FDFS Review: 'ఫస్ట్ డే ఫస్ట్ షో' ప్రీమియర్ షో టాక్.. ఈ కామెడీ వర్కౌట్ అవుతుందా..

జాతిరత్నాలు దర్శకుడు అనుదీప్ కథ అందించగా.. వంశీధర్ గౌడ్ దర్శకత్వంలో తెరకెక్కిన చిత్రం 'ఫస్ట్ డే ఫస్ట్ షో'. యువ నటుడు శ్రీకాంత్ రెడ్డి, యంగ్ బ్యూటీ సంచిత బసు జంటగా నటించారు. జాతిరత్నాలు తరహాలోనే నవ్వించే సినిమా అవుతుందని అంచనాలు ఉన్నాయి. నేడు బాక్సాఫీస్ వద్దకు చిన్న చిత్రాలన్నీ క్యూ కడుతున్న వేళ.. ఫస్ట్ డే ఫస్ట్ షో కూడా వచ్చేసింది. ఆల్రెడీ ప్రీమియర్ షోలు మొదలయ్యాయి. ఆడియన్స్ రెస్పాన్స్ ఎలా ఉందో చూద్దాం. 

హీరో శ్రీకాంత్ రెడ్డి పవన్ కళ్యాణ్ అభిమానిగా పరిచయం అవుతాడు. ఖుషి సినిమా టికెట్స్ కోసం ప్రయత్నిస్తుంటాడు. మొదటి 30 నిముషాలు కథనం చాలా నెమ్మదిగా సాగుతుంది. అక్కడక్కడ మాత్రమే కామెడీ సీన్స్ నవ్వించే విధంగా ఉన్నాయి. 

ఇంటర్వెల్ సమీపించే సమయానికి సినిమా కాస్త బెటర్ గా అనిపిస్తుంది. టికెట్స్ దక్కించుకునేందుకు హీరో చేసే ప్రయత్నాలు ఏవి ఫలించకపోవడం నవ్వులు కురిపిస్తుంది. అయితే కథ అంత బలంగా లేదు. కేవలం కామెడీ కోసమే రాసుకున్న స్క్రిప్ట్ కావడంతో స్టోరీపై ఫోకస్ పెట్టినట్లు లేదు. 

ఫస్ట్ హాఫ్ లో వెన్నెల కిషోర్ కామెడీ మాత్రమే ప్రేక్షకులకి రిలీఫ్ గా ఉంటుంది. మిగిలిన కామెడీ సీన్స్ వర్కౌట్ కాకపోగా ఆడియన్స్ పై బలవంతంగా రుద్దినట్లు ఉంటాయి. పవన్ కళ్యాణ్ ఫ్యాన్స్ ఎంజాయ్ చేసే సన్నివేశాలు కొన్ని ఉంటాయి. శ్రీకాంత్ రెడ్డి, సంచిత బసు మధ్య వచ్చే కాలేజ్ సన్నివేశాలు పర్వాలేదనిపిస్తాయి. 

సెకండ్ హాఫ్ పరిస్థితి కూడా దాదాపు ఫస్ట్ హాఫ్ లాగే ఉంటుంది. బలవంతమైన కామెడీ సీన్స్ తో బోర్ కొట్టించినట్లు తెలుస్తోంది. పవన్ కళ్యాణ్ పై వచ్చే కొన్ని డైలాగ్స్ పవర్ స్టార్ అభిమానులకు జోష్ ఇచ్చేలా ఉంటాయి. సెకండ్ హాఫ్ లో నీ నవ్వే అనే సాంగ్ బాగా ఆకట్టుకుంటుంది. 

కేవలం నవ్వుల కోసమే చిత్రీకరించిన ఈ చిత్రం నవ్వించలేకపోయింది. చాలా సన్నివేశాలు ప్రేక్షకుల సహనానికి పరీక్షలా ఉంటాయి. జాతిరత్నాలు ఫేమ్ అనుదీప్ రచన పూర్తిగా మిస్ ఫైర్ అయినట్లు ఉంది. వీక్ స్రీన్ ప్లే, స్టోరీతో ఫస్ట్ డే ఫస్ట్ షో చిత్రం బాక్సాఫీస్ వద్ద నిలబడగలుగుతుందా అనేది వేచి చూడాలి.