CM Vijay: కోట్ సూట్ నుంచి పట్టు పంచెలోకి సీఎం విజయ్...అంత పెద్ద పొజిషన్ లో ఉండి కూడా ఆ ఈవెంట్ కి హాజరు

సీఎంగా బాధ్యతలు తీసుకున్నప్పటి నుంచి కోట్ సూట్‌లో కనిపించిన విజయ్, ఇప్పుడు సడెన్‌గా పట్టు పంచెకట్టులో దర్శనమిచ్చారు. ఓ కార్యక్రమంలో పాల్గొన్న ఆయన ఫొటోలు వైరల్ అవుతున్నాయి.

Vijay Dress Code Changed

2026 తమిళనాడు అసెంబ్లీ ఎన్నికలు దేశవ్యాప్తంగా సంచలనం సృష్టించాయి. నటుడిగా ఉంటూ రాజకీయాల్లోకి వచ్చిన విజయ్, 'తమిళగ వెట్రి కళగం' పార్టీతో బరిలోకి దిగారు. ఆయన వేసుకున్న డ్రెస్సే ప్రచారంలో ఓ ట్రెండ్‌గా మారింది.

కోట్ సూట్‌లో విజయ్

ఈ ఎన్నికల్లో 'తమిళగ వెట్రి కళగం' పార్టీ 108 స్థానాల్లో గెలిచి, మిత్రపక్షాల సపోర్ట్ తో ప్రభుత్వాన్ని ఏర్పాటు చేసింది. విజయ్ తమిళనాడు సీఎంగా ప్రమాణ స్వీకారం చేశారు. అందరూ ఊహించిన దానికి భిన్నంగా, ఆయన కోట్ సూట్‌లో కనిపించి కొత్త ట్రెండ్ సెట్ చేశారు.

పంచె కట్టులో సీఎం లేటెస్ట్ లుక్

సీఎంగా బాధ్యతలు చేపట్టాక రోజూ వెస్టర్న్ స్టైల్ కోట్ సూట్‌లో కనిపించిన విజయ్, ఇవాళ సచివాలయానికి సంప్రదాయ పట్టు పంచె, చొక్కాలో వచ్చారు. దీంతో అందరూ ఆశ్చర్యపోయారు.

మేనేజర్ జగదీష్ ఇంటి గృహప్రవేశానికి హాజరైన విజయ్

తన మేనేజర్ జగదీష్ ఇంటి గృహప్రవేశానికి హాజరైన విజయ్, అదే సంప్రదాయ దుస్తుల్లో సచివాలయానికి వచ్చారు. ప్రస్తుతం పట్టు పంచెకట్టులో ఉన్న సీఎం విజయ్ ఫొటోలు, వీడియోలు సోషల్ మీడియాలో వైరల్ అవుతున్నాయి. 'మాడ్రన్ లుక్‌లో అయినా, ట్రెడిషనల్ లుక్‌లో అయినా మాస్' అంటూ అభిమానులు కామెంట్లు పెడుతున్నారు.