సూర్యతో డైరెక్టర్ శిరుతై శివ తెరకెక్కించిన కంగువా సినిమా ట్రోల్‌కు గురవుతున్న నేపథ్యంలో, ఆయన ఇచ్చిన ఇంటర్వ్యూ ఒకటి వైరల్ అవుతోంది.
సూర్య నటించిన కంగువా సినిమా థియేటర్లలో విడుదలై తీవ్ర విమర్శలను ఎదుర్కొంటోంది. ఈ సినిమాకు అధికంగా నెగటివ్ రివ్యూస్ రావడానికి కారణం దాని స్క్రీన్‌ప్లే, సంగీతమే. సంగీతం చాలా బోరింగ్‌గా ఉందని, సోల్ లేని స్క్రీన్‌ప్లే కంగువా సినిమా పరాజయానికి ప్రధాన కారణమని చెబుతున్నారు. ఇలా అన్ని వైపుల నుంచి కంగువా సినిమా ట్రోల్ అవుతున్న తరుణంలో, అదే తరహాలో తన దగ్గర మరో 6 కథలున్నాయని దర్శకుడు శిరుతై శివ ఓ ఇంటర్వ్యూలో చెప్పడం వైరల్ అవుతోంది.
ఆ ఇంటర్వ్యూలో ఆయన మాట్లాడుతూ : “సినిమాలో నాకు రెండు విషయాలు ఇష్టం ఉండవు. ఒకటి నాకు పోలికలు ఇష్టం ఉండదు. రెండోది నన్ను ఒత్తిడి చేస్తే ఇష్టం ఉండదు. జీవితంలో నేను అన్నింటికీ ఆశపడతాను. నా న్యాయమైన ఆశలన్నీ నెరవేరాయి. నా కెరీర్‌లో నాకు చాలా ఇష్టమైన కమర్షియల్ సినిమాలను నేను తీస్తూనే ఉన్నాను. అవన్నీ విజయవంతమవుతున్నాయి.
ఇప్పుడు నాకు పెద్ద బడ్జెట్ సినిమాలు చేయాలని ఆశ కలిగింది. అందుకే కంగువా చేశాను. రేపు నాకు సైన్స్ ఫిక్షన్ సినిమా చేయాలనిపిస్తే దాన్ని కూడా చేస్తాను. నన్ను ఒక దర్శకుడిగా ఒకే జానర్‌కు పరిమితం చేయలేరు. ఇప్పటి వరకు కమర్షియల్‌గా సినిమాలు తీసి వాటిని విజయవంతం చేశాను. ఇప్పుడు పీరియాడిక్ ఫిల్మ్ చేశాను. ఒక దర్శకుడిగా నాకు అన్ని జానర్‌లు చేయగలననే నమ్మకం నాకు చాలా ఉంది.
మానవ సంబంధాలు, ఎమోషన్స్‌ను కేంద్రంగా చేసుకుని సినిమాలు చేయడం నాకు చాలా ఇష్టం. ఎందుకంటే అవి ఎప్పటికీ మారవు. మనం ప్రపంచంలో ఎంత ఎత్తుకు ఎదిగినా చివరికి మనం కష్టపడేది కుటుంబం కోసమే. ఫ్యామిలీ జానర్‌లో సినిమా చేయడం చాలా ఇష్టం. అదే సమయంలో కొత్త కొత్త జానర్‌లలో సినిమాలు చేయాలనే కోరిక నాలో ఎప్పుడూ ఉంటుంది. కంగువా కథ నా మైండ్‌లో ఉంది. దానికి సరైన సమయం దొరికింది కాబట్టి చేశాను. నా దగ్గర కంగువా తరహాలోనే 5-6 స్క్రిప్ట్‌లున్నాయి. అవన్నీ వేర్వేరు జానర్‌లలో, చాలా ఆసక్తికరమైన కథలు. దేవుడి దయ ఉంటే వాటిని వరుసగా సినిమాలుగా తీస్తాను” అని అన్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి