అల్లు కాంపౌండ్ లో ఉంటూ అల్లు అరవింద్, అల్లు అర్జున్ లకు విధేయుడిగా సినిమాలు నిర్మిస్తున్నారు బన్నీ వాసు. గీతా ఆర్ట్స్ బ్యానర్ లో పలు చిత్రాలు నిర్మిస్తున్నారు.
అల్లు కాంపౌండ్ లో ఉంటూ అల్లు అరవింద్, అల్లు అర్జున్ లకు విధేయుడిగా సినిమాలు నిర్మిస్తున్నారు బన్నీ వాసు. గీతా ఆర్ట్స్ బ్యానర్ లో పలు చిత్రాలు నిర్మిస్తున్నారు. ఆయన నిర్మాణంలో నవంబర్ 24న శుక్రవారం విడుదల కాబోతున్న చిత్రం కోట బొమ్మాలి పీఎస్.
ఈ సందర్భంగా బన్నీ వాసు కూడా ప్రచార కార్యక్రమాలతో బిజీగా ఉన్నారు. తాజాగా ఇంటర్వ్యూలో బన్నీ వాసు తన రాజకీయ ప్రవేశం, ఎన్నికల్లో పోటీ గురించి ఆసక్తికర వ్యాఖ్యలు చేశారు.
బన్నీ వాసు తరచుగా జనసేన పార్టీ కార్యక్రమాల్లో పాల్గొంటుండడం చూస్తూనే ఉన్నాం. అయితే పూర్తి స్థాయిలో మాత్రం యాక్టివ్ గా లేరు. సినిమాలు చేసుకుంటూ సమయం దొరికినప్పుడు జనసేన పార్టీతో ఉంటున్నారు. అయితే తాజాగా ఇంటర్వ్యూలో బన్నీ వాసు చేసిన వ్యాఖ్యలు ఆసక్తికరంగా ఉన్నాయి.
ఎన్నికల్లో 2024లో పోటీ చేస్తున్నారా లేక 2029 లోనా అని యాంకర్ ప్రశ్నించగా.. లేదండి.. అల్లు అరవింద్ గారు చెబితేనే చూడాలి. నేను అనుకోవడం 2029లోనే అనుకుంటున్నా. ఏ పార్టీ తరుపున అంటే అది కూడా పెద్దలే చూసుకుంటారు అని షాకింగ్ కామెంట్స్ చేశారు.
వైసిపి నుంచి కూడా మీకు ఆఫర్ ఉందని వార్తలు వస్తున్నాయి అని అడిగితే.. నా వరకు రాలేదు అని సమాధానం ఇచ్చారు. చివరగా నేను మచిలీపట్నంలో పవన్ కళ్యాణ్ గారిని కలిసాను అని బన్నీ వాసు అన్నారు.
పవన్ కళ్యాణ్ గారు ఫోన్ చేసి వాసు ఇక్కడ పోటీ చెయ్ అని అడిగితే ఏం చెబుతారు అని అడగగా.. కళ్యాణ్ గారు అడిగితే ఇక మనకి ఛాయిస్ ఉంటుందా.. దిగిపోవడమే అని అన్నారు.