హైపర్ ఆది ఢీ షోలో తన కామెడీ పంచ్ లతో అలరిస్తూ స్పెషల్ అట్రాక్షన్ నిలుస్తన్నాడు. ప్రస్తుతం ఢీ షోకి బాబా భాస్కర్, హీరోయిన్ హన్సిక, గణేష్ మాస్టర్ జడ్జీలుగా వ్యవహరిస్తున్నారు.
బుల్లితెరపై వచ్చే డ్యాన్స్ కార్యక్రమాల్లో ఢీ షో ఆడియన్స్ ని ఎంతగానో అలరిస్తోంది. ఢీ సెలెబ్రిటీ స్పెషల్ సీజన్ 2 ఇటీవలే ప్రారంభం అయింది. అదిరిపోయే డ్యాన్స్ పెర్ఫార్మెన్స్ తో పాటు వినోదాన్ని కూడా అందించే విధంగా ఈ షోని ముస్తాబు చేశారు. లేటెస్ట్ ఎపిసోడ్ కి సంబంధించిన ప్రోమో తాజాగా విడుదలైంది.
హైపర్ ఆది ఢీ షోలో తన కామెడీ పంచ్ లతో అలరిస్తూ స్పెషల్ అట్రాక్షన్ నిలుస్తన్నాడు. ప్రస్తుతం ఢీ షోకి బాబా భాస్కర్, హీరోయిన్ హన్సిక, గణేష్ మాస్టర్ జడ్జీలుగా వ్యవహరిస్తున్నారు. లేటెస్ట్ గా విడుదలైన ప్రోమో ఎనెర్జిటిక్ గా ఉంది. ఓల్డ్ సాంగ్స్ కి డ్యాన్సర్లు పెర్ఫామ్ చేస్తున్నారు.
ప్రతి ఒక్కరూ అదిరిపోయే విధంగా డ్యాన్స్ చేస్తున్నారు. హన్సిక అయితే ఓల్డ్ సాంగ్స్ కి డ్యాన్స్ పెర్ఫామెన్స్ ని బాగా ఎంజాయ్ చేస్తోంది. ఒక డ్యాన్స్ పెర్ఫామెన్స్ మాత్రం గణేష్ మాస్టర్ కి నచ్చలేదు. ఆయన తీవ్ర ఆగ్రహం వ్యక్తం చేశారు.
మెగాస్టార్ చిరంజీవి అల్లుడా మజాకా చిత్రంలోని అత్తో అత్తమ్మ కూతురో అనే సాంగ్ కి డ్యాన్సర్లు పెర్ఫామ్ చేశారు. ఈ సాంగ్ లో యాపిల్ తింటూ ఒకరికి ఒకరు మార్చుకోవడం లాంటి ఫీట్లు చేశారు. అది గణేష్ మాస్టర్ కి ఏమాత్రం నచ్చలేదు. దీనితో గణేష్ మాస్టర్ సీరియస్ గా వార్నింగ్ ఇచ్చారు. డ్యాన్సర్ బాబీకి వార్నింగ్ ఇస్తూ గణేష్ మాస్టర్ ఇలా అన్నారు.
బాబీ యాపిల్ పెట్టుకుని డ్యాన్స్ చేయండి.. కానీ మార్చుకోవడం ఎందుకు.. మన ఇంట్లో కూడా మదర్స్ ఉన్నారు కదా.. ఎంత అసభ్యంగా ఉంటుంది.. ఇది డ్యాన్స్ షో.. జోక్ కాదు. ఇంకొకసారి ఇలాంటి పెర్ఫామెన్స్ ఇస్తే అసలు మార్కులే ఇవ్వను అంటూ వార్నింగ్ ఇచ్చారు.
గణేష్ మాస్టర్ అంత సీరియస్ అయినప్పటికీ.. హైపర్ ఆది మధ్యలో కెలుక్కుని బలయ్యాడు. చివర్లో పండు మాస్టర్ చేసిన డ్యాన్స్ పై ఆది స్పందిస్తూ.. గణేష్ మాస్టర్ ని ఇమిటేట్ చేశాడు. హైపర్ ఆది ఫన్నీగా గణేష్ మాస్టర్ ని ఇమిటేట్ చేశాడు. కానీ గణేష్ మాస్టర్ చాలా సీరియస్ అయ్యారు. దీనితో గణేష్ మాస్టర్ హైపర్ ఆదిని ప్రశ్నించారు. నేను చెప్పింది రైటా రాంగా అని అడిగారు. యాపిల్ సీక్వెన్స్ మాత్రం తప్పు అని హైపర్ ఆది ఒప్పుకున్నారు. హైపర్ ఆదితో కలసి కామెడీ చేసిన పండు మాస్టర్ పై కూడా గణేష్ మాస్టర్ సీరియస్ అయ్యారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి