ఒకప్పుడు ఇండియన్ సినిమా అంటే బాలీవుడ్ గురించే ఎక్కువగా మాట్లాడుకునేవారు. కానీ ఇప్పుడు ఇండియా సినిమా అంటే.. రాజమౌళి పుణ్యమా అని టాలీవుడ్ గురించి వరల్డ్ మొత్తం మాట్లాడుతోంది.
ఒకప్పుడు ఇండియన్ సినిమా అంటే బాలీవుడ్ గురించే ఎక్కువగా మాట్లాడుకునేవారు. కానీ ఇప్పుడు ఇండియా సినిమా అంటే.. రాజమౌళి పుణ్యమా అని టాలీవుడ్ గురించి వరల్డ్ మొత్తం మాట్లాడుతోంది. అంతలా జక్కన్న తెలుగు సినిమా స్వరూపాన్ని మార్చేశారు. ప్రస్తుతం ప్రభాస్, అల్లు అర్జున్, రాంచరణ్, ఎన్టీఆర్, నిఖిల్ లాంటి హీరోల చిత్రాలన్నీ పాన్ ఇండియా స్థాయిలో రిలీజ్ అవుతున్నాయి.
త్వరలో హిందీ బాక్సాఫీస్ వద్ద పేలనున్న బిగ్ గన్స్ అంటే కల్కి, పుష్ప 2, దేవర లాంటి చిత్రాల పేర్లు చెప్పొచ్చు. ఎన్టీఆర్ దేవర చిత్ర యూనిట్ అయితే పక్కా ప్లానింగ్ తో ముందుకు వెళుతోంది. దేవర చిత్రాన్ని హిందీలో రిలీజ్ చేసేందుకు బడా నిర్మాత కరణ్ జోహార్ హెల్ప్ తీసుకుంటున్న సంగతి తెలిసిందే. బాహుబలి చిత్రాన్ని కూడా ఆయనే హిందీలో రిలీజ్ చేశారు.
ఇక పుష్ప 2 చిత్రం విషయానికి వస్తే మైత్రి మూవీస్ సంస్థ నిర్మిస్తోంది. ఈ మూవీ విషయంలో వాళ్ళ ప్లాన్స్ వాళ్ళకి ఉన్నాయి. అయితే ఈ రెండు చిత్రాల హిందీ రిలీజ్ డిస్ట్రిబ్యూషన్ రైట్స్ ఒకరి దగ్గరే ఉన్నాయి. ఆయన ఎవరో కాదు.. క్రేజీ హీరోయిన్ రవీనా టాండన్ భర్త అనిల్ తడాని.
అనిల్ తడాని హిందీ డిస్ట్రిబ్యూటర్ అయినప్పటికీ ఎక్కువగా తెలుగు చిత్రాలని హిందీలో కొంటుంటారు. ఆల్రెడీ అనిల్ భారీ మొత్తానికి పుష్ప 2 హిందీ రిలీజ్ హక్కులు సొంతం చేసుకున్నారు. ఇప్పుడు ఎన్టీఆర్ దేవర చిత్రంలో కూడా అనిల్ చేతుల్లోకే వెళ్ళింది. కారం జోహార్ బ్రాండ్ పై దేవర చిత్రం అనిల్ తడాని డిస్ట్రిబ్యూటర్ గా రిలీజ్ కానుంది.
అనిల్ తడాని చివరగా హను మాన్ చిత్రాన్ని హిందీలో రిలీజ్ చేశారు. ఆ చిత్రంతో అనిల్ కి భారీ లాభాలు వచ్చాయి. ఇప్పుడు ఆయన చేతుల్లో పుష్ప 2, దేవర చిత్రాల రూపంలో వందల కోట్ల బిజినెస్ ఉందని చెప్పొచ్చు. ఈ రెండు చిత్రాలు క్లిక్ అయితే అనిల్ కి కనీ వినీ ఎరుగని లాభాలు దక్కుతాయని చెప్పడంలో సందేహం లేదు.
పుష్ప 2, దేవర చిత్రాలని హిందీలో రిలీజ్ చేయడానికి చాలా మంది డిస్ట్రిబ్యూటర్లు పోటీ పడ్డారట. కానీ మేకర్స్ నమ్మకంతో ఆ అవకాశాన్ని అనిల్ కి ఇచ్చారు. గతంలో హను మాన్ చిత్ర డైరెక్టర్ ప్రశాంత్ వర్మ మాట్లాడుతూ.. ఒక పాన్ ఇండియా చిత్రాన్ని రిలీజ్ చేయడంలో అనిల్ కి మంచి అనుభవం, నెట్ వర్క్ ఉన్నాయి. అందుకే అంతా ఆయన్నే కోరుకుంటారు అని ప్రశాంత్ వర్మ అన్నారు.