చాలా సాదాసీదాగా కనిపించే గంగవ్వ కూడబెట్టిన ఆస్తులు చిట్టా తెలిస్తే నివ్వెర పోతారు. తనకు మొత్తంగా ఎన్ని కోట్ల ఆస్తి ఉందో స్వయంగా చెప్పి షాక్ ఇచ్చింది గంగవ్వ.
మై విలేజ్ షో యూట్యూబ్ ఛానల్ ద్వారా వెలుగులోకి వచ్చింది గంగవ్వ. ఈమెది తెలంగాణ రాష్ట్రంలోని లంబాడిపల్లి అనే కుగ్రామం. గంగవ్వలోని ప్రత్యేకతలు గుర్తించిన స్థానిక యువకులు, వీడియోలు చేసి యూట్యూబ్ లో పోస్ట్ చేశారు. గంగవ్వ వీడియోలకు విశేష ఆదరణ దక్కింది. అలా సోషల్ మీడియా స్టార్ గా ఎదిగింది.
గంగవ్వ అనూహ్యంగా బిగ్ బాస్ సీజన్ 4లో కంటెస్ట్ చేసే ఛాన్స్ దక్కించుకుంది. దాంతో ఆమె పాపులారిటీ మరింత పెరిగింది. మంచి ఇల్లు నిర్మించుకోవాలి అనేది గంగవ్వ కల. దానికి అవసరమైన డబ్బుల కోసమే బిగ్ బాస్ షోకి వచ్చానని గంగవ్వ వెల్లడించింది. స్వచ్ఛమైన పల్లెటూరు వాతావరణంలో పుట్టి పెరిగిన గంగవ్వకు బిగ్ బాస్ హౌస్ సరిపడలేదు.
ఎలాగైనా చివరి వరకు హౌస్లో ఉండాలని ఆమె ప్రయత్నం చేసింది. వయసు రీత్యా అనారోగ్య సమస్యలు తలెత్తాయి. ఇల్లు, పిల్లలు గుర్తుకొచ్చి దిగులు చెందింది. దాంతో 5వ వారం ఎలిమినేట్ కాకుండానే గంగవ్వ బిగ్ బాస్ హౌస్ నుండి బయటకు వచ్చేసింది. అయితే ఇంటి నిర్మాణానికి డబ్బులు సమకూర్చుతామని నాగార్జున హామీ ఇచ్చారు. చెప్పినట్లే గంగవ్వకు కొంత ఆర్థిక సహాయం చేశారు.
రూ. 22 లక్షల ఖర్చుతో గంగవ్వ ఇల్లు నిర్మించుకుంది. అలాగే గంగవ్వ కొన్ని ఆవుల్ని కొని ఒక షెడ్ నిర్మించిందట. అందుకు రూ. 3 లక్షలు ఖర్చు అయ్యాయట. నాలుగు కుంటలు పొలం కొనగా, దాని ప్రస్తుత మార్కెట్ విలువ రూ. 9 లక్షలు అట. అలాగే రెండున్నర ఎకరాల పొలం ఉందట. దాని విలువ రూ. 75 నుండి 80 లక్షలు ఉంటుందట.
ఒక కమర్షియల్ ఫ్లాట్ కొనగా, దాని విలువ రూ. 3 లక్షలు అట. అలాగే రూ. 7-8 లక్షల విలువ చేసే 15 కుంటల పొలం ఉందట. మొత్తంగా తన ఆస్తుల విలువ రూ. 1.24 కోట్లు అట. గంగవ్వకు ఇద్దరు కూతుళ్లు ఉన్నారట. చెరో రూ. 2 లక్షల రూపాయలు ఇచ్చిందట. ఒక మనవరాలికి రూ. 2.5 లక్షలు ఇచ్చిందట.
గంగవ్వకు ఒక కల ఉందట. 50 ఆవుల ఒక ఫార్మ్ ఏర్పాటు చేసి, పాలు అమ్ముకుంటూ జీవించాలనేది చిరకాల వాంఛ అట. ఎప్పటికైనా అది చేస్తానని గంగవ్వ అంటున్నారు.
బిగ్ బాస్ తెలుగు సీజన్ 8 అప్ డేట్స్ కోేసం ఇక్కడ క్లిక్ చేయండి.
సోషల్ మీడియాలో స్టార్ గా ఎదిగాక గంగవ్వ ఈ మొత్తం ఆస్తులు సంపాదించినట్లు సమాచారం. గంగవ్వ అరడజనుకు పైగా సినిమాల్లో నటించింది. చింతకింది మల్లేశం జీవితం ఆధారంగా తెరకెక్కిన మల్లేశం మూవీలో ఓ పాత్ర చేసింది. ఇస్మార్ట్ శంకర్, ఎస్ ఆర్ కళ్యాణమండపం, రాజ రాజ చోర, లవ్ స్టోరీ, గాడ్ ఫాదర్ చిత్రాల్లో గంగవ్వ నటించిన సంగతి తెలిసిందే.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి