సునీల్ టాలీవుడ్ లో కమెడియన్ గా ఎంట్రీ ఇచ్చారు. తక్కువ టైంలోనే స్టార్ కమెడియన్ గా ఎదిగాడు. కానీ నెమ్మదిగా సునీల్ కి హీరోగా అవకాశాలు ప్రారంభం అయ్యాయి.
సునీల్ టాలీవుడ్ లో కమెడియన్ గా ఎంట్రీ ఇచ్చారు. తక్కువ టైంలోనే స్టార్ కమెడియన్ గా ఎదిగాడు. కానీ నెమ్మదిగా సునీల్ కి హీరోగా అవకాశాలు ప్రారంభం అయ్యాయి. ఆర్తి అగర్వాల్ తో కలసి అందాల రాముడు చిత్రంలో సునీల్ హీరోగా నటించారు. ఆ మూవీ సూపర్ సక్సెస్ అయింది.
ఆ తర్వాత దర్శకత్వంలో నటించే జాక్ పాట్ కొట్టేశాడు సునీల్. రాజమోళి దర్శకత్వంలో మర్యాద రామన్న చిత్రంలో సునీల్ హీరోగా నటించారు. అక్కడి నుంచి సునీల్ పూర్తి స్థాయి హీరోగా మారిపోయాడు. పూలరంగడు, మిస్టర్ పెళ్లి కొడుకు లాంటి చిత్రాల్లో హీరోగా నటించాడు. సిక్స్ ప్యాక్ కూడా ట్రై చేశాడు. కానీ ఆ తర్వాత సునీల్ కి సరైన సక్సెస్ దక్కలేదు.
సునీల్ హీరోగా ఎదగనివ్వలేదు కొందరు అనే రూమర్స్ కూడా వినిపించాయి. దీనిపై ఓ ఇంటర్వ్యూలో సునీల్ సంచలన వ్యాఖ్యలు చేశారు. యాంకర్ అడిగిన ప్రశ్నకి సునీల్ బదులిచ్చారు. మీ చిత్రాలకు బిజినెస్ జరగకుండా కొందరు ఇండస్ట్రీ పెద్దలు అడ్డుకున్నారు అనే ప్రచారం జరుగుతోంది నిజమేనా అని ప్రశ్నించగా సునీల్ సంచలన వ్యాఖ్యలు చేశారు. నా వరకు కూడా అలాంటి సంఘటనలు వచ్చాయి. నా చిత్రాలకు శాటిలైట్ బిజినెస్ కాకుండా ఒక పెద్ద వ్యక్తి అడ్డుకున్నారని తెలిసింది.
ఒక రేడియో ఇంటర్వ్యూ కి వెళ్లాం. ఒక పెద్ద ప్రొడ్యూసర్ ఫోన్ చేసి సునీల్ తో ఇంటర్వ్యూ చేయకండి అని చెప్పారట. వాళ్లే నాకు ఈ విషయం చెప్పారు. ఎవరు ఆ నిర్మాత అని అడిగితే పేరు చెప్పం అని అన్నారు. వాళ్ళకి నేను ఏం అన్యాయం చేశానో తెలియదు. ఒక వేళ ఆ పెద్ద మనిషి నాకు ఎదురైతే.. నా మీద కోపం ఉంటే నాతో తేల్చుకో. నా సినిమాలని అడ్డుకుంటే నష్టపోయేది నా నిర్మాత. వాళ్ళ ఫ్యామిలీ వీధిన పడుతుంది అని అడుగుతా అంటూ సునీల్ తెలిపారు.
రాజమౌళి గారు మీతో హీరోగా సినిమా చేశారు. కానీ మీ ఫ్రెండ్ అయిన త్రివిక్రమ్ మీతో సినిమా చేయలేదు ఎందుకు అని అడగగా.. రాజమౌళి గారు ఒక చిన్న సినిమా చేద్దాం అనే ఆలోచనతో నాతో చేశారు. త్రివిక్రమ్ కి కూడా ఎప్పుడైనా ఒక కామెడీ సినిమా, చిన్న బడ్జెట్ లో చేద్దాం అని ఆలోచన వస్తే.. ఫస్ట్ ఫోన్ చేసేది నాకే అని సునీల్ తెలిపారు.