Karthika Deepam: కార్తీకదీపం అభిమానులకు గుడ్ న్యూస్.. రీ ఎంట్రీ ఇవ్వనున్న వంటలక్క, డాక్టర్ బాబు, మోనిత!

Karthika Deepam: బుల్లితెరపై ప్రసారమవుతున్న కార్తీకదీపం సీరియల్ బుల్లితెరపై ఎంత హవా సొంతం చేసుకుందో చూశాం. ప్రతి ఒక్క సీరియల్ ను దాటి ఈ సీరియల్ ముందుకు కొనసాగుతుంది.  

ఇక ఈ సీరియల్ లో నటించిన వంటలక్క, డాక్టర్ బాబు పాత్రల గురించి ప్రత్యేకంగా చెప్పాల్సిన అవసరం లేదు. నిజానికి వీరి కోసమే సీరియల్ చూసిన వాళ్ళు ఉన్నారు. గత కొంతకాలం కిందట వీరి పాత్ర ముగియటంతో చాలా మంది ప్రేక్షకులు విచారం వ్యక్తం చేశారు. ఇక తమకు ఇష్టమైన డాక్టర్ బాబు, వంటలక్క పాత్రలు లేకపోతే ఈ సీరియల్ చూడమని చాలామంది కూడా సీరియల్ చూడటమే మానేశారు.

దాంతో గతంలో రేటింగ్ కూడా చాలా తక్కువగా వచ్చింది. కానీ హిమ, సౌర్య పెద్దవాళ్లు గా మారటంతో కథ మొత్తం మళ్లీ ఆసక్తిగా మారింది. పైగా రేటింగ్ కూడా బాగా పెరుగుతూ వస్తుంది. దీంతో ఇప్పుడు ప్రేక్షకులంతా హిమ, సౌర్య కోసం చూస్తున్నారు. ఇక ఇందులో హిమపై సౌర్య ఎంత కోపంగా ఉందో చూస్తూనే ఉన్నాం.

గతంలో హిమ వల్ల తన తల్లిదండ్రులు మరణించారని.. అందుకే ఆ కోపాన్ని ఇప్పటికి మర్చిపోలేక సౌర్య ఎలాగైనా హిమ పని చేయాలని అనుకుంటుంది. కానీ ప్రేక్షకులంత హిమ, సౌర్య లు కలవాలని ఎదురుచూస్తున్నారు. సౌర్య మాత్రం రోజురోజుకీ హిమ పై కోపం తో రగిలిపోతుంది. కానీ హిమ మాత్రం తనపై ఉన్న సౌర్య కోపాన్ని ఎలా తగ్గించాలి అని ప్రయత్నిస్తున్నా కూడా అది జరిగే పనిలా లేదు.

కానీ వీళ్ళు త్వరలో కలువనున్ననట్లు తెలుస్తుంది. అదెలా అంటారా.. తమ తల్లిదండ్రుల వల్లనే వాళ్ళు కలవనున్నారు. అదేంటి చనిపోయిన డాక్టర్ బాబు, వంటలక్క మళ్లీ రావడం ఏంటి అని అనుకుంటున్నారా. నిజానికి వీరిద్దరు చనిపోలేదు. గతంలో ప్రమాదంలో వీరు లోయలో పడగా ప్రమాదం నుంచి బయటపడుతారు. అయితే ఆ సమయంలో వంటలక్కకు మానసిక స్థితి పాడవుతుంది.

దీంతో ఆమెకు ఏమీ గుర్తుకు ఉండదు. ఇక అప్పటినుంచి డాక్టర్ బాబు దీప సేవ లోనే ఉంటాడు. అయితే వీరిద్దరు బ్రతికే ఉన్నారని తెలుస్తుంది. ఇక వీరు తమ పిల్లలను కలపడానికి కూడా త్వరలో వస్తున్నట్లు తెలుస్తుంది. అయితే వీరిద్దరూ బ్రతికే ఉన్నారన్న విషయం ఎలా బయట పడుతుంది అంటే.. సౌర్యను పెంచుకుంటున్న ఇంద్రుడు, చంద్రమ్మ లు ఓ పని విషయంలో తమ సొంత ఊరికి వెళ్తారు.

దీంతో ఆ సమయంలో వీరికి డాక్టర్ బాబు, వంటలక్క ఎదురు పడతారు. ఇక అక్కడ కథ మొత్తం అడ్డం తిరుగుతుంది. దాంతో వారి ద్వారా డాక్టర్ బాబు, వంటలక్క తమ సొంత ఇంటికి వస్తారు. ఇక ఇదే క్రమంలో మోనిత ఎంట్రీ కూడా ఉంటుందని తెలుస్తుంది.

ఇప్పటికే మోనిత కొడుకు ఆనంద్ తన అక్కల దగ్గర ఉన్న సంగతి తెలిసిందే. సౌర్య మాత్రం ఆనంద్ తన తమ్ముడని అసలు విషయం తెలిశాక దూరం పెడుతుంది. ఇక మోనిత కూడా మళ్లీ డాక్టర్ బాబు కోసం, తన కొడుకు కోసం తిరిగి వచ్చి మళ్ళీ ఆ కుటుంబంలో నిప్పులు చల్లే ప్రయత్నం చేస్తుందని సీరియల్ గురించి సోషల్ మీడియాలో వార్తలు వైరల్ అవుతున్నాయి.