బిగ్ బాస్ 5: బోల్డ్ బ్యూటీ సరయు ఎంట్రీ.. రాంచరణ్ మీసం అంటే పిచ్చి, వార్నింగ్ ఇచ్చిన నాగ్

కింగ్ నాగార్జున హోస్ట్ గా వ్యవహరిస్తున్న బిగ్ బాస్ సీజన్ 5 తెలుగు షో గ్రాండ్ గా లాంచ్ అవుతోంది. కంటెస్టెంట్స్ ఒక్కొక్కరుగా హౌస్ లోకి ఎంట్రీ ఇస్తున్నారు. దీనితో బిగ్ బాస్ హౌస్ కి నిండుదనం వస్తోంది. తాజాగా హౌస్ లోకి యూట్యూబ్ స్టార్, బోల్డ్ బ్యూటీ సరయు ఎంట్రీ ఇచ్చింది. 

యూట్యూబ్ లో సరయు ఎంత ఫేమస్సో కుర్రాళ్ళకి బాగా తెలుసు. ఎన్ని విమర్శలు ఉన్నప్పటికీ యూట్యూబ్ లో బోల్డ్ డైలాగ్స్ తో కొత్త ట్రెండ్ కు తెరతీసింది సరయు. షార్ట్ ఫిలిమ్స్, స్కిట్స్ ని బోల్డ్ డైలాగులతో చేస్తూ వైరల్ సృష్టిస్తోంది ఈ భామ. 

అందుకే ఈమె ఏవీని కూడా బాగ్ బాస్ లో బోల్డ్ గా వేసారు. ఎవరికోసమో తాను తన యాటిట్యూడ్ ని వదులుకోనని ఏవీలో చెప్పుకొచ్చింది సరయు. ఎలాంటి విషయానికి తాను తలొగ్గనని తేల్చేసింది. 

సరయు గురించి మరో ఆసక్తికర అంశం ఏంటంటే ఆమె మెగా పవర్ స్టార్ రాంచరణ్ కు బిగ్ ఫ్యాన్. ఎవరైనా అబ్బాయి అంటే ఎలా ఉండాలి అంటే తాను రాంచరణ్ పేరు చెబుతా అని సరయు తెలిపింది. మీసం రాంచరణ్ కి ఉన్నట్లు ఇంకెవరికీ ఉండదు. ఫిజిక్ ని కూడా అద్భుతంగా చరణ్ మైంటైన్ చేస్తాడు అని చెప్పింది. 

స్టేజిపైకి ఎంట్రీ ఇచ్చాక నాగార్జునతో కూడా సరయు సరదాగా బోల్డ్ గా మాట్లాడింది. చిన్నప్పటి నుంచి ఆమెకు ఓ కోరిక ఉండేదట. చిన్నప్పుడు తన తల్లి ఇది అన్నపూర్ణ స్టూడియోస్. ఏఎన్నార్ గారిది అని చూపించిందంట. ఎలాగైనా లోపలికి వెళ్లాలని అడిగిందట. అది స్టార్స్ మాత్రమే వెళ్లే చోటు అని వాళ్ళ అమ్మ చెప్పిందట. 

దీనితో ఎప్పటికైనా అన్నపూర్ణ స్టూడియోస్ లోపలికి వెళ్లాలని గట్టిగా అనుకున్నా. ఈరోజు మీ ముందు ఉన్నా అని సరయు నాగ్ తో చెప్పింది. ఇక నాగ్ మాట్లాడుతూ నువ్వు బాగా బోల్డ్ అట కదా. ఇప్పుడే ఏవీ చూశా. ఇక్కడ బిగ్ బాస్ చాలా స్ట్రిక్ట్ అంటూ స్వీట్ వార్నింగ్ ఇచ్చాడు. సరయుని హౌస్ లోకి పంపించాడు.