Suriya vs Nayanthara: సూర్య, నయనతార మధ్య బిగ్‌ క్లాష్‌.. ఇండిపెండెంట్‌ డేకి ఊహించని బాక్సాఫీసు ఫైట్‌

Suriya vs Nayanthara: సూర్య, నయనతార సినిమాలు ఒకే రోజున బాక్సాఫీస్ వద్ద పోటీ పడబోతున్నాయి. సూర్య నటించిన 'విశ్వనాథ్ అండ్ సన్స్', నయన్ మూవీ 'హాయ్' ఒకే రోజు రిలీజ్ కానున్నాయి. ఆ వివరాలు చూద్దాం.

సూర్య, నయనతార బాక్సాఫీసు క్లాష్‌

నయనతార, సూర్య సినిమాలు ఒకే రోజు విడుదల కాబోతున్నాయి. ఈ స్వాతంత్రదినోత్సవం రోజున బాక్సాఫీసు వద్ద క్లాష్‌ నెలకొనబోతుంది. వసూళ్లని వీరిద్దరు పంచుకోబోతున్నారు. మరి ఇంతకి ఏం జరుగుతుందంటే?,  తాజాగా నయనతార, కవిన్ నటిస్తున్న 'హాయ్' సినిమా రిలీజ్ డేట్‌ను మేకర్స్ అధికారికంగా ప్రకటించారు. ఈ సినిమా ఆగస్ట్ 14, 2026న థియేటర్లలోకి రానుంది. విష్ణు ఇడవన్ ఈ చిత్రానికి దర్శకత్వం వహిస్తున్నారు. విఘ్నేష్ శివన్, నయనతార, ఎస్.ఎస్. లలిత్ కుమార్ సంయుక్తంగా నిర్మిస్తున్నారు. ఈ సినిమాలో భాగ్యరాజ్, రాధికా శరత్‌కుమార్, ప్రభు, వీటీవీ గణేష్, సత్యన్ వంటి పెద్ద తారాగణం ఉంది.

సడెన్‌గా రిలీజ్‌ డేట్‌ ఇచ్చిన నయన్‌

నయనతార తన ఇన్‌స్టాగ్రామ్‌లో 'రిలీజ్ డేట్ ప్రోమో' పేరుతో ఓ వీడియో షేర్ చేసింది. అందులో నయన్ చేతిలో కత్తి పట్టుకుని ఉండగా, కవిన్ రెయిన్‌కోట్ వేసుకుని బైక్‌పై ఆమె ఇంటికి వస్తున్నట్లు చూపించారు. ఈ సినిమాకు U/A సర్టిఫికెట్ వచ్చింది. జెన్ మార్టిన్ సంగీతం అందిస్తున్నారు.

ఆగస్ట్ 14నే సూర్య విశ్వనాథ్‌ అండ్‌ సన్స్ మూవీ రిలీజ్‌

ఇదే ఆగస్ట్ 14న సూర్య 'విశ్వనాథ్ అండ్ సన్స్' కూడా రిలీజ్ కానుంది. వెంకీ అట్లూరి దర్శకత్వం వహిస్తున్న ఈ సినిమాలో రాధికా శరత్‌కుమార్, రవీనా టాండన్ కీలక పాత్రల్లో నటిస్తున్నారు. సూర్యదేవర నాగ వంశీ, సాయి సౌజన్య ఈ చిత్రాన్ని నిర్మిస్తున్నారు. ఇందులో సూర్య మాజీ పిస్టల్ షూటర్‌గా కనిపిస్తాడు. తనకంటే 20 ఏళ్లు చిన్నదైన మమితా ప్రేమలో పడతాడు. ఎన్నో అవార్డులు గెలిచినా, ప్రశాంతమైన జీవితం గడిపే వ్యక్తిగా ఆయన పాత్ర ఉంటుంది.

ఇండిపెండెంట్‌ డే రోజు బాక్సాఫీసు విజయం ఎవరిది

ఈ సినిమాకు జీవీ ప్రకాష్ కుమార్ సంగీతం అందిస్తున్నారు. సూర్యకు జోడీగా మమితా బైజు నటిస్తోంది. నిజానికి ఈ సినిమాను జులైలోనే రిలీజ్ చేయాలనుకున్నారు, కానీ ఆగస్ట్‌కు వాయిదా వేశారు. ఈ మూవీ ఓటీటీ హక్కులను నెట్‌ఫ్లిక్స్ దక్కించుకుంది. ఇప్పుడు నయన్ సినిమాతో పోటీ పడుతుండటంతో, బాక్సాఫీస్ వద్ద ఎవరు గెలుస్తారో చూడాలి.