శివాజీ బిగ్ బాస్ షో వేదికగా మరోసారి వెలుగులోకి వచ్చాడు. సెకండ్ ఇన్నింగ్స్ స్టార్ట్ చేసిన శివాజీ వరుస ఇంటర్వ్యూలతో బిజీగా ఉన్నారు. తనపై వచ్చిన ఆరోపణలకు తనదైన శైలిలో సమాధానం చెప్పాడు.
బిగ్ బాస్ సీజన్ 7 లో శివాజీ ఒక సంచలనం. ఆయన టైటిల్ ఫేవరేట్ గా ప్రచారం అయ్యాడు. అయితే చివరి వారాల్లో అంచనాలు తారుమారు అయ్యాయి. పల్లవి ప్రశాంత్ తన ఆట తీరుతో రేసులోకి దూసుకు వచ్చాడు. పల్లవి ప్రశాంత్ టైటిల్ గెలిచినందుకు తనకు సంతోషమే అని శివాజీ అన్నాడు.
ఇక నటనకు దూరమైన శివాజీ సెకండ్ ఇన్నింగ్స్ స్టార్ట్ చేసిన విషయం తెలిసిందే. నైంటీస్ టైటిల్ తో ఒక వెబ్ సిరీస్ చేశాడు. కాగా శివాజీ పాలిటిక్స్ లోకి వెళ్లి ప్రత్యర్థి పార్టీల మీద ఆరోపణలు చేశాడు. ఈ క్రమంలో అతని మీద కూడా కొన్ని ఆరోపణలు ఉన్నాయి.
తాజా ఇంటర్వ్యూలో తనపై వచ్చిన అలిగేషన్స్ కి శివాజీ సమాధానం చెప్పాడు. శివాజీ ఎప్పటికీ శివన్నే... ఈ ఆస్తులు, సంపాదన ఎవడికి కావాలీ అన్నాడు. పరిశ్రమకు చొక్కా ప్యాంటు తో వచ్చాను. నాకు ఎలాంటి రిగ్రీట్స్ లేవు అన్నాడు.
పాలిటిక్స్ వెళ్ళాక డబ్బులు సంపాదించారని టాక్ దీనికి మీ సమాధానం ఏంటని ప్రశ్నించగా... నేను ఈ పార్టీ దగ్గర చేయి చాచి అడుక్కోలేదు. అలా నేను డబ్బులు తీసుకున్నానని నిరూపిస్తే చచ్చిపోతాను, అని శివాజీ అన్నాడు. ఈ క్రమంలో ఓ యూట్యూబర్ మీద ఫైర్ అయ్యాడు.
నాకు మరో పెళ్లి అయ్యింది. పాప కూడా ఉందని ఆరోపణలు చేశారు. ఇవన్నీ వ్యూస్ కోసం చేసే పనులు మాత్రమే. నా జీవితం అందరికీ తెలిసిందే అన్నాడు. ఇక టైటిల్ కోల్పోవడం మీద కూడా శివాజీ స్పందించాడు. 12 వారం తర్వాత తనను విలన్ గా చూపించారు. అది మైనస్ అయ్యిందని శివాజీ చెప్పుకొచ్చాడు.
ఇకపై శివాజీ నటుడిగా కొనసాగుతాను అన్నారు. తన శిష్యులైన పల్లవి ప్రశాంత్, యావర్ లతో సినిమా చేస్తానని శివాజీ ప్రకటించిన విషయం తెలిసిందే. అది ఎప్పుడు కార్యరూపం దాల్చుతుందో చూడాలి.