నాగ్‌ సర్‌కి రోస్ట్ చేయడం రాదు.. గీతూ షాకింగ్‌ కామెంట్స్.. `బిగ్‌ బాస్‌`కి నాని బెస్ట్ హోస్ట్

గలాటా గీతూ బిగ్‌ బాస్‌ 6 తెలుగు నుంచి అనుకోకుండా ఎలిమినేట్‌ అయిన విషయం తెలిసిందే. ఆమెపైనే ఎక్కువగా చర్చ నడుస్తుంది. ఈ నేపథ్యంలో హోస్ట్ నాగార్జునపై గీతూ షాకింగ్‌ కామెంట్స్ చేయడం ఇప్పుడు హాట్‌ టాపిక్‌ అవుతుంది.   

గీతూ రాయల్‌, గలాటా గీతూ బిగ్‌ బాస్‌ హౌజ్‌లోకి వెళ్లినప్పటి నుంచే గల గల మాట్లాడుతూ హౌజ్‌లో రచ్చ చేసింది. తనదైన యాటిట్యూడ్‌తో పాపులార్‌ అయ్యింది. ముఖ్యంగా ఆమె చిత్తూరి యాస, మాట్లాడే తీరు, బోల్డ్ నెస్, డేరింగ్‌, ఎవరినీ లెక్కచేయకపోవడం వంటి అంశాలతో పాజిటివ్‌గా, నెగటివ్‌గా పాపులర్‌ అయిపోయింది గీతూ. 

ఊహించని విధంగా గీతూ తొమ్మిదో వారంలో ఎలిమినేట్‌ అయ్యింది. ఆమె వెళ్లిపోతే ఇతర కంటెస్టెంట్లు బాధ పడటం ఓ ఎత్తైతే, ఆమె బిగ్‌ బాస్‌ని వీడుతూ కన్నీళ్లు పెట్టుకోవడం మరో లెవల్‌. అటు హౌజ్‌లోనూ, అటు స్టేజ్‌పైన కూడా భోరున విలపించింది గీతూ. అందరిని కదిలించింది. నాగ్‌ కళ్లల్లోనూ నీళ్లు తిరిగాయి. ఆ తర్వాత ఆమె పంచుకున్న ఎమోషనల్‌ నోట్‌ కూడా అందరిని ఆకట్టుకుంది.

ఇదిలా ఉంటే గీతూ ఎలిమినేషన్‌కి ఆమె యాటిట్యూడే కారణమనే టాక్‌ వినిపిస్తుంది. ఆమె హౌజ్‌లో పడే పడే బిగ్‌ బాస్‌ని టార్గెట్‌ చేసింది. బిగ్‌ బాస్‌ని డామినేట్‌ చేసేలా మాట్లాడటం, కొన్ని సందర్భాల్లో చులకన చేసినట్టుగా వ్యాఖ్యలు చేయడం బిగ్‌ బాస్‌ని బాగా హర్ట్ చేసిందని టాక్‌. హౌజ్‌లో ఎవరైనా బిగ్‌ బాస్‌ ఆదేశాలకు, నియమాలకు లోబడే ఉండాలి. అది శృతి మించితే గేమ్‌ స్ఫూర్తికే విఘాతం కలిగిస్తుందని, అందుకే గీతూని రెగ్యూలర్‌ రూల్స్ ని పక్కన పెట్టి ఎలిమినేట్‌ చేశారని టాక్‌. 

బిగ్‌ బాస్‌ ని వీడిన తర్వాత వరుసగా ఇంటర్వ్యూలిస్తుంది గీతూ. ఓ యూట్యూబ్‌ ఛానెల్‌లో ఆమె పలు ఆశ్చర్యకరమైన కామెంట్లు చేస్తుంది. నాగ్‌ సర్ కి రోస్ట్ చేయడం రాదంటూ షాకిచ్చింది. వీకెండ్‌ వచ్చిందంటే హోస్ట్ వచ్చి రోస్ట్ చేస్తుంటారు, చెడామడా వాయించేస్తుంటాడు. ఆడియెన్స్ కూడా అదే ఆశిస్తుంటారు. కానీ నాగ్ సర్‌ మాత్రం కూల్‌గా చెబుతున్నాడని, సీరియస్ విషయాలను కూడా ఇలా చేయోద్దని అంటున్నారని, ఆశించిన స్థాయిలో రోస్ట్ చేయడం లేదంటూ ఆరోపించింది. 

నెక్ట్స్ ఏ హోస్ట్ అయితే బెటర్‌ గా భావిస్తున్నారని యాంకర్‌ అడగ్గా, రానా, విజయ్‌ దేవరకొండ పేర్లు చెప్పింది. వీళ్ల కంటే మళ్లీ నాని హోస్ట్ గా చేస్తే బాగుంటుందని, వీకెండ్‌ వచ్చిందంటే నాని సర్‌ రోస్ట్ చేస్తారని, కూల్‌గా గేమ్‌ ఆడిస్తారని, ఆయన చేసే రోస్ట్ కోసమే బిగ్‌ బాస్‌చూడాలనిపిస్తుందని తెలిపింది. ఆయన మళ్లీ హోస్ట్ గా చేయాలని ఉందని తెలిపింది. నానిపై కామెంట్‌ చేయడం వరకు బాగానే ఉందని, కానీ నాగార్జునపై కామెంట్లు చేయడమే ఇప్పుడు హాట్‌ టాపిక్‌ అవుతుంది.