పవర్ స్టార్ పవన్ కళ్యాణ్ తో చివరి సినిమా చేసి.. రిటైర్మెంట్ ప్రకటిస్తానంటున్నాడు ఓ బడా ప్రొడ్యూసర్. మెగా హీరోకి వీర విధేయుడైన నిర్మాత ఎవరో తెలుసా? ఎందుకు సినిమాలు వదిలేయబోతున్నాడు.
పవర్ స్టార్ పవన్ కళ్యాణ్ క్రేజ్ గురించి ప్రత్యేకంగా చెప్పనక్కర్లేదు. ఆయనకు తెలుగులో ఏ హీరోకు లేనంత మంది అభిమానులు ఉన్నారు. పవర్ స్టార్ అభిమానుల్లో సామాన్యుల తో పాటు సెలబ్రిటీలు కూడా ఉన్నారు. స్టార్ హీరోలు, ప్రొడ్యూసర్లు, డైరక్టర్లలో కూడా పవన్ అభిమానులు ఉన్నారు. వారిలో పవన్ వీరాభిమాని, నటుడు, స్టార్ ప్రొడ్యూసర్ బండ్ల గణేష్ గురించి ప్రత్యేకంగా చెప్పనక్కర్లేదు. ఆయన పవన్ అంటే ఎంత ప్రేమిస్తాడో అందరికి తెలుసు.
25
పవన్ కళ్యాణ్ వీరాభిమాని..
పవన్ కళ్యాణ్ తో కొన్ని సినిమాలు నిర్మించాడు బండ్ల గణేష్. వీరిద్దిరి కాంబోకే భారీ క్రేజ్ ఉంది. అయితే ఈ మధ్య కాలంలో బండ్లగణేష్ పవన్ కళ్యాణ్ కలిసిన సందర్భాలు లేవు. చాలా కాలం తరువాత రీసెంట్ గా ఈ ఇద్దరు స్టార్లు ఒకే స్టేజ్ పై కనిపించడం అభిమానుల్లో భారీగా ఆసక్తిని, ఉత్సాహాన్ని కలిగించింది. ముఖ్యంగా ఈ వేడుకలో పవన్ కళ్యాణ్, బండ్ల గణేష్ ఒకరినొకరు ఆత్మీయంగా ఆలింగనం చేసుకున్న దృశ్యాలు సోషల్ మీడియాలో విపరీతంగా వైరల్ అయ్యాయి.
35
పవన్ తనకు దేవుడన్న బండ్ల గణేష్..
పవన్ కళ్యాణ్పై బండ్ల గణేష్కు ఉన్న అభిమానాన్ని ప్రత్యేకంగా చెప్పాల్సిన అవసరం లేదు. గతంలో ఎన్నో సందర్భాల్లో ఆయన పవన్ను తన దేవుడిగా అభివర్ణించారు. ఈ ఈవెంట్ తరువాత కూడా బండ్ల.. సోషల్ మీడియాలో ఎమోషనల్ పోస్టు పెట్టడం అభిమానులను ఆకట్టుకుంది. అయితే రీసెంట్ గా జరిగిన ఓ ఇంటర్వ్యూలో బండ్ల చేసిన కామెంట్స్ వైరల్ అవుతున్నాయి. బండ్ల గణేష్ పవన్ కళ్యాణ్తో తనకున్న అనుబంధంపై ఆసక్తికర వ్యాఖ్యలు చేశారు. గతంలో వీరిద్దరి కాంబినేషన్లో వచ్చిన గబ్బర్ సింగ్ సినిమా టాలీవుడ్లో సంచలన విజయాన్ని సాధించింది.
ఈ సినిమా బాక్సాఫీస్ వద్ద భారీ వసూళ్లు సాధించడంతో పాటు పవన్ కళ్యాణ్ కెరీర్లో మైలురాయిగా నిలిచింది. ఈ సందర్భంగా మాట్లాడిన బండ్ల గణేష్, మరోసారి పవన్ కళ్యాణ్తో సినిమా నిర్మించడం తన జీవిత లక్ష్యమని వెల్లడించారు. త్వరలోనే తన పరమేశ్వర ఆర్ట్స్ బ్యానర్పై పవన్ కళ్యాణ్ హీరోగా ఒక భారీ సినిమాను నిర్మించనున్నట్లు తెలిపారు. అంతే కాదు పవన్ కళ్యాణ్తో సినిమా పూర్తయిన తర్వాత తన నిర్మాణ సంస్థ పరమేశ్వర ఆర్ట్స్ను శాశ్వతంగా మూసివేస్తానని బండ్ల గణేష్ వెల్లడించారు.
55
బ్యానర్ ను క్లోజ్ చేయబోతున్న నిర్మాత..
నిర్మాతగా తన కెరీర్లో అత్యున్నత విజయాన్ని పవన్ కళ్యాణ్ సినిమాతోనే అందుకున్నానని, మళ్లీ అదే హీరోతో మరో విజయాన్ని సాధించి తన ప్రయాణానికి గ్రాండ్ ఎండింగ్ ఇవ్వాలనుకుంటున్నట్లు చెప్పారు. ప్రస్తుతం బండ్ల గణేష్ చేసిన ఈ కామెంట్స్ సోషల్ మీడియాలో వైరల్ అవుతున్నాయి. పవన్ కళ్యాణ్ అభిమానులు కూడా ఈ వార్తపై భారీగా స్పందిస్తున్నారు. రకరకాల కామెంట్లు చేస్తున్నారు.
