Bigg Boss Telugu 6: లీకైన కంటెస్టెంట్స్ రెమ్యూనరేషన్... హైయెస్ట్ ఎవరు? లోయస్ట్ ఎవరు?

బిగ్ బాస్ కంటెస్టెంట్స్ రెమ్యూనరేషన్స్ లీక్ అయ్యాయి. దీంతో హైయెస్ట్ ఎవరో? లోయస్ట్ ఎవరో? తేలిపోయింది. మరి ఈ సీజన్ కి ఎవరెవరు ఎంత రెమ్యూనరేషన్ తీసుకుంటున్నారో చూద్దాం...   

21 మంది కంటెస్టెంట్స్ తో బిగ్ బాస్ తెలుగు 6 గ్రాండ్ గా ప్రారంభమైంది. గత రెండు సీజన్స్ తో పోల్చుకుంటే ఈసారి హౌస్లోకి తెలిసిన ముఖాలు వెళ్లారు. సింగర్ రేవంత్, అభినయశ్రీ, చలాకీ చంటి, బాల ఆదిత్య, ఫైమా, కీర్తి, సుదీప లాంటి సెలెబ్రిటీలు షోలో భాగమయ్యారు. మరి ఈ కంటెస్టెంట్స్ రెమ్యూనరేషన్స్ ఎంత? ఎవరు హైయెస్ట్? ఎవరు లోయస్ట్ అనే విషయం తెలుసుకోవాలని ప్రేక్షకులు ఆసక్తి కనబరుస్తున్నారు. అందుబాటులో ఉన్న సమాచారం ప్రకారం సీజన్ కి గాను అత్యధికంగా ఓ కంటెస్టెంట్ రోజుకు రూ. 60 వేలు తీసుకుంటుండగా అత్యల్పంగా మరో కంటెస్టెంట్ కేవలం రూ. 15 వేలు తీసుకుంటున్నారట. 

బిగ్ బాస్ సీజన్ 6 ఫస్ట్ కంటెస్టెంట్ గా ఎంట్రీ ఇచ్చిన సీరియల్ నటి కీర్తి భట్ రోజుకు రూ. 35 వేలు తీసుకుంటున్నారట. ఇక నువ్వు నాకు నచ్చావ్ ఫేమ్ సుదీప్ అలియాస్ పింకీ రూ. 25 వేలు ఛార్జ్ చేస్తున్నారట. అనూహ్యంగా యూట్యూబర్, సిరి లవర్ శ్రీహాన్ రోజుకు రూ. 50 వేలు అందుకుంటున్నాడట. 

కాగా పెద్దగా ఫేమ్ లేని యాంకర్ నేహా చౌదరి సైతం బాగానే వసూలు చేస్తున్నారట. ఆమె రోజు వారి రెమ్యూనరేషన్ రూ. 30 వేలు అని సమాచారం.  మోడల్ అండ్ యాక్ట్రెస్ శ్రీసత్య కూడా రోజుకు రూ.30 వేలు తీసుకుంటున్నారట.  కొన్ని సినిమాల్లో నటించిన వైజాగ్ కుర్రాడు అర్జున్ కి రోజుకు రూ.35 వేలు పారితోషికం ఇస్తున్నారట. ప్రస్తుతం ఇతడు సీరియల్స్ లో కూడా నటిస్తున్నాడు. 

టాప్ బుల్లితెర సెలబ్రెటీగా చేతినిండా ఈవెంట్స్, షోస్ తో చలాకీ చంటి బిజీ. జబర్దస్త్ కమెడియన్ గా మంచి సంపాదన కలిగిన చలాకీ చంటి రోజుకు రూ. 50 వేలు తీసుకుంటున్నాడట. మాజీ ఐటెం గర్ల్ అభినయశ్రీ రోజుకు రూ.20 వేల ఒప్పందంపై బిగ్ బాస్ షోకి వచ్చినట్లు సమాచారం. కొన్నాళ్లుగా ఆమె వెండితెరకు దూరమయ్యారు.  సోషల్ మీడియా ఇన్ఫ్లుయెన్సర్ అయిన గీతూ రాయల్ రోజుకు రూ.25 వేల వరకు తీసుకుంటున్నట్లు వినికిడి. 

చైల్డ్ ఆర్టిస్ట్ గా సంచలనాలు చేసిన బాల ఆదిత్య హీరోగా కూడా కొన్ని చిత్రాలు చేశారు. ఈ మధ్య తెరమరుగైన బాల ఆదిత్య రోజుకు రూ.35 వేలు తీసుకుంటున్నారట.ఇక బిగ్ బాస్ కపుల్ మరీనా, రోహిత్ రోజుకు చెరో రూ.40  వేలు తీసుకుంటున్నట్లు సమాచారం అందుతుంది. సీరియల్ నటి వాసంతి కృష్ణన్ రెమ్యూనరేషన్  రోజుకు రూ.25 వేల అట. 

సై ఫేమ్ షానికి రోజుకు రూ.30 వేలు ఆఫర్ చేశారట. వెండితెర అవకాశాలు లేని ఈ నటుడికి ఇది మంచి అవకాశమని చెప్పాలి. అలాగే ఆర్జే సూర్య  రోజుకు రూ.40 వేల వరకు ఛార్జ్ చేస్తున్నాడట. యూట్యూబ్  బిగ్ బాస్ రివ్యూవర్ ఆదిరెడ్డి కూడా బాగానే తీసుకుంటున్నాడట. రోజుకు రూ. 30 వేలు ఆయన రెమ్యూనరేషన్ అని వినికిడి. కంటెస్టెంట్ ఆరోహి రావు అత్యల్పంగా కేవలం రూ.15 వేలు తీసుకుంటున్నారట. ఈ సీజన్ కి ఈమెదే అతి తక్కువ రెమ్యూనరేషన్ అట. 

 కాగా ‘జబర్దస్త్’ కమెడియన్ ఫైమా  రోజుకి రూ.25 వేలు అందుకుంటున్నారట. ఇక సొంత ఇంటి కలతో హౌస్లోకి వచ్చిన ఫైమా ఎంత వరకు సక్సెస్ అవుతుందో చూడాలి. మరో కంటెస్టెంట్ రాజశేఖర్ కు రోజుకు రూ.20 వేల పారితోషికం ఇస్తున్నారట.ఏమాత్రం ఫేమ్ లేని నటి ఇనయ సుల్తానాకి కూడా అతి తక్కువ రెమ్యూనరేషన్ రోజుకి రూ.15 వేలు ఇస్తున్నారట. 

ఇక ఈ సీజన్ కి హైయెస్ట్ రెమ్యూనరేషన్ సింగర్ రేవంత్ తీసుకుంటున్నాడట. ఆయన రోజుకు రూ. 60 వేలు ఛార్జ్ చేస్తున్నారట. ఇతర కంటెస్టెంట్స్ ఎవరూ ఈ స్థాయిలో రెమ్యూనరేషన్ పొందడం లేదు. ఇండియన్ ఐడల్ విన్నర్ అయిన రేవంత్ మంచి ఇమేజ్ కలిగి ఉన్నారు. ఈ కారణంతో నిర్వాహకులు భారీగా ఆఫర్ చేశారు. అందుతున్న సమాచారం ప్రకారం ఇవి బిగ్ బాస్ తెలుగు 6 కంటెస్టెంట్స్ రెమ్యూనరేషన్స్.