బుల్లితెరపై ప్రసారమవుతున్న కార్తీకదీపం ( Karthika Deepam) సీరియల్ బుల్లితెర ప్రేక్షకులను బాగా ఆకట్టుకుంటుంది. ఒకటే కథ ట్విస్ట్ ల మీద ట్విస్ట్ లతో సాగుతున్నా ఈ సీరియల్ రేటింగ్ లో కూడా మొదటి స్థానంలో దూసుకెళ్తుంది. ఇక ఈ రోజు ఎపిసోడ్ హైలెట్ ఏంటో చూద్దాం.
మోనిత (Monitha), కార్తీక్ (Karthik) లా పూజ చూసిన దీప (Deepa) బాధలో ఉన్న సంగతి తెలిసిందే. ఇక రోడ్డుపై నడుచుకుంటూ వస్తూ.. ఇంత పోరాడి జీవితంలో ఎన్నో కష్టాలు ఎదుర్కొని చివరికి సాధించింది ఏంటి అని ప్రశ్నించుకుంటుంది. గతంలో తన పిన్ని భాగ్యం పెట్టిన కష్టాలను తలచుకుంటూ బాధపడుతుంది.
చిన్నప్పటినుంచి కష్టాలు పడుతున్నానని కుమిలిపోతుంది. ఇక పుట్టినిల్లు లో భరోసా లేదని మెట్టినింట్లో నమ్మకం లేదని బాధపడుతుంది. అందరూ తనను మోసం చేస్తున్నారు ఎవరూ తనకు భరోసా లేరు అంటూ బాగా ఏడుస్తుంది. ఎవరు పట్టించుకోవడం లేదు అంటూ పిల్లల గురించి ఆలోచిస్తుంది దీప (Deepa).
గుడిలో కార్తీక్ (Karthik), మోనితల పూజలను తలచుకుని బాధ పడుతుంది. కళ్ళు తుడుచుకుని ఒకేసారి ధైర్యం గా లేచి ఇదే కరెక్ట్ అనుకుంటూ మోనిత (Mohitha) వాళ్ళ ఇంటికి బయలు దేరుతుంది. మరోవైపు మోనిత సంతోషంగా గెంతులు వేస్తుంది. గెలిచాను అంటూ మురిసిపోతుంది.
అంతా అయిపోయింది అంటూ ఇంకా కొంచెం మాత్రమే ఉంది అంటూ ప్రియమణితో (Priyamani) చెప్పుకుంటూ తనను తానే పొగుడుకుంటుంది. ఎన్నో మలుపులు తిరిగిన తన ప్రేమ గొప్పదని సంతోషపడుతుంది. దీపను (Deepa) ఆ ఇంట్లో నుంచి బయటకు వెళ్లడం తాను ఆ ఇంట్లోకి అడుగు పెట్టడం అని అంటుండగా వంటలక్క ఎంట్రీ ఇస్తోంది.
ఒకేసారి వంటలక్క (Vantalakka) ను చూసి షాక్ అవుతుంది. ఇదంతా నిజమేనా అని ఆశ్చర్య పడుతుంది. కాస్త ఓవర్ యాక్టింగ్ చేస్తుంది. ఏంటి ఇలా వచ్చావు అంటూ వెటకారంగా పలకరిస్తుంది. ఏ దిక్కు లేక చెల్లి దగ్గరికి వచ్చావా అక్క అంటూ కాళ్ల బేరానికి వచ్చావా అని మాట్లాడుతుంది మోనిత (Monitha).
వెంటనే దీప (Deepa).. మోనితను మాటలు అదుపులో ఉంచుకోమని గట్టిగా చెబుతుంది. ఇంకా మాట్లాడే ధైర్యం ఉందా అంటూ వంటలక్క ను హేళన చేసి మాట్లాడుతుంది. ఇద్దరం కలిసి ఉండేలా ఏదైనా ప్యాకేజీ ఉండేలా ఆలోచించి వచ్చావా అక్క అంటూ ఓవర్ గా మాట్లాడుతుంది మోనిత (Monitha).
మోనిత మాటలు పూర్తయ్యాక దీప (Deepa) స్టైల్ గా వెళ్లి సోఫాలో కూర్చొని తన స్టైల్ లో మాట్లాడుతుంది. కథ ఇంకా అయిపోలేదు అంటూ మోనితను ఉద్దేశించి ఒక కథ చెబుతుంది. దీప మాటలకు మోనిత షాక్ అవుతుంది. శుభం కార్డు లేదు అంటూ ట్విస్ట్ ఇచ్చింది వంటలక్క. మొత్తానికి దీప పక్క పగడ్బందీగా కనిపించింది. తరువాయి భాగంలో తన దారి డాక్టర్ బాబు దారి వేరు అంటూ కార్తీక్ (karthik)కు షాక్ ఇచ్చింది.