చిరంజీవి ‘వాల్తేరు వీరయ్య’లోని బాస్ పార్టీ సాంగ్ తో బాలీవుడ్ నటి ఊర్వశీ రౌటేలా (Urvashi Rautela) నటించిన విషయం తెలిసిందే. అయితే ఆ పాటలో నటించేందుకు ఈ ముద్దుగుమ్మ తీసుకున్న రెమ్యూనరేషన్ ప్రస్తుతం హాట్ టాపిక్ గా మారింది.
ఒక్కపాటతోనే సౌత్ లో మంచి గుర్తింపు దక్కించుకుంది బాలీవుడ్ బ్యూటీ ఊర్వశీ రౌటేలా. చిరు సరసన గ్లామర్ స్టెప్పులతో యువతను ఊర్రూతలూగించింది. వెండితెరపై గ్లామర్ ఒళకబోస్తూ కట్టిపడేసింది. మరోవైపు చిరంజీవి గ్రేస్ ను అందుకునేలా డాన్స్ వేసింది. దీంతో తెలుగు ఆడియెన్స్ లో మంచి గుర్తింపు వచ్చింది.
అయితే Boss Party సాంగ్ ఎంత పెద్ద హిట్ అయ్యిందో తెలిసిందే. దేవీశ్రీ ప్రసాద్ అందించిన మాస్ ట్యూన్ కు ఫ్యాన్స్ ఖుషీ అయ్యారు. ఇప్పటికీ ట్రెండ్ అవుతూనే ఉంది. అయితే ఈ సాంగ్ లో నటించేందుకు ఊర్వశీ రౌటేలా తీసుకున్న రెమ్యూనరేషన్ ప్రస్తుతం హాట్ టాపిక్ గా మారింది.
వాల్తేరు కు సంబంధించిన ఓ స్పెషల్ సెట్ లో ఈ సాంగ్ ను షూట్ చేశారు. ఇందుకోసం ఏకంగా రూ30 కోట్లు ఖర్చు చేసినట్టు తెలుస్తోంది. ఇక కేవలం ఊర్వశీ రౌటేలానే రూ.2 కోట్లు ఛార్జ్ చేసిందని ప్రచారం జరుగుతోంది. ఇంత పెద్ద మొత్తం ఇవ్వడం షాకింగ్ అనే అంటున్నారు.
మూడు నిమిషాలకు పాటకు ఊర్వశీ అంతలా రెమ్యూనరేషన్ తీసుకున్నదంటే ఆమె రేంజ్ ఎంటో అర్థం అవుతోంది. ఊర్వశీ తీసుకున్న దానికంటే ఈచిత్రంలో విలన్ గా నటించిన ప్రకాశ్ రాజ్ రెమ్యూనరేషన్ తక్కువేనని అంటున్నారు. ఇక ఇటీవల హీరోయిన్లు కూడా స్పెషల్ నెంబర్స్ లో నటిస్తుండటం ట్రెండ్ గా మారింది. ఇప్పటికే బాలీవుడ్ నుంచి మలైకా అరోరా, ఇషా గుప్తా, జాక్వెలిన్ ఫెర్నాండెజ్ స్పెషల్ నెంబర్స్ లో నటించిన విషయం తెలిసిందే.
ఇక చిత్రంలో చిరంజీవి వింటేజ్ లుక్, మాస్ యాక్షన్ సీన్స్, డైలాగ్స్ అదిరిపోయాయి. ముఖ్యంగా చిరంజీవి, బాలీవుడ్ హీరోయిన్ ఊర్వశీ రౌటేలా కలిసి నటించిన ‘బాస్ పార్టీ’ సాంగ్ కు మంచి రెస్పాన్స్ దక్కింది. ఊర్వశీ స్పెషల్ అపియరెన్స్ కు ఆడియెన్స్ ఫిదా అయ్యారు. ఇప్పటికీ యూట్యూబ్ లో మిలియన్ల వ్యూస్ తో దూసుకుపోతోంది.
మెగాస్టార్ చిరంజీవి - శ్రుతి హాసన్ జంటగా నటించారు. సంక్రాంతి కానుకగా వచ్చిన ‘వాల్తేరు వీరయ్య’ మంచి విజయాన్ని అందుకుంది. ఆడియెన్స్ నుంచి తొలిరోజే పాజిటివ్ టాక్ ను సొంతం చేసుకుని బ్లాక్ బాస్టర్ హిట్ గా నిలిచింది. ఇటు బాక్సాఫీస్ వద్ద కూడా రూ. 200 కోట్లకు పైగా గ్రాస్ వసూల్ చేసి సత్తా చాటింది. మైత్రీ మూవీ మేకర్స్ బ్యానర్ పై తెరకెక్కించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి