఇంటి నిర్మాణ కార్యక్రమాలు జరిగాయి. ఇప్పుడు ఇంటి నిర్మాణం పూర్తి కావడమే కాదు, ఏకంగా గృహ ప్రవేశం కూడాచేసింది గంగవ్వ. మంగళవారం(నవంబర్‌9)న తన ఇంటి గృహ ప్రవేశ కార్యక్రమం నిర్వహించింది. ఇందులో పలువురు సెలబ్రిటీలు పాల్గొనడం విశేషం. ప్రస్తుతం ఆయా ఫోటోలు సోషల్ మీడియాలో వైరల్ అవుతున్నాయి.
ఇందులో బిగ్‌బాస్‌ 4 ఫేమ్‌ అఖిల్ సార్థక్‌ పాల్గొన్నారు. మరోవైపు బిగ్‌బాస్‌ మరో కంటెస్టెంట్‌, యాంకర్‌ సావిత్రి కూడా పాల్గొన్నారు. ప్రస్తుతం గంగవ్వ, సావిత్రి కలిసి పలు కార్యక్రమాలు చేస్తున్న విషయం తెలిసిందే. వీరితోపాటు చాలా మంది యూట్యూబ్‌ స్టార్స్ గంగవ్వ ఇంటి గృహ ప్రవేశ కార్యక్రమంలో పాల్గొనడం విశేషం. గంగవ్వంతో ఫోటోలు దిగి సందడి చేశారు. లంబాడిపల్లికి పాపులారిటీని తీసుకొచ్చారు.
ఇక గంగవ్వ ఇంటిని చూస్తే చాలా మోడ్రన్‌గా కనిపిస్తుంది. విశాలమైన ఇంటిని ఆధునిక సౌకర్యాలతో నిర్మించడం విశేషం. విశాలమైన హాట్, పెద్దవైన రెండు బెడ్‌ రూమ్‌లు, కంఫర్ట్ గా ఉండే కిచెన్, పూజాగదితో గంగవ్వ ఇంటిని నిర్మించారు.
ఎట్టకేలకు గంగవ్వ ఇంటి కలని సాకారం చేసింది బిగ్‌బాస్‌ టీమ్‌. ఈ సందర్భంగా ఓ పోస్ట్ పెట్టింది గంగవ్వ. `నా కొత్త ఇళ్లు పూర్తయ్యింది.దీనికి సహకరించిన మా చిన్నన్న నాగార్జున సర్‌కి, బిగ్‌బాస్‌ టీమ్‌కి ధన్యవాదాలు` అని తెలిపింది.
గంగవ్వ గృహ ప్రవేశం సందర్భంగా సెలబ్రిటీలు రావడంతో లంబాడిపల్లిలో పండుగ వాతావరణం నెలకొంది. గ్రామస్థులు, స్థానిక నాయకులు ఈ కార్యక్రమానికి హాజరయ్యారు. ఈ సందర్భంగా అఖిల్ కుటుంబ సభ్యులు, సావిత్రి దంపతులకు నూతన వస్త్రాలతో ఆశీర్వదించారు.
bigg boss telugu 4 fame gangavva house. బిగ్‌బాస్‌ 4 ఫేమ్‌ గంగవ్వ ఇళ్లు. తన ఇంటి ఫోటోకి పోజులిస్తూ తన సంతోషాన్నిపంచుకుంటోన్న గంగవ్వ.
also read: Bigg boss telugu 5: ఆ కారణంగా హౌస్ నుండి జస్వంత్ అవుట్... కుప్పకూలిపోయిన సిరి, షన్ను!