CID 2 వచ్చేస్తోంది, బుల్లితెర ఆడియన్స్ కు ఇక పండగే.. టెలికాస్ట్ ఎప్పటి నుంచో తెలుసా..?

గెట్ రెడీ ఫ్యాన్స్.. బుల్లితెర అభిమానులను అలరించడానికి సీఐడీ సీక్వెల్ సిరీస్ సిద్ధం అయ్యింది. త్వరలో టెలికాస్ట్ అవ్వబోతోంది. అయితే ఇక్కడే చిన్న సమస్య ఉంది.   

బుల్లి తెర అభిమానులను ఎంతగానో అలరించిన టీవీ సిరిస్ లలో సీఐడీ ఒకటి. హిందీలో తెరకెక్కిన ఈ టీవీ సిరిస్.. దాదాపు దేశంలోని అన్ని భాషల్లో డబ్ చేయబడింది. ఒక్క భాష అనిలేదు అన్ని భాషల్లో ఈ క్రైమ్ టీవీ సిరీస్ కు ఆదరణ లభిస్తూ వచ్చింది. క్రేమ్ అండ్ హరర్ కాన్సెప్ట్ తో ఇన్వెస్టిగేషన్ లోనే కొత్త ఒరవడి చూపిస్తూ.. ప్రతీ ఒక్కరు ఉత్కంఠగా చూసేలా సీఐడీ ని డిజైన్ చేశారు.

 అందుకే ఈటీవీ సిరిస్ ఇంత సక్సెస్ అయ్యింది.  గతంలో లేదు కాని.. ఈమధ్యే సీఐడీ ఎపిసోడ్స్ ను యూట్యూబ్ లో కూడా అప్ లోడ్ చేస్తున్నారు టీమ్. అయితే ఎపిసోడ్ ఇలా అప్ లోడ్ అయ్యిందో లేదు.. నిమిషాల్లోనే లక్షల వ్యూస్ ను కూడా సాధిస్తోంది. ఇక ఈ సీఐడీ టీవి సిరిస్ ఎప్పుడో 1998 లో స్టార్ట్ అయ్యి.. 2018 వరకూ నడిచింది. 

అంతలా ఆడియన్స్ ఆదరణను పొందింది సీఐడీ. అంతే కాదు. ఈ సిరిస్ లో నటించిన అందరని ప్రేక్షకులు తమ ఇంట్లో వారిలా అభిమానించడం మొదలు పెట్టారు. మరీముఖ్యంగా తెలుగు సిరీస్ లో పేర్లు చూసుకుంటే.. ఏసీపీ ప్రథ్యూమ్న, జోసెఫ్ అలియాస్ దయా, అభిజిత్, ప్రణిత్, సారిక, రాహుల్ ఇలా భాగా ఫేమస్ అయిన వారు వీరు. 

ఇక మధ్యలో వచ్చి పోయేవారు చాలామంది ఉన్నారు. కాగా ఈసిరిస్ సూపర్ హిట్ అవ్వడంతో.. దాదాపు ఆరేళ్ల గ్యాప్ తరువాత మళ్ళీ సీఐడీ సీరియల్ కు సీక్వెల్ ను తీసుకురాబోతున్నట్టు టీమ్ ప్రకటించారు. అక్టోబర్ 26న ఈసీరియల్  సీక్వెల్ కు సంబంధించిన ప్రోమోను రిలీజ్ చేయబోతున్నారు. అంతే కాదు డిసెంబర్ లో క్రిస్మస్ కానుకగా ఈసిరిస్ ను రిలీజ్ చేసే ఆలోచనలో ఉన్నారు టీమ్.

 ఈ నవంబర్ లో షూటింగ్ మొదలవుతుందని ఎక్స్ వేదికగా ప్రకటించారు టీమ్. ఇక ఇందులోని పాత్రలన్నీ సూపర్ హిట్ అయ్యాయి. ఏసీపీ ప్రద్యుమన్ నుంచి దయా అలియాస్ జోసెఫ్  వరకు నటీనటులంతా ప్రేక్షకుల మదిలో నిలిచిపోయారు. సీఐడీ టీవీ సిరీస్ లో శివాజీ సతం, ఆదిత్య శ్రీవాత్సవ, దయానంద్‌ శెట్టి, దినేష్ ఫడ్నిస్, నరేంద్ర గుప్త, అన్ష సాయేద్‌ ప్రధాన పాత్రల్లో నటించారు. 

అయితే రాబోయే సిరిస్ లో కూడా వీరంతా కనిపించే అవకాశం ఉంది. అయితే ఇక్కడే చిన్న సమస్య.. అది కూడా ఈ సీరియల్ అభిమానులందరికి చాలా పద్ద లోటు ఒకటి కనిపించబోతోంది అదేంటో దాదాపు ఇప్పటికే అందరికి అర్ధం అయ్యే ఉంటుంటి. సీఐడీ టీవీ సిరీస్ లో ప్రణిత్  పాత్రలో అదరగొట్టారు నటుడు దినేష్ ఫడ్నిస్. 

సీరియస్ గా సాగే ఈ టీవీషోలో అద్భుతమైన కామెడీ పండించేవారు. ఆయన ఈటీమ్ లో కనిపిస్తేనే ఆ ఎపిసోడ్ చూడాలనిపించేది. లేకుంటే కాస్త బోరింగ్ గా అనిపించేది. అటువంటిది ఫడ్నీస్ లేకుండా సీఐడీ సిరిస్ 2 ను చూడాల్సి వస్తోంది.  తనదైన హాస్యంతో ఆడియెన్స్ ను కడుపుబ్బా నవ్వించిన  దినేష్ ఫడ్నవిస్ 2023లో గుండెపోటుతో మరణించారు. 

Also Read:  బిగ్ బాస్ తెలుగు అప్ డేట్స్ కోసం క్లిక్ చేయండి.

ఈ నేపథ్యంలో దినేశ్‌ ఫడ్నీస్‌ లేకుండా సీక్వెల్‌ చూడాల్సి వస్తుండటం బాధాకరమని నెటిజన్లు బాధపడుతున్నారు. ఈసిరిస్ సీక్వెల్ గురించి రకరకాల కామెంట్లు చేస్తున్నారు ఆడియస్స్. ఈసిరిస్ ప్యాన్స్ మాత్రం సంబరాలు చేసుకుంటున్నారు. మరి ఈ సిరిస్ ఎంత వరకూ సక్సెస్ అవుతుందో చూడాలి మరి.