పాయల్ రాజ్ పుత్ (Payal rajput) పేరు వింటే చాలు కుర్రకారుకు చెమటలు పడతాయి. వెండితెరపై ఆమె చేసిన పాత్రలు అలాంటివి మరి. చేసింది తక్కువ చిత్రాలే అయినా బోల్డ్ హీరోయిన్ గా భారీ ఇమేజ్ తెచ్చుకుంది.
జయాపజయాలతో సంబంధం లేకుండా పాయల్ కి యూత్ లో మంచి క్రేజ్ ఉంది. ఆమె పర్ఫెక్ట్ కర్వ్డ్ ఫిగర్ కి మిలియన్స్ లో ఫ్యాన్స్ ఉన్నారు. సరైన హిట్ తగలక వెనుకబడిపోయింది కానీ... ఆమె అందానికి టాలీవుడ్ లో స్టార్ గా ఒక ఊపు ఊపాల్సింది. ఇక వచ్చిన అవకాశాలు కాదనకుండా చేసుకుంటూ పోతుంది.
తాజాగా హీరో ఆది సాయి కుమార్ (adi saikumar) తో పాయల్ ఓ మూవీ ప్రకటించారు. ఈ మూవీకి కిరాతక అనే టైటిల్ నిర్ణయించగా, చిత్రీకరణ దశలో ఉంది. ఆది సాయి కుమార్ కూడా పరాజయాలతో ఇబ్బంది పడుతున్నారు. ఇద్దరికీ కిరాతక బ్రేక్ ఇస్తుందేమో చూడాలి.
అలాగే కన్నడలో కూడా అడుగుపెట్టింది పాయల్. ఆమె డెబ్యూ చిత్రం హెడ్ బుష్ షూటింగ్ జరుపుకుంటుంది. ఇక తమిళంలో ఏంజెల్ పేరుతో ఓ కామెడీ హారర్ చిత్రం చేస్తున్నారు. తమిళ భాషలో ఆమెకు ఇదే మొదటి చిత్రం. ఈమధ్యనే ఓ పంజాబీ చిత్రానికి పాయల్ సైన్ చేశారు. ఆ చిత్ర షూటింగ్ మొదలుకాగా, పాయల్ పాల్గొంటున్నారు.
సీరియల్ నటిగా కెరీర్ ప్రారంభించిన పాయల్, స్వశక్తితో వెండితెర హీరోయిన్ గా ఎదిగారు. తెలుగులో ఆర్ ఎక్స్ 100 (Rx 100) మూవీతో ఆమె ఎంట్రీ ఇచ్చారు. ఇక ఆ సినిమా సంచలన విజయం సాధించడంతో పాయల్ ఫేట్ మారిపోతుందని అందరూ అనుకున్నారు.
ఆ సినిమా బ్లాక్ బస్టర్ హిట్ కొట్టినా, పాయల్ చేసింది నెగిటివ్ షేడ్స్ ఉన్న బోల్డ్ రోల్ కావడంతో, ఆ సినిమా విజయం ఆమె కెరీర్ కి ఉపయోగపడలేదు. దానికి తోడు పాయల్ అంటే హాట్, బోల్డ్ రోల్స్ కి మాత్రమే అన్నట్లు ఫిక్స్ అయ్యారు.
దానికి తోడు పాయల్ కి లక్ కూడా అంతగా కలిసి రాలేదు. పాయల్ నటించిన అధిక చిత్రాలు ఢమాల్ అన్నాయి.
కెరీర్ ఎలా ఉన్నా సోషల్ మీడియా ద్వారా కుర్రాళ్ళ మర్చిపోకుండా జాగ్రత్త పడుతుంది.