మరోవైపు గత వారం ఆయన కమ్యూనిటీ గురించి మాట్లాడాడు. నబీల్తో కలిసి మనకు కమ్యూనిటీ ఓట్లు ఉన్నాయంటూ కామెంట్ చేశాడు. బిగ్ బాస్ హౌజ్లో ఇలాంటి చర్చ జరగడం ఇదే ఫస్ట్ టైమ్. దీనిపై ఆడియెన్స్ నుంచి తీవ్ర వ్యతిరేకత వ్యక్తమయ్యింది. బిగ్ బాస్ షోకి రకరకాల వ్యక్తులు వస్తారు. విభిన్న రంగాల నుంచి వస్తారు. అందరు ఇందులో సమానం.
కానీ ఆ విషయాన్ని పక్కన పెట్టి, కనీస నైతికత పాటించకుండా కమ్యూనిటీకి సంబంధించిన చర్చ లేవనెత్తడం పెద్ద మైనస్గా మారింది. ఆయనకు అది పెద్ద ఎఫెక్ట్ అయ్యిందని సమాచారం. ఈ వారం ఆయన్ని ఎలిమినేట్ చేయడంలో ఈ విషయం కూడా కీలక పాత్ర పోషించినట్టు తెలుస్తుంది. పైగా నబీల్కి మాత్రమే గేమ్ లో సలహాలు, ప్లానింగ్ ఇస్తున్నాడు, మిగిలిన వారితో అంత ఫ్రీగా ఉండటం లేదు. ఆడితే టాస్క్ లు లేదంటే, తనకు కంఫర్ట్ ఉన్నవారితోనే ఉంటున్నాడు, పెద్దగా హడావుడి లేదు.
హౌజ్లో ఎప్పుడూ ఏదో రకంగా కంటెంట్ ఇవ్వాలి, లేదంటే ఆడియెన్స్ పట్టించుకోరు, బిగ్ బాస్ అసలే పట్టించుకోరు. ఇప్పటికే రేటింగ్ తక్కువగా వస్తుందని చెప్పి నిర్వాహకులు బాధపడుతున్నారు. దీనికితోడు ఇలా కంటెస్టెంట్లు వ్యవహరిస్తే ఏమాత్రం ఎంకరేజ్ చేయరు. మెహబూబ్ విషయంలో అదే జరిగినట్టు తెలుస్తుంది. అందుకే ఎలిమినేషన్లో ఈ కన్ఫ్యూజ్ క్రియేట్ అయ్యిందని టాక్. మరి ఇందులో నిజమెంతా అనేది తెలియాల్సి ఉంది.
read more: బాలయ్య బాబాయ్తో కాదు, ఆయనతోనే సినిమా చేస్తా.. ఎన్టీఆర్ బోల్డ్ రియాక్షన్