మెగాస్టార్ చిరంజీవి ఇప్పుడు తిరుగులేని స్టార్‌గా రాణిస్తున్నారు. మెగాస్టార్‌గా ఎదిగారు. కానీ ఓ సీనియర్‌ నటుడు మాత్రం చిరంజీవిని తప్పుగా జడ్జ్ మెంట్‌ చేశాడు.
చిరంజీవి మెగాస్టార్‌గా ఎదిగిన విషయం తెలిసిందే. ఎలాంటి బ్యాక్‌ గ్రౌండ్‌ లేకుండా తన టాలెంట్‌ని నమ్ముకుని, నటుడిగా రాణించాలని కసితో ఇండస్ట్రీలోకి వచ్చాడు చిరంజీవి. అవకాశాల కోసం వెతుకుతూ ఎన్నో స్ట్రగుల్స్ పడుతూ, ఎన్నో రిజెక్ట్ లను ఫేస్‌ చేసి ఎట్టకేలకు నటుడిగా మారారు. చిన్న పాత్రతో సినిమాల్లోకి అడుగుపెట్టాడు. అంతే దాంట్లోనే తానేంటో నిరూపించుకున్నాడు. అదే కాదు, కనిపించిన పెద్ద సినిమా హీరో, హీరోయిన్ల ముందు డాన్సులు చేసి వారిని ఇంప్రెస్‌ చేశాడు.
చిరంజీవిలోని కసిని, డాన్సింగ్‌ స్కిల్స్ ని, ఎనర్జీని చూసిన మేకర్స్‌ ఆయనకు సినిమాల్లో ఛాన్స్ ఇచ్చారు. `పునాదిరాళ్లు` సినిమాతో ఫస్ట్ అవకాశాన్ని అందుకుని, `ప్రాణం ఖరీదు` సినిమాతో తెలుగు వెండితెరకు పరిచయం అయ్యారు. తొలి సినిమా విడుదలకు ముందే చాలా మంది సీనియర్‌ హీరోలు చిరంజీవిలోని టాలెంట్‌ని చూసి ముచ్చటపడ్డారట. ఆయన గురించి మాట్లాడుకున్నారు. అంతేకాదు ఇద్దరు హీరోలు ఏకంగా బెట్‌ కూడా వేసుకున్నారట. విలన్‌ అవుతాడని ఒకరు, ఇండస్ట్రీకి మొగుడు అవుతాడని మరొకరు సవాళ్లు విసురుకున్నారట.
ఆ కథేంటో చూస్తే, చిరంజీవి ఫస్ట్ సినిమా విడుదలకు ముందు ఏ పాట వినిపించినా, ఎవరైనా డాన్సు వేయాలని చెప్పినా మరో ఆలోచన లేకుండా డాన్సులతో ఇరగదీసేవారట. మ్యూజిక్‌ రిథమ్ ని బట్టి డాన్స్ చేసేవాడట. కొత్త కొత్త స్టెప్పులతో ఇంప్రెస్‌ చేసేవాడట. కళ్లల్లో ఏదో పవర్‌ ఉండేదట.
ఆ చూపులు చూస్తుంటే నెగటివ్‌ రోల్స్ కి యాప్ట్ అని, ఇతను భవిష్యత్లో మంచి విలన్‌ అవుతాడని కృష్ణంరాజు అన్నారట. అయితే విలన్‌ ఏంటి అండి, ఇండస్ట్రీకి మొగుడు అవుతాడు చూడండి అని మురళీ మోహన్‌ అనుకున్నారట. ఇదంతా `మనవూరి పాండవులు` సినిమా టైమ్ లో జరిగిన చర్చ.
ప్రారంభంలో చిరంజీవి నెగటివ్‌ రోల్స్ చేశారు. ఆకట్టుకున్నాడు ముఖ్యంగా ఆయన కళ్లు చాలా డిస్కషన్‌గా ఉండేట. అయితే ఆ తర్వాత చిరంజీవి విలన్‌ పాత్రల నుంచి హీరోగా టర్న్ తీసుకున్నారు. తిరుగులేని స్టార్‌గా ఎదిగారు. దీంతో కృష్ణంరాజు జడ్జ్ మెంట్‌ రాంగ్ అయితే, మురళీ మోహన్‌ చెప్పిందే నిజమైంది.
ఆయన చెప్పినట్టుగాన చిరంజీవి ఇండస్ట్రీకి మొగుడు అయ్యారు. మెగాస్టార్‌గా ఎదిగాడు. రెండుమూడు దశాబ్దాలుగా ఇండస్ట్రీని ఏలుతున్నారు. ఇప్పుడు యంగ్ హీరోల రోజు నడుస్తున్న నేపథ్యంలో తన రేంజ్‌లో ఆయన మెగాస్టార్‌గానే రాణిస్తున్నారు. అంతేకాదు ఇండస్ట్రీకి పరోక్షంగా పెద్ద దిక్కుగానే ఉన్నారు చిరు.
ఇదిలా ఉంటే చిరంజీవి, కృష్ణంరాజులది ఒకే ఊరు మొగల్తూరు అనే విషయం తెలిసిందే. ఇద్దరు కలిసి చాలా సినిమాల్లోనూ నటించారు. అందుకు `మనవూరి పాండవులు` సినిమానే బీజం వేసింది. ఇందులో మురళీ మోహన్‌ కూడా నటించడం విశేషం. ప్రస్తుతం చిరంజీవి `విశ్వంభర` సినిమాలో నటిస్తున్నారు.
వశిష్ట దర్శకత్వంలో రూపొందుతున్న సోషియో ఫాంటసీ చిత్రమితి. పీరియడ్ అంశాలు, మైథలాజికల్‌ అంశాలు హైలైట్‌గా దీన్ని తెరకెక్కిస్తున్నారు. ఇందులో త్రిష హీరోయినగా నటిస్తుంది. చిత్రీకరణ దశలో ఉన్న ఈ సినిమా వచ్చే ఏడాది సమ్మర్‌లో విడుదల కాబోతుంది.
read more:తనకు డూప్‌ని పెడితే మహేష్‌ బాబు ఏం చేశాడో తెలుసా? కృష్ణతోపాటు యూనిట్ మొత్తం బిత్తరపోయిన ఘటన
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి