నమ్మినందుకు జయసుధను నిండా ముంచేసిన మెగా బ్రదర్స్, ఆ దెబ్బకు రోడ్డున పడిన సహజ నటి!

నటి జయసుధకు గతంలో భారీ షాక్ తగిలింది. ఆమె ఉన్నది మొత్తం పోగొట్టుకోవాల్సి వచ్చింది. చిరంజీవి, నాగబాబును నమ్ముకుంటే ఆమెను నట్టేట ముంచారు. ఇంతకీ ఏం జరిగింది.   

సిల్వర్ స్క్రీన్ ని ఏలిన తెలుగు అమ్మాయిల్లో జయసుధ ఒకరు. సహజ నటిగా పేరుగాంచిన జయసుధ మూడు తరాల హీరోలతో జతకట్టడం విశేషం. తెలుగు, తమిళ భాషల్లో జయసుధ అధికంగా చిత్రాలు చేశారు. మలయాళ, హింది భాషల్లో కూడా నటించారు. 

Hands Up Movie

జయసుధ, జయప్రద, శ్రీదేవి మధ్య ఒక దశలో తీవ్ర పోటీ ఉండేది. నువ్వా నేనా అన్నట్లు తలపడేవారు. వందల చిత్రాల్లో జయసుధ నటించారు. హీరోయిన్ గా ఫేడ్ అవుట్ అయ్యాక ఆమె క్యారెక్టర్ ఆర్టిస్ట్ గా మారి సక్సెస్ అయ్యారు. ఇక జయసుధ అసలు పేరు సుజాత నిడదవోలు. ఆమె చెన్నైలోనే పుట్టారు. జయసుధ రాజకీయాల్లో కూడా రాణించారు. మొదట్లో తెలుగు దేశం, అనంతరం కాంగ్రెస్ లో చేరారు. ప్రస్తుతం ఆమె బీజేపీలో ఉన్నారు. 

నిర్మాతగా మారిన జయసుధ పలు చిత్రాలు నిర్మించింది. 1987 కాంచన సీత టైటిల్ తో ఒక చిత్రం నిర్మించింది. అనంతరం జయసుధ కలి కాలం, మేరా పత్ని సిర్ఫ్ మేరా హై, అదృష్టం, వింత కోడళ్ళు చిత్రాలు నిర్మించింది. ఇవేమీ బాక్సాఫీస్ వద్ద పెద్దగా ప్రభావం చూపిన దాఖలాలు లేవు. అయినప్పటికీ జయసుధ చెప్పుకోదగ్గ స్థాయిలో నష్టపోలేదు. ఒక చిత్రం మాత్రం ఆమెను భారీగా దెబ్బ తీసింది. 

Hands Up Movie

మరోసారి నిర్మాణం వైపు వెళ్లకుండా చేసింది. అదే హ్యాండ్సప్ మూవీ. 1999లో విడుదలైన హ్యాండ్సప్ చిత్రం జయసుధకు తీవ్ర నష్టాలు తెచ్చిపెట్టింది. ఈ మూవీలో భారీ తారాగణం నటించారు. జయసుధ, బ్రహ్మానందం, నాగబాబు ప్రధాన పాత్రలు చేసిన ఈ చిత్రంలో చిరంజీవి గెస్ట్ రోల్ చేశాడు. ఆయన జయసుధ భర్తగా క్లైమాక్స్ లో కనిపిస్తాడు. 

కోట, గిరిబాబు, ఎల్బీ శ్రీరామ్, సోనూ సూద్, తనికెళ్ళ భరణి ఇలా పలువురు స్టార్ కమెడియన్స్, క్యారెక్టర్ ఆర్టిస్ట్స్ ఈ చిత్రంలో నటించారు. దర్శకుడు శివ నాగేశ్వరరావు అవుట్ అండ్ అవుట్ క్రైమ్ కామెడీ డ్రామాగా తెరకెక్కించారు. ఓ హాలీవుడ్ మూవీ స్ఫూర్తితో హ్యాండ్సప్ తెరకెక్కించనట్లు సమాచారం. కాగా జయసుధ ఈ చిత్రానికి స్వయంగా కథ సమకూర్చారు. వెరసి భారీ బడ్జెట్ తో మూవీ నిర్మించారు. 

Hands Up Movie

సినిమా ఎలా ఉన్నా చిరంజీవి గెస్ట్ అప్పీరెన్స్ అయినా కాపాడుతుందని జయసుధ భావించి ఉండొచ్చు. సినిమా బాగోకపోతే చిరంజీవి సినిమా అయినా చూడరు. ఇక ఆయన గెస్ట్ రోల్ చేసిన చిత్రాన్ని ఎలా చూస్తారు. కథ, స్క్రీన్ ప్లే లో మేటర్ లేదు. వారు అనుకున్నట్లు పూర్తి స్థాయిలో కామెడీ పండలేదు. వరుణ్ తేజ్ ఈ మూవీలో చైల్డ్ ఆర్టిస్ట్ గా ఓ సీన్ లో నటించడమైంది. 

మొత్తంగా మెగా ఫ్యామిలీకి చెందిన చిరంజీవి, నాగబాబు, వరుణ్ తేజ్ హ్యాండ్సప్ మూవీలో భాగమయ్యారు. ప్లాప్ టాక్ తెచ్చుకున్న హ్యాండ్సప్ మూవీ కనీస వసూళ్లు దక్కించుకోలేకపోయింది. జయసుధ అప్పటి వరకు సంపాదించిన మొత్తాన్ని పెట్టుబడిగా పెట్టి హ్యాండ్సప్ మూవీ నిర్మించింది. ఆ చిత్రంలో వచ్చిన నష్టాలకు జయసుధ రోడ్డున పడింది. ఈ విషయం పలు ఇంటర్వ్యూలలో జయసుధ స్వయంగా చెప్పింది. 

Chiranjeevi and Nagababu

సినిమా అనేది జూదం. ప్రతి వంద సినిమాలకు రెండు మూడు మాత్రమే హిట్ అవుతాయట. ఆ రోజుల్లో డిజిటల్ రైట్స్ కూడా ఉండేవి కావు. థియేటర్స్ లో వచ్చే కలెక్షన్స్ మాత్రమే ఆధారం. నాగబాబు సైతం ఆరంజ్ మూవీని నిర్మించి కోట్లలో నష్టపోయాడు. అప్పులు కట్టలేనని ఆత్మహత్య ఆలోచనలు కూడా చేశాడు. బ్రదర్స్ ఆదుకోవడంతో మెల్లగా నిలదొక్కుకున్నాడు. కాబట్టి ఎవరు చేయాల్సిన పని వాళ్ళు చేయాలి. నిర్మాతలుగా సక్సెస్ అయిన నటులు చాలా తక్కువ మంది ఉన్నారు.