బాలీవుడ్ స్టార్ హీరో రన్బీర్ కపూర్ ప్రస్తుతం దక్షిణాది ఆడియెన్స్ లోనూ మంచి గుర్తింపు తెచ్చుకున్నారు. ముఖ్యంగా ‘యానిమల్’ Animal The Filmతో ప్రేక్షకుల నుంచి మంచి రెస్పాన్స్ ను అందుకున్నారు. దీంతో ఇక్కడ మరింత ఫాలోయింగ్ పెరిగింది.
యానిమల్ చిత్రం కాస్తా మిశ్రమ స్పందనను దక్కించుకున్నా.. ఎక్కవ శాతం ఆడియెన్స్ ను మెప్పించగలిగింది. బాక్సాఫీస్ వద్ద కూడా అదిరిపోయే కలెక్షన్లను రాబట్టింది. ముఖ్యంగా ఈ సినిమా తర్వాత రన్బీర్ నటన గురించే మాట్లాడుకున్నారు. ఆయన పెర్ఫామెన్స్ ను మెచ్చుకున్నారు.
ఈ క్రమంలోనే రీసెంట్ గా జరిగిన 69వ ఫిల్మ్ఫేర్ అవార్డ్స్ (Filmfare Awards 2024) ఈవెంట్ లో రన్బీర్ కు ఉత్తమ నటుడిగా Best Actor Award మేయిల్ లీడింగ్ రోల్ విభాగంలో అవార్డు దక్కింది. దీంతో అభిమానులు, సినీలోకం ఆయనకు అభినందనలు తెలియజేసింది.
ఇదిలా ఉంటే.. రన్బీర్ కు బెస్ట్ యాక్టర్ అవార్డు ఎందుకు వచ్చేదనే సందేహం అందరిలో ఉండొచ్చు... దానిని నివ్రుత్తి చేసేందుకు ఫ్యాన్స్ రన్బీర్ ‘యానిమల్’ కోసం చేసిన క్రుషిని ప్రచారం చేస్తున్నారు. ఒక్క సినిమాలో ఆయన ఎన్ని వేరియేషన్లు చూపించారో ఫొటోలను వైరల్ చేస్తున్నారు.
ఈ చిత్రంలో యువకుడి నుంచి ఓల్డ్ ఏజ్ వరకు రన్బీర్ తొమ్మిది వేరేషన్లను చూపిస్తూ యానిమల్ చిత్రంలో నటించారు. ఇది అంత సులువైన పనికాదు. ఒకే హీరో.. ఒకే పాత్ర తొమ్మిది రకాలు కనిపించి.. ఆడియెన్స్ ను ఆకట్టుకోవడం కష్టమైన పనే. అయినా రన్బీర్ తన పెర్ఫామెన్స్ తో అదరగొట్టారు. ప్రతి సీన్ లో జీవించి ప్రేక్షకులను ఆకట్టుకున్నారు.
ఇక రన్బీర్.. బెస్ట్ యాక్టర్ గా గతంలోనూ పలు అవార్డ్స్ ను అందుకున్నారు. ‘సావరియా’తో బెస్ట్ డెబ్యూ యాక్టర్ గా, ‘వేకప్ సిద్, రాకెట్ సింగ్ కు క్రిటిక్స్ నుంచి బెస్ట్ యాక్టర్ గా, అలాగే రాక్ స్టార్, బర్ఫీ, సంజుతో... ఇప్పుడు ‘యానిమల్’తో ఉత్తమ నటుడిగా అవార్డును పొందారు. ఇక ‘యానిమల్’ చిత్రాన్ని సందీప్ రెడ్డి వంగ డైరెక్ట్ చేశారు. రష్మిక మందన్న, త్రిప్తి డిమ్రి హీరోయిన్లుగా నటించారు.