Ennenno Janmala Bandham: ఐ లవ్ యు చెప్పి చిత్రకి షాకిచ్చిన అభిమన్యు.. వేద మాటలకి కోపంతో రగిలిపోతున్న విన్ని!

Ennenno Janmala Bandham: స్టార్ మాలో ప్రసారమవుతున్న ఎన్నెన్నో జన్మల బంధం సీరియల్ అందరి హృదయాలని దోచుకుంటూ మంచి రేటింగ్ తో ముందుకు దూసుకుపోతుంది. మనసుల నిండా అభిమానం ఉన్నా దగ్గర కాలేకపోతున్న ఒక జంట కధ ఈ సీరియల్. ఇక ఈరోజు మార్చి 28 ఎపిసోడ్ లో ఏం జరిగిందో చూద్దాం.  

ఎపిసోడ్ ప్రారంభంలో తను చేసిన పాయసాన్ని తండ్రికి తినిపిస్తుంది ఖుషి. పాయసం చాలా బాగుంది పాయసం ఎలా వండాలో నా కూతుర్ని చూసి నేర్చుకోండి అంటూ వేదని చూసి చెప్తాడు యష్. ఈ మగవాళ్ళందరూ ఇంతే కూతురు కనిపించేసరికి తల్లి, పెళ్ళాలు కనబడరు అంటూ ఆట పట్టిస్తుంది మాలిని. అవును నా కూతురు గ్రేట్ అని మురిసిపోతాడు యష్.

అందరి బలవంతం మీద వేద కూడా యష్ కి పాయసం తినిపిస్తుంది. యష్ కూడా అందరు బలవంతం మీద వేదకి పాయసం తినిపిస్తాడు. స్వీట్ తిన్న వేద నాకన్నా బాగా చేశావు అంటూ కూతురిని మెచ్చుకుంటుంది. ఖుషి స్వీట్ తో మొదలైన ఈ యానివర్సరీ చాలా గ్రాండ్ గా జరగాలి అంటూ చిత్ర వసంత్ ఆ పని మీద వెళ్తారు. మరోవైపు యష్ కొన్న ఫ్రాకులు చూపించమంటుంది ఖుషి.

సరే అంటూ కూతుర్ని తీసుకు వెళ్ళిపోతుంది వేద. అక్కడే ఉన్న కొడుకుతో మీరిద్దరూ సంతోషంగా ఉంటే మేమందరం ఎంత సంతోషంగా ఉన్నామో చూసావా. మీ నాన్న ఎంత బిజీగా ఉన్నా నేను పిలిచేసరికి పరిగెత్తుకొని వస్తారు. భార్యాభర్తలు ఒకరి మీద ఒకరు ప్రేమతో ఉండాలి. పిలవనిదే పెళ్ళాం అయినా పలకదు అంటారు. నువ్వు నీ భార్య మనసుతో చూడు తను నీ మనసుతో చూస్తుంది.

నీ ఫస్ట్ మ్యారేజ్ సక్సెస్ అవ్వలేదు అందులో నీ తప్పులేదు కానీ నీ సెకండ్ మ్యారేజ్ సక్సెస్ అవ్వలేదు అంటే అందుకు కారణం నీదే అవుతుంది అంటుంది మాలిని. మాళవిక నీ విషయంలో చేసిన తప్పు నువ్వు వేద విషయంలో చెయ్యొద్దు. వేద చేతిని ఎప్పటికీ వదలొద్దు అంటుంది మాలిని. నువ్వు చెప్పిన ప్రతి మాటని గుండెల్లో పెట్టుకుంటాను అలాగే నా భార్య వేదని కూడా గుండెలో పెట్టుకుంటాను.

నీ బిడ్డగా ఈరోజు మాటిస్తున్నాను అంటాడు యష్. మరోవైపు అభిమన్యు ఇంటికి చాలా కోపంగా వస్తుంది చిత్ర. ఫస్ట్ టైం మా ఇంటికి వచ్చావు చూసావా నా వైభోగం అంటాడు అభిమన్యు. నీ వైభోగం ఎవరికి కావాలి అంటుంది చిత్ర. లోపలికి వెళ్లి చిత్ర కోసం నక్లిస్ తీసుకు వస్తాడు అభిమన్యు. ఈ నక్లెస్ మాళవిక కోసం అన్నావు అంటుంది చిత్ర. నీ కోసమే తీసుకున్నాను తీసుకో అంటాడు అభిమన్యు.

నీ హద్దుల్లో నువ్వు ఉండు నేను వసంత్ కి కాబోయే భార్యని అంటుంది చిత్ర. నేను నిన్ను ప్రేమిస్తున్నాను ఇక దాచటం నావల్ల కాదు ఫస్ట్ టైం నిన్ను చూసినప్పుడే నీ అందానికి ఫ్లాట్ అయిపోయాను. నీకు అన్ని సుఖ సంతోషాలని ఇవ్వగలను. నీలాంటి అందగత్తే ఆ వసంత్ ని చేసుకోవడం అవసరమా అంటాడు అభిమన్యు. నిన్ను ఒక మహారాణి లాగా చూసుకుంటాను.

నేను చెప్పాల్సింది చెప్పాను ఆలోచించుకో నీకు ఎలాంటి లైఫ్ కావాలో నువ్వు ఆలోచించుకో అంటాడు అభిమన్యు. మహారాజుని ఏ ఆడపిల్ల మొగుడుగా కోరుకోదు మొగుడినే మహారాజు లాగా చూసుకుంటుంది అయినా నీకు ఎంత గుండె ధైర్యం నన్నే ప్రేమిస్తున్నాను అని చెప్పటానికి నువ్వు మాళవికతో ఆడుకోగలవేమో కానీ నాతో కాదు అంటూ కోపంగా అక్కడి నుంచి వెళ్ళిపోతుంది చిత్ర. విన్ని ఫోన్ చేసి ముంతాజ్ బేగం సలామాలేకుం అంటాడు. మధ్యలో ఈ ముంతాజ్ బేగం ఎక్కడి నుంచి వచ్చింది అంటుంది  వేద. నేను షాజహాన్ అయితే నువ్వు ముంతాజ్ బేగం ఏ కదా అంటాడు విన్నీ.

షాజహాన్ ముంతాజ్ కి భర్త కానీ నువ్వు నా భర్తవు కాదు బెస్ట్ ఫ్రెండ్ కు మాత్రమే అంటుంది వేద. ఆ మాటలకి కోపంతో పగిలిపోయిన విన్ని షాజహాన్ గొప్ప ప్రేమికుడు. ముంతాజ్ ని గొప్పగా ప్రేమించాడు అంటాడు విన్ని. భర్త కాబట్టి అంతలా ప్రేమించాడు అంటుంది వేద ప్రేమించడానికి భర్తే కానక్కర్లేదు అంటాడు విన్ని. ఈ ముంతాజ్  గొడవ ఇంక ఆపు అంటూ నవ్వుతుంది వేద. ఈరోజు అసలే మా ఫస్ట్ యానివర్సరీ చాలా యాంగ్సైటిగా ఉంది అంటుంది. నేను నీకు ఒక గిఫ్ట్ ఇస్తాను అది నువ్వు యష్ కి ఇవ్వు దెబ్బకి ఫ్లాట్ అయిపోతాడు అంటాడు విన్ని.

నిజమా నిజంగా నువ్వు నా బెస్ట్ ఫ్రెండ్ వి అంటూ మురిసిపోతుంది వేద. బెస్ట్ ఫ్రెండ్ ని కాదు కాబోయే హబ్బిని అనుకొని ఫోన్ పెట్టేసిన విన్ని ద గేమ్ స్టార్ట్స్ నౌ అనుకుంటాడు.  మరోవైపు సాంబ్రాణి వేసి తల ఆరబెట్టుకుంటుంది వేద. అప్పుడే అక్కడికి వచ్చిన యష్ ఆ సాంబ్రాణి తీసుకొని తనే ఆమె తలకి సాంబ్రాణి వేస్తాడు. తరువాయి భాగంలో బొకే ఇచ్చి హ్యాపీ వెడ్డింగ్ అనివర్సరీ చెప్పి ఐ లవ్ యు కూడా చెప్తాడు యష్. ఇదే మీ ఫస్ట్ అండ్ లాస్ట్ వెడ్డింగ్ యానివర్సరీ అంటూ వెడ్డింగ్ యానివర్సరీ బోర్డుకి నిప్పు పెడతాడు విన్ని. అది చూసిన వేద షాకవుతుంది.