ఫ్యామిలీ మ్యాన్ 2 తర్వాత సమంత మరో బాలీవుడ్ వెబ్ సిరీస్ లో నటిస్తోంది. ఫ్యామిలీ మ్యాన్ దర్శకులు రాజ్ అండ్ డీకే సిటాడెల్ అనే వెబ్ సిరీస్ తెరకెక్కిస్తున్నారు.
వరుసగా అద్భుతమైన చిత్రాలతో దూసుకుపోతున్న సమంతకి ఆరోగ్య సమస్యలు బ్రేక్ వేశాయి. కొన్ని నెలల నుంచి సమంత మయోసైటిస్ అనే ఆటో ఇమ్యూన్ వ్యాధితో బాధపడుతున్న సంగతి తెలిసిందే. అయితే ఇటీవల సమంత పూర్తిగా కోలుకుంది. తన ఆరోగ్యం నార్మల్ స్థితికి చేరుకున్న వెంటనే సమంత తన తదుపరి చిత్రాల షూటింగ్స్, ఇతర కార్యక్రమాలు మొదలు పెట్టింది.
త్వరలో రిలీజ్ కాబోతున్న పౌరాణిక చిత్రం శాకుంతలం ప్రమోషన్స్ కూడా సామ్ స్టార్ట్ చేసిన సంగతి తెలిసిందే. ఫ్యామిలీ మ్యాన్ 2 తర్వాత సమంత మరో బాలీవుడ్ వెబ్ సిరీస్ లో నటిస్తోంది. ఫ్యామిలీ మ్యాన్ దర్శకులు రాజ్ అండ్ డీకే సిటాడెల్ అనే వెబ్ సిరీస్ తెరకెక్కిస్తున్నారు. హాలీవుడ్ లో ఈ వెబ్ సిరీస్ ని రుస్సో బ్రదర్స్ తెరకెక్కించారు.
సమంత కోలుకోవడం తిరిగి షూటింగ్ ప్రారంభించారు. దీనితో రాజ్ అండ్ డీకే ఆమెకి స్వాగతం చెబుతూ ట్వీట్ చేశారు. రుస్సో బ్రదర్స్ కూడా సామ్ కి స్వాగతం చెప్పారు. సమంత తిరిగి యాక్టివ్ అవుతుండడంతో ఆమె సన్నిహితులు, అభిమానులు సంతోషం వ్యక్తం చేస్తున్నారు. యువ దర్శకుడు రాహుల్ రవీంద్రన్ సమంత గురించి కామెంట్ చేస్తూ.. ఒకప్పుడు సమంత తన ప్రయాణం ఎలా మొదలు పెట్టిందో నాకు తెలుసు. ఇప్పుడు రుస్సో బ్రదర్స్ ఆమెని ఆహ్వానించడం చూస్తుంటే గర్వంగా ఉంది అని ట్వీట్ చేశాడు.
తన భర్త కామెంట్స్ పై చిన్మయి స్పందిస్తూ సమంత క్వీన్ అంతే అని ట్వీట్ చేసింది. దీనిపై స్పందించిన సామ్.. నేను కాదు నువ్వే క్వీన్ అంటూ చిన్మయిని ఉద్దేశించి ట్వీట్ చేసింది. కిస్ ఎమోజీని కూడా పోస్ట్ చేసింది. దీనితో వీరి సంభాషణ వైరల్ గా మారింది. చాలా రోజుల తర్వాత సామ్, చిన్మయి మాట్లాడుకోవడంతో అభిమానులు సంతోషం వ్యక్తం చేస్తున్నారు.
సమంత తొలి చిత్రం ఏ మాయ చేసావే నుంచి ఆమెకి చిన్మయినే డబ్బింగ్ చెప్పేది. కానీ ఇటీవల నుంచి సమంత తన చిత్రాలకు తానే డబ్బింగ్ చెప్పుకుంటోంది. దీనితో సమంత, చిన్మయి మధ్య విభేదాలు తలెత్తాయి అంటూ ప్రచారం జరిగింది.
ఏది ఏమైనా చాలా కాలం తర్వాత వీరిద్దరూ మాట్లాడుకోవడం ఆసక్తిగా మారింది. ప్రస్తుతం సమంత సిటాడెల్ వెబ్ సిరీస్ లో నటిస్తోంది. ఫ్యామిలీ మ్యాన్ 2ని మించేలా సమంత ఈ సిరీస్ లో యాక్షన్ సీన్స్ లో నటించనుందట. వరుణ్ ధావన్ మెయిన్ లీడ్ గా నటిస్తున్నాడు.