చీప్ గా వాగొద్దు....  పూరి పర్సనల్ విషయాలు టచ్ చేసిన బండ్లకి కౌంటర్? బాగా కాలినట్లుంది!

తన వ్యక్తిగత విషయాలు బహిరంగ వేదికపై డిస్కస్ చేసిన బండ్ల గణేష్ పై దర్శకుడు పూరికి కాలినట్లుంది. ఆయన కౌంటర్ ఇచ్చేశాడు. ఓ మ్యూజింగ్ విడుదల చేసి తన అసహనాన్ని బయటపెట్టారు. చీప్ గా వాగొద్దని హెచ్చరించారు.   

Puri jagannadh

నిర్మాత నటుడు బండ్ల గణేష్ (Bandla Ganesh)స్పీచెస్  గురించి ప్రత్యేకంగా చెప్పాల్సిన అవసరం లేదు. ఆయనకు మైక్ అందితే చాలు పూనకం వచ్చేస్తుంది. దెయ్యం పట్టినట్లు నోటికి వచ్చింది మాట్లాడుతూ పదాల వరద పారిస్తాడు. ఆయన అభిమానించే పవన్ కళ్యాణ్ (Pawan Kalyan)గురించి అయితే పెద్ద పెద్ద స్పీచెస్ రాసుకొచ్చి ఆకాశానికి ఎత్తేస్తాడు. ఇతరులను విమర్శించడం కూడా అదే స్థాయిలో చేస్తాడు బండ్ల. 

Puri jagannadh

బండ్ల గణేష్ స్పీచెస్ ఎమోషనల్ గా సాగుతూ ఉంటాయి. ఈ క్రమంలో తాను మాట్లాడే మాటల వలన ఎలాంటి పర్యవసానాలు చోటు చేసుకుంటాయని కూడా ఆలోచించడు. తాజాగా చోర్ బజార్ ప్రీరిలీజ్ వేడుకలో బండ్ల గణేష్ స్పీచ్ పెద్ద చర్చకు దారి తీసింది. దర్శకుడు పూరితో పాటు టాలీవుడ్ స్టార్ హీరోలను, హీరోయిన్ ఛార్మిని అతడు పరోక్షంగా విమర్శించాడు.  

ముఖ్యంగా పూరి(Puri jagannadh) వ్యక్తిగత జీవితాన్ని టచ్ చేయడంతో పాటు, ఆయన భార్యా, కొడుకును గాలికి వదిలేశాడన్నట్లు మాట్లాడాడు. పూరి భార్య లావణ్యను పొగిడే క్రమంలో ఛార్మికి చురకలు వేశాడు. నీ జేబులో వంద రూపాయలు లేనప్పుడు లావణ్య వదిన మిమ్మల్ని నమ్మి మీతో వచ్చారు. మీరు స్టార్ డైరెక్టర్ అయ్యాక ర్యాంప్ లు వ్యాంపులు వచ్చాయి, అన్నాడు. ఈ డైలాగ్ ఛార్మిని (Charmi)టార్గెట్ చేస్తూ అన్నట్లుంది.

అలాగే కనీసం డైలాగ్ చెప్పడం రానివాళ్లు స్టార్స్ చేశావు. కన్న కొడుకు ఫంక్షన్ రోజు వెళ్లి ముంబైలో కుర్చున్నావ్. కొడుకు కోసం ఆ మాత్రం చేయలేవా? రేపు తలకొరివి పెట్టేది కొడుకే. కుటుంబమే ముఖ్యం తర్వాతే ఎవరైనా? అంటూ పూరికి సున్నితమైన వార్నింగ్ ఇచ్చాడు బండ్ల. నాలుగు గోడల మధ్య ఇవ్వాల్సిన సలహాలు, చర్చించాల్సిన విషయాలు బండ్ల గణేష్ పబ్లిక్ గా మాట్లాడాడు. 

Puri jagannadh

ఈ క్రమంలో దర్శకుడు పూరికి కాలినట్లుంది. ఆయన అతిగా మాట్లాడడం అనర్థం అంటూ ఓ మ్యూజింగ్ విడుదల చేశారు. ఆ వీడియోలో పూరి ఏం చెప్పారంటే...  ‘గుర్తు పెట్టుకోండి.. మన నాలుకు కదులుతున్నంత సేపు మనం ఏమీ నేర్చుకోలేం.. అందుకే జీవితంలో ఎక్కువ సేపు మనం లిజనర్స్ గా ఉండాలి.. అదే మంచిది.. ఫ్యామిలీ మెంబర్స్ కావొచ్చు.. మీ ఫ్రెండ్స్ కావొచ్చు.. ఆఫీస్ లో ఎంప్లొయ్స్ కావొచ్చు.. ఆఖరికి కట్టుకున్న భార్య దగ్గర కూడా ఆచితూచి మాట్లాడండి.. చీప్‌గా వాగొద్దు.. చీప్‌గా ప్రవర్తించొద్దు.. మన వాగుడు మన కెరీర్‌ను, క్రెడిబులిటీని డిసైడ్ చేస్తది.. మీరు వినే ఉంటారు సుమతీ శతకం.. నొప్పింపక తానొవ్వక తప్పించుక తిరుగువాడు ధన్యుడు సుమతీ.. తప్పు మాట్లాడటం కంటే నాలుక కొరికేసుకోవడం చాలా మంచిది..చివరగా ఒక మాట.. నీ లైఫ్, నీ డెత్.. నీ టంగ్ మీద ఆధారపడి ఉంటుంది’... అంటూ ముగించాడు. 

ఎక్కడ పడితే అక్కడ చెత్త వాగుడు వాగొద్దు, నాలుక అదుపులో ఉంచుకో అని బండ్ల గణేష్ కి పూరి జగన్నాధ్ ఇలా చెప్పారని అంటున్నారు. చోర్ బజార్ ప్రీ రిలీజ్ ఈవెంట్ తర్వాత బండ్ల గణేష్ కి పూరి కాల్ చేశాడో లేదో తెలియదు కానీ... పబ్లిక్ గా కౌంటర్ అయితే ఇచ్చినట్లు అవుతుంది. 

Bandla Ganesh -suma

ఇక పూరి, బండ్ల గణేష్ మధ్య మంచి సాన్నిహిత్యం ఉంది. బండ్ల నిర్మాత కాకముందు పూరి ఆయనకు అవకాశాలు ఇచ్చారు. ఇక నిర్మాతగా బండ్ల పూరి జగన్నాథ్ తో ఇద్దరు అమ్మాయిలు, టెంపర్ చిత్రాలు తెరకెక్కించారు. ఎన్టీఆర్ హీరోగా తెరకెక్కిన టెంపర్ మంచి విజయాన్ని అందుకుంది. టెంపర్ తర్వాత బండ్ల గణేష్ నిర్మాతగా సినిమాలు చేయలేదు.