కాలేజీ ఎలక్షన్ల నుంచి యువత నడిపే ఉద్యమాల వరకు.. ఇండియాలో స్టూడెంట్ పాలిటిక్స్ను బాలీవుడ్ ఎన్నోసార్లు తెరపై చూపించింది. అధికారం, సిద్ధాంతాలు, అవినీతి, రాజకీయాలపై యువత ప్రభావం వంటి అంశాలను ఈ సినిమాలు అద్భుతంగా ఆవిష్కరించాయి.
స్టూడెంట్ పాలిటిక్స్ నేపథ్యంలో వచ్చిన టాప్ 5 మూవీస్
హాసిల్, గులాల్, యువ, రంగ్ దే బసంతి, రాంఝనా.. స్టూడెంట్ పాలిటిక్స్ను బాలీవుడ్లో చూపించిన ముఖ్యమైన చిత్రాలివి. క్యాంపస్ ఎన్నికల నుంచి అవినీతిపై పోరాటాల వరకు.. దేశ భవిష్యత్ నేతలను కాలేజీలే ఎలా తీర్చిదిద్దుతాయో ఈ సినిమాలు చూపించాయి.
26
రాంఝనా(2013)
డైరెక్టర్: ఆనంద్ ఎల్. రాయ్
ఈ సినిమా సెకండాఫ్ మొత్తం జవహర్లాల్ నెహ్రూ యూనివర్సిటీ (JNU) రాజకీయాల నేపథ్యంలో సాగుతుంది. క్యాంపస్ ఎన్నికలు, యువత ఉద్యమాలు, సిద్ధాంతాల మధ్య ఘర్షణ, జాతీయ రాజకీయాలపై విద్యార్థి నేతల ప్రభావాన్ని ఇందులో చూపించారు.
36
రంగ్ దే బసంతి
డైరెక్టర్: రాకేశ్ ఓంప్రకాశ్ మెహ్రా
ఢిల్లీ యూనివర్సిటీకి చెందిన కొందరు స్నేహితుల కథ ఇది. ఓ డాక్యుమెంటరీ కోసం స్వాతంత్ర్య సమరయోధుల పాత్రలు వేస్తూ వాళ్ల జీవితాలు మారిపోతాయి. స్నేహితుడి మరణం వెనుక అవినీతి ఉందని తెలిసి, వాళ్లే రాజకీయ ఉద్యమకారులుగా మారతారు. ప్రభుత్వాన్ని ప్రశ్నించి, ఓ తరాన్నే కదిలించారు.
ఈ సినిమాలో ఓ కథ విద్యార్థి నాయకుడు మైఖేల్ ముఖర్జీ చుట్టూ తిరుగుతుంది. అతను క్యాంపస్ రాజకీయాల్లోని అవినీతి, నేరమయ ప్రపంచంపై పోరాడతాడు. విద్యార్థి ఉద్యమాలు పెద్ద రాజకీయ మార్పులకు ఎలా దారితీస్తాయో ఈ సినిమా చూపిస్తుంది.
56
గులాల్ (2009)
డైరెక్టర్: అనురాగ్ కశ్యప్
ఈ సినిమా కథ రాజ్పుత్ గుర్తింపు రాజకీయాల చుట్టూ తిరిగినా, చాలా భాగం యూనివర్సిటీ క్యాంపస్లోనే జరుగుతుంది. విద్యార్థి ఉద్యమాలు, కుల సమీకరణాలు, ప్రాంతీయత, విద్యార్థి నేతలకు, రాజకీయ నాయకులకు మధ్య ఉన్న సంబంధాలను ఈ చిత్రం లోతుగా చర్చిస్తుంది.
66
హాసిల్ (2003)
డైరెక్టర్: తిగ్మాన్షు ధులియా
అలహాబాద్ యూనివర్సిటీ నేపథ్యంలో సాగే ఈ సినిమా క్యాంపస్ పాలిటిక్స్పై వచ్చిన గొప్ప చిత్రాల్లో ఒకటి. ఓ యువ విద్యార్థి.. విద్యార్థి సంఘం ఎన్నికలు, అధికార పోరాటాలు, రాజకీయ కుట్రల మధ్య ఎలా చిక్కుకుపోయాడో ఈ కథ చూపిస్తుంది.
