ఓ ఇంటివాడు కాబోతున్నాడు బ్రహ్మముడి సీరియల్ ఫేమ్.. బిగ్ బాస్ మాజీ కంటెస్టెంట్ మానస్. బుల్లితెరపై స్టార్ గా వెలుగుతున్న మానస్ హాల్దీ వేడుకలు అట్ట హాసంగా జరిగాయి.
టాలీవుడ్ నటుడు.. బుల్లితెర స్టార్ .. బిగ్ బాస్ మాజీ కంటెస్టెంట్... బ్రహ్మముడి సీరియల్ ఫేమ్ మానస్ నాగుల పల్లి తన బ్యాచిలర్‌ లైఫ్‌కు బై బై చెప్పనున్నాడు. ఈరోజు అనగా బుధవారం (నవంబర్‌ 22) రాత్రి శ్రీజ మెడలో మూడు ముళ్లు వేయనున్నాడు. ఒక రోజు ముందు నుంచే.. మానస్ ఇంటి పెళ్లి సందడి మొదలయ్యింది. అయితే విజయవాడ వేదికగా వీరి వివాహం ఘనంగా జరగబోతోంది.
ఈపెళ్ళికి కావల్సి ఏర్పాట్లు ఇప్పటికే పూర్తి అయ్యాయి. పెళ్లిలో మానస్ ఫ్యామిలీతో పాటు.. బుల్లితెర తారలు, బిగ్ బాస్ లో మానస్ తో పాటు పాల్గోన్న కంటెస్టెంట్స్ అంతా పాల్గొనబోతున్నట్టు తెలుస్తోంది. కాగా మానస్ ప్రి వెడ్డింగ్ వేడుకలు ఘనంగా జరిగాయి. అందులో భాగంగా.. మానస్-శ్రీజ హల్డీ ఆవెంట్ ను బాగా ఎంజాయ్ చేశారు.
హాల్దీ వేడుకల్లో భాగంగా దంపతులు ఇద్దురు ఒకరి మీద ఒకరు పసుపు నీళ్లు గుమ్మరించుకున్నారు.వచ్చిన బంధువులు కూడా ఇద్దరికి పసుపు రాయగా..ఆతరువాత ఇద్దరూ కలిసి సంతోషంగా స్టెప్పులేశారు. ఈ వేడుకల్లో బిగ్ బాస్ కంఎటస్టెంట్స్‌ ప్రియా ఆర్జే కాజల్‌, శుభ శ్రీ రాయగురు, హమీదా, టేస్టీ తేజాతో పలువురు సినీ ప్రముఖులు హాజరయ్యారు. ఇక ప్రస్తుతం మానస్- శ్రీజల హల్డీ వేడుకల ఫోటోలు,చ వీడియోలు సోషల్ మీడియాలో వైరల్ అవుతున్నాయి.
కాబోయే దంపతులకు.. మానస్ ఫ్యాన్స్ తో పాటు.. పలువురు బుల్లితెర తారలు.. అభిమానులు, నెటిజన్లు ముందుగానే శుభాకాంక్షలు తెలుపుతున్నారు. మానస్ ప్రస్తుతం బుల్లితెరపై బిజీగా ఉన్నాడు. అటు బ్రహ్మముడి సీరియల్ లో హీరోగా నటిస్తూనే.. కొన్ని ఈవెంట్లకు యాంకరింగ్ కూడా చేశాడు. పండగ ఈవెంట్లతో పాటు.. యాంకర్ విష్ణు ప్రియతో కలిసి ప్రైవేట్ ఆల్బామ్స్ కూడా చేస్తున్నాడు.
ఇక చైల్డ్‌ ఆర్టిస్ట్‌గా పలు సినిమాల్లో నటించాడు మానస్. సోడా గాలిసోడా, ప్రేమికుడు, గ్యాంగ్‌ ఆఫ్‌ గబ్బర్‌ సింగ్, కాయ్‌ రాజా కాయ్‌ వంటి సినిమాల్లో స్పెషల్ క్యారెక్టర్స్ లో సందడి చేశాడు. బిగ్‌బాస్‌ తెలుగు సీజన్ 5 లో పాల్గొని బాగా పాపులర్‌ అయ్యాడు. అయితే ఈ సీజన్ లో ట్రాన్స్ జెండర్ ప్రియాంకా సింగ్ మానస్ పై చూపిన ప్రేమ.. అప్పట్లో హాట్ టాపిక్ అయ్యింది.
ఇక ప్రస్తుతం బ్రహ్మముడి సీరియల్‌తో బుల్లితెర ప్రేక్షకులకు ఫేవరెట్‌ నటుడిగా మారిపోయాడు. ఇందులో రాజ్ పాత్రలో అతని నటన అందరినీ ఆకట్టుకుంటోంది. ఇక మానస్- శ్రీజలు ఈ ఏడాది సెప్టెంబర్‌లో నిశ్చితార్థం చేసుకున్నారు. ఇరు కుటుంబ సభ్యుల సమక్షంలో ఉంగరాలు మార్చుకున్నారు.