నా కొడుకు చనిపోయాడంటూ గీతూ రాయల్ కన్నీరు మున్నీరు అవుతుంది. ఆమె తీవ్ర నిరాశలో మునిగిపోయింది. తన కొడుకు చావుకు వారే కారణం అంటూ ఆమె ఆవేదన వ్యక్తం చేస్తుంది.
సోషల్ మీడియా స్టార్ హోదాలో బిగ్ బాస్ హౌస్లో అడుగుపెట్టింది గీతూ రాయల్. సీజన్ 6లో ఆమె కంటెస్టెంట్ చేసింది. గీతూ రాయల్ గేమ్ కి బిగ్ బాస్ ఇంప్రెస్ అయ్యాడు. హోస్ట్ నాగార్జున కూడా పొగిడేవాడు. ఒక దశలో గేమ్ గీతూ రాయల్ కేంద్రంగా బిగ్ బాస్ నడిపించాడు. దాంతో గీతూ రాయల్ లో ఓవర్ కాన్ఫిడెన్స్ ఎక్కువైంది. అది గీతూ రాయల్ పై ప్రేక్షకుల్లో వ్యతిరేకతకు కారణమైంది.
ఒకటి రెండు సార్లు హోస్ట్ నాగార్జున హెచ్చరించినా గీతూ రాయల్ తీరు మార్చుకోలేదు. దాంతో 9వ వారం గీతూ రాయల్ ఎలిమినేట్ అయ్యింది. అది ఆమె ఊహించని పరిణామం. టైటిల్ కొట్టాలని గట్టిగా ఫిక్స్ అయిన గీతూ రాయల్ తన ఎలిమినేషన్ ని తట్టుకోలేకపోయింది. నన్ను పంపకండి అంటూ హోస్ట్ నాగార్జునను వేడుకుంది. రూల్ అంటే రూలే అని నాగార్జున ఎలిమినేట్ చేశాడు.
బయటకు వచ్చాక కూడా గీతూ రాయల్ ఏడుస్తూనే ఉంది. పీఆర్ ని పెట్టుకోమని కొందరు సలహా ఇచ్చారు. నేను పీఆర్ లేకుండా వెళ్లి తప్పు చేశానని వేదన చెందింది. అలాగే కొందరు సపోర్ట్ చేయలేదని బాధపడింది. కాగా సీజన్ 7కి గీతూ రాయల్ బిగ్ బాస్ బజ్ హోస్ట్ గా వ్యవహరించడం విశేషం. ఎలిమినేటైన కంటెస్టెంట్స్ ని తనదైన శైలిలో ఇంటర్వ్యూ చేసింది.
కాగా గీతూ రాయల్ లేటెస్ట్ సోషల్ మీడియా పోస్ట్ కన్నీరు పెట్టిస్తుంది. ఆమె తన కొడుకును కోల్పోయింది. ఇంతకీ ఎవరా కొడుకు అంటే పెట్ క్యాట్. చాలా కాలంగా గీతూ రాయల్ ఓ పెట్ క్యాట్ కలిగి ఉంది. దాని పేరు ఓరియో. బిగ్ బాస్ హౌస్లో కూడా గీతూ రాయల్ ఓరియో ని తలచుకుని ఎమోషనల్ అయ్యేది. కుటుంబ సబ్యులకు మించి ఓరియోకి ఆమె ప్రాధాన్యత ఇచ్చేది.
అనుకోకుండా ఓరియో మరణించింది. ఓరియో మరణంతో గీతూ రాయల్ తీవ్ర వేదనకు గురైంది. ఓరియో తనకు కొడుకు కంటే ఎక్కువట. తన కొడుకు మరణానికి సెక్యూరిటీ గార్డ్స్ నిర్లక్ష్యమే కారణం అని గీతూ రాయల్ ఆరోపిస్తుంది. తమ కమ్యూనిటీలోకి వీధి కుక్కలు వచ్చి.. ఓరియో మీద దాడి చేసి చంపేశాయి అని గీతూ రాయల్ సోషల్ మీడియా సందేశంలో చెప్పుకొచ్చింది.
ఓరియోకి గీతూ రాయల్ అంత్యక్రియలు జరిపింది. స్నానం చేయించి, పొలంలో ఖననం చేసింది. వీడియోలో గీతూ రాయల్ గుండెలు పగిలేలా ఏడుస్తుంది. కాగా కొన్నేళ్ల క్రితం గీతూ రాయల్ వికాస్ అనే వ్యక్తిని వివాహం చేసుకుంది. వీరికి చిన్నప్పటి నుండి పరిచయం ఉందట. గీతూ రాయల్ దంపతులకు ప్రస్తుతానికి పిల్లలు లేరు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి