రామ్‌గోపాల్‌ వర్మ ఉత్తరం అయితే, సంచలన దర్శకుడు రామ్‌ గోపాల్‌ వర్మ దక్షిణం. వీరిద్దరి అభిరుచులు, ఆలోచనలు చాలా భిన్నంగా ఉంటాయి. అయితే వీరిద్దరి కాంబినేషన్‌లో ఎన్నో సినిమాలు వచ్చాయి. వీరిద్దరి కాంబినేషన్‌కు సంబంధించిన ఓ ఆసక్తికరమైన విషయాన్ని తాజాగా ఇచ్చి ఇంటర్వ్యూలో వర్మ పంచుకున్నారు. ఇంతకీ ఆ సంఘటన ఏంటో ఇప్పుడు తెలుసుకుందాం..
సాధారణంగా సినిమాలు తీసే సమయంలో దర్శకులను ఎన్నో అంశాలు ప్రభావితం చేస్తాయి. అప్పుడు సమాజంలో ఉన్న అంశాలను కొందరు ఇతివృత్తంగా ఎంచుకుంటే మరికొందరు ఫిక్షనల్‌ స్టోరీస్‌తో సినిమాలు తీస్తుంటారు. అయితే పాటలు సినిమా తీసేందుకు స్ఫూర్తిని ఇచ్చేందుకు కారణమయ్యాయి అంటే మీరు నమ్ముతారు.
దర్శకుడు రామ్‌గోపాల్‌ వర్మ కెరీర్‌లో మాత్రం ఇలాంటి ఓ అరుదైన సంఘటన చోటు చేసుకుంది. సిరివెన్నల సీతారామ శాస్త్రి రాసి పెట్టుకున్న పాటలు విని సినిమా కథను రాసుకున్నారు వర్మ. ఇంతకీ ఆ పాటలు ఏంటి.? ఆ సినిమా ఏంటంటే.
సంచలనాలకు పెట్టింది పేరు దర్శకుడు రామ్‌గోపాల్‌ వర్మ. వర్మ నోటికొచ్చిందని మాట్లాడుతారని కొందరు అంటారు. వర్మ ఫిలాసఫీ సూపర్‌ అంటూ మరికొందరు అంటారు. ఏది ఏమైనా వర్మ గొప్ప దర్శకుడు అని చెప్పడంలో ఎలాంటి సందేహం లేదు.
కెరీర్‌ తొలినాళ్లలో ఆయన నుంచి వచ్చిన సినిమాలే దీనికి నిదర్శనం అని చెప్పొచ్చు. అప్పటి వరకు ఒక మూస పద్ధతిలో వెళ్తున్న తెలుగు సినిమాను తనదైన పంథాతో మలుపు తిప్పారు వర్మ. శివ సినిమాతో ఇండస్ట్రీని ఒక్కసారి షేక్‌ చేశారు. తొలి సినిమాతోనే నంది అవార్డును అందుకున్నారు వర్మ.
వర్మ కెరీర్‌లో బెస్ట్‌ మూవీస్‌లో గాయం ఒకటని చెప్పొచ్చు. జగపతి బాబు, రేవతి జంటగా వచ్చిన ఈ సినిమా అప్పట్లో మంచి విజయాన్ని అందుకుంది. ఇక ఈ సినిమాలో పాటలు అప్పట్లో సమాజంపై చెరగని ముద్ర వేసిన విషయం తెలిసిందే. 'నిగ్గదీసి అడుగు' 'సురాజ్యం అవలేని, స్వరాజ్యం ఎందుకని' ఈ రెండు పాటలు సినిమాకే హైలెట్‌గా నిలిచాయి.
అయితే నిజానికి శాస్త్రి ఈ పాటలను గాయం మూవీ కోసం రాయలేదని మీకు తెలుసా.? సిరివెన్నల తాను స్వతహాగ రాసుకున్న ఈ రెండు పాటల గురించి తెలుసుకున్న వర్మ.. ఆ పాటలను ఇతివృత్తంగా చేసుకొని గాయం సినిమాను తెరకెక్కించారు. ఈ విషయాన్ని వర్మ స్వయంగా తెలిపారు. నిజానికి ఈ పాటలు లేకపోతే అసలు గాయం అనే మూవీనే వచ్చేది కాదని చెప్పుకొచ్చారు.
మరో పాట కూడా..
ఇలా పాట కోసం సినిమా తీసిన మరో సందర్భం కూడా ఉంది. సిరివెన్నెల శాస్త్రి బతుకున్న సమయంలో ఇచ్చిన ఓ ఇంటర్వ్యూలో తెలిపారు. కృష్ణవంశీ దర్శకత్వంలో ప్రభాస్‌ హీరోగా వచ్చిన చక్రం సినిమా అందరికీ తెలిసిందే. ఈ సినిమాలోని జగమంత కుటుంబం నాది సాంగ్‌ ప్రేక్షకులను ఎంతో ఆకట్టుకుంది. ఈ పాట కూడా 'చక్రం' మూవీ కోసం రాసుకుంది కాదంటా.. 1970లో సినిమాల్లోకి రాకముందు శాస్త్రి ఈ పాటను రాసుకున్నారు. ఈ చరణాలను చూసిన దర్శకుడు కృష్ణ వంశీ తన సినిమా కోసం పాట కావాలని అడిగారంటా.
అయితే లోతైన భావం ఉన్న ఈ పాటను సినిమా ద్వారా చెప్పడం కష్టమనుకున్న సీతరామ శాస్త్రి ఆ పాటను ఎవ్వరికీ ఇవ్వడానికి ఇష్టపడలేదంటా. ఆ సమయంలో వంశీ ఆ పాట కోసమే చక్రం కథను రాసుకున్నారని అందుకే ఆ పాటను ఇవ్వాల్సి వచ్చిందని చెప్పుకొచ్చారు. చక్రం సినిమా రిజల్ట్‌ ఎలా ఉన్నా ఈ పాట మాత్రం ఇప్పటికీ, ఎప్పటికీ నిలిచిపోతుందని చెప్పడంలో ఎలాంటి సందేహం లేదు కదూ!
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి