అట్టర్ ఫ్లాప్ నుంచి చిరంజీవి జస్ట్ మిస్, చివరికి బలైంది బాలయ్య.. ఎగ్జైట్మెంట్ తో విజిల్ కొట్టిన జూ.ఎన్టీఆర్

ఠాగూర్ తర్వాత చిరంజీవి ఒక భారీ ఫ్లాప్ చిత్రం నుంచి తప్పించుకున్నారు. కానీ బాలకృష్ణ అదే కథాంశంతో మూవీ చేసి భారీ ఫ్లాప్ సొంతం చేసుకున్నారు. ఆ వివరాలు ఏంటో చూద్దాం.   

Chiranjeevi, Balakrishna

ఠాగూర్ లాంటి భారీ హిట్ తర్వాత చిరంజీవి తన తదుపరి చిత్రానికి సంబంధించిన చర్చల్లో ఉన్నారు. ఠాగూర్ తర్వాత ఎలాంటి మూవీ చేయాలి అనే డిస్కషన్స్ జరుగుతున్నాయి. 2002లో సల్మాన్ ఖాన్ తుమ్ కో న బౌల్ పాయేంగే అనే చిత్రంలో నటించారు. ఈ మూవీ హాలీవుడ్ చిత్రం ది లాంగ్ కిస్ గుడ్ నైట్ అనే మూవీ ఇన్సిపిరేషన్ తో వచ్చింది. ఈ చిత్రంలో హీరోయిన్ ఒక సీక్రెట్ ఏజెంట్. తలకి గాయం కావడం వల్ల గతం మరచిపోతుంది. 

Balakrishna

కానీ ఆమె అలవాట్లు, నేర్చుకున్న విషయాలు తనకే తెలియకుండా అప్లై చేస్తూ ఉంటుంది. ఆమె షార్ప్ షూటర్. గతం మరచిపోయిన తర్వాత కూడా షూటింగ్ మరచిపోదు. ఈ పాయింట్ తో చిరంజీవి కోసం ఒక కథ రాస్తే ఎలా ఉంటుంది అనే చర్చలు జరిగాయట. హీరో గతం మరచిపోతాడు. కానీ అప్పటి అలవాట్లు మాత్రం అలాగే ఉంటాయి. చిరంజీవికి కూడా ఈ పాయింట్ నచ్చింది. కథ మొదలు పెట్టమని చెప్పారట. 

Nandamuri Balakrishna

కానీ ఇదే పాయింట్ తో బాలకృష్ణ కోసం విజయేంద్ర ప్రసాద్ ఒక కథ రాస్తున్నారని తెలిసింది. ఒకేసారి ఇద్దరు స్టార్ హీరోలు ఒకే పాయింట్ తో మూవీ చేయడం కరెక్ట్ కాదని చిరంజీవి ఆ చిత్రాన్ని ఆపేశారు. కానీ బాలయ్య చిత్రం మాత్రం రూపొందింది. అదే విజయేంద్ర వర్మ. ఈ చిత్రంలో బాలయ్య గతం మరిచిపోయిన ఆర్మీ అధికారిగా నటించారు. ఈ చిత్రంలో కథ బాగానే ఉంటుంది. 

కానీ లాజిక్ లేని కొన్ని సీన్ల వల్ల మూవీ డిజాస్టర్ అయింది.  బాలయ్య ఫ్యాన్స్ ని కూడా ఈ చిత్రం ఆకట్టుకోలేకపోయింది. దేశభక్తి సన్నివేశాలు కూడా అంతగా పండలేదు. ఈ చిత్ర రిలీజ్ టైంలో మామూలు హైప్ లేదు. సినిమా హిట్ అయి ఉంటే చాలా రికార్డులు బ్రేక్ అయ్యేవి. కానీ అలా జరగలేదు. ఈ చిత్రంలో లయ, సంగీత, అంకిత హీరోయిన్లుగా నటించారు. 

Vijayendra Varma movie

విజయేంద్ర వర్మ చిత్రం రిలీజ్ టైంలో అరకులోయలో జూనియర్ ఎన్టీఆర్ నరసింహుడు చిత్ర షూటింగ్ జరుగుతోంది. విజేంద్ర వర్మ చిత్రానికి ఉన్న హైప్, అంచనాల దృష్ట్యా ఎలాగైనా ఫస్ట్ షో చూడాలని జూనియర్ ఎన్టీఆర్ డిసైడ్ అయ్యారు. నరసింహుడు చిత్ర యూనిట్ మొత్తం బాలయ్య చిత్రం చూడాలని అనుకున్నారు. దీనితో అక్కడికే మూవీ ప్రింట్ తెప్పించుకుని చూశారు. బాలయ్య కొండపైకి ఎక్కే ఎంట్రీ సీన్ చూసి ఎన్టీఆర్ ఎగ్జైట్మెంట్ తో విజిల్ కొట్టి గెంతులు వేశాడని అప్పట్లో నరసింహుడు చిత్ర యూనిట్ తెలిపింది. కానీ విజయేంద్ర వర్మ డిజాస్టర్ అయింది. మొత్తంగా చిరంజీవి ఒక బిగ్ ఫ్లాప్ నుంచి ఎస్కేప్ అయ్యారని చెప్పొచ్చు.