హౌస్ లోకి  జబర్దస్ ప్రియాంక, షణ్ముఖ్... తెలుగు రాదంటూ దొరికిపోయిన షణ్ముఖ్, ఏకిపారేస్తున్న నెటిజెన్స్

బిగ్ బాస్ హౌస్లోకి మొత్తం 10మంది కంటెస్టెంట్స్ ఎంట్రీ ఇచ్చారు. దాదాపు ఇప్పటి వరకు ప్రచారం జరిగిన పేర్లు కంటెస్టెంట్స్ గా వేదికపైకి రావడం జరిగింది. నటి ప్రియ, షణ్ముఖ్, అని మాస్టర్, సన్నీ, లోబో, సిరి, శ్రీరామ్ చంద్ర ఇలా మొత్తం, గతంలో ప్రచారమైన పేర్లే.   

తొమ్మిదవ కంటెస్టెంట్ గా జబర్దస్త్ ఫేమ్ ప్రియాంక ఎంట్రీ ఇచ్చారు. ట్రాన్స్ జెండర్ అయిన ప్రియాంక వేదిక సాక్షిగా కొన్ని ఆసక్తికర వ్యాఖ్యలు చేశారు. అబ్బాయి నుండి అమ్మాయిగా మారడం తాను తీసుకున్న కఠిన నిర్ణయంగా ఆమె అభివర్ణించారు. పెళ్లి సంబంధాలు చూస్తున్నారని తెలిసి, ఇంటి నుండి బయటికి వచ్చేసి ఆపరేషన్ చేయించుకున్నట్లు వెల్లడించారు. గుడ్డివాడైన తండ్రికి బిగ్ బాస్ వేదిక సాక్షిగా ఎటువంటి, చెడ్డపేరు తీసుకురానని హామీ ఇచ్చారు. 

కాగా 10వ కంటెస్టెంట్ గా యూట్యూబ్ స్టార్ షణ్ముఖ్ జస్వంత్ బిగ్ బాస్ వేదికపైకి వచ్చారు. ఇక తన యూట్యూబ్ కెరీర్ గురించి నాగార్జున అడిగారు. మొదట్లో కవర్ సాంగ్స్ చేశానని, తరువాత వెబ్ సిరీస్లు చేయడం జరిగింది. అవి బాగా వైరల్ కావడంతో ఇలా నేడు మీ ముందుకు వచ్చే అవకాశం ఇచ్చిందని షణ్ముఖ్ తెలిపారు. 

బిగ్ బాస్ హౌస్లోకి వెళ్లడం ద్వారా తాను చేసిన తప్పును సరిద్దిదుకోవాలని అనుకుంటున్నానని తెలిపారు. కొద్ది నెలల క్రితం జరిగిన ఓ సంఘటన నన్ను మానసికంగా వేధిస్తుంది, దాని బయటకు నుండి రావాలని, నన్ను నేను నిరూపించుకోవాలని అనుకుంటున్నాని షణ్ముఖ్ తెలిపారు. 

ప్రేక్షకులను ఎంటర్టైన్ చేయడానికి శాయశక్తుల ప్రయత్నిస్తానని షణ్ముఖ్ తెలిపారు. కాగా షణ్ముఖ్ తో హౌస్ లో మొత్తం 10మంది ఎంట్రీ ఇచ్చినట్లు అయ్యింది. చివరిగా వెళ్లిన ఐదుగురు కంటెస్టెంట్స్ ప్రియా, ప్రియాంక, షణ్ముఖ్, లోబో, జెస్సి మధ్య పకడో పకడో.. టాస్క్ నిర్వహిచారు నాగార్జున. ఈ టాస్క్ నిబంధలకు సంబంధించిన పేపర్ చదవమని షణ్ముఖ్ ని నాగార్జున కోరారు. అయితే ఆ రూల్స్ తెలుగులో ఉండడంతో, నాకు తెలుగు చదవడం రాదని షణ్ముఖ్ ఒప్పుకున్నారు.

తెలుగు చదవడం రాదన్న షణ్ముఖ్ పై నెటిజెన్స్ అప్పుడే ట్రోల్ల్స్ మొదలుపెట్టారు నెటిజెన్స్. తెలుగు వాడివి అయ్యుండి, తెలుగు చదవడం రాదా నీకు అంటూ గట్టిగా వాయిస్తున్నారు. అయితే హౌస్లోకి వెళ్ళిపోయిన షణ్ముఖ్ కి ఈ ట్రోలింగ్ తెలుగుకునే అవకాశం లేదు.