Peddi: మెగా పవర్ స్టార్ రామ్ చరణ్ నటిస్తున్న 'పెద్ది' సినిమాలో శివరాజ్కుమార్ ఓ కీలక పాత్ర పోషిస్తున్నారు. ఈ సినిమాలోని నటనకు చరణ్కు కచ్చితంగా నేషనల్ అవార్డ్ వస్తుందని కన్నడ స్టార్ జోస్యం చెప్పారు.
రామ్ చరణ్ నటిస్తున్న పాన్-ఇండియా సినిమా 'పెద్ది' 2026 జూన్ 4న ప్రపంచవ్యాప్తంగా రిలీజ్ కానుంది. ఈ సినిమా కన్నడ, తమిళ, మలయాళం వెర్షన్లను కేరళ, తమిళనాడులో థింక్ స్టూడియోస్ సంస్థ పంపిణీ చేస్తోంది. నేషనల్ అవార్డ్ విన్నింగ్ డైరెక్టర్ బుచ్చి బాబు సానా ఈ చిత్రానికి దర్శకత్వం వహిస్తున్నారు. వృద్ధి సినిమాస్ బ్యానర్పై వెంకట సతీష్ కిలారు నిర్మిస్తుండగా, మైత్రీ మూవీ మేకర్స్, సుకుమార్ రైటింగ్స్ సమర్పిస్తున్నాయి. ఈ సినిమాలో కీలక పాత్ర పోషిస్తున్న శివరాజ్కుమార్, 'పెద్ది' నటనకు చరణ్కు నేషనల్ అవార్డ్ పక్కా అని అన్నారు. అంత బాగా రామ్ చరణ్ నటించాడని, రేపు థియేటర్లో ఆయన నటనకు జనాలు ఫిదా అయిపోతారని తెలిపారు.
26
రామ్ చరణ్ నటన అద్భుతం
ఇటీవల మీడియాతో మాట్లాడుతూ శివన్న ఈ అభిప్రాయాన్ని పంచుకున్నారు. "'పెద్ది' కథ అద్భుతంగా ఉంది, నా పాత్ర కూడా అంతే సస్పెన్స్తో ఉంటుంది. ఇంత మంచి సినిమాలో భాగమైనందుకు నాకు చాలా సంతోషంగా ఉంది" అని ఆయన చెప్పారు. "ఈ సినిమాకు రామ్ చరణ్కు నేషనల్ అవార్డ్ వస్తుందని నాకు నమ్మకం ఉంది. అతని బాడీ ట్రాన్స్ఫార్మేషన్, నటన అమోఘం. ఈ పాత్ర కోసం దాదాపు రెండేళ్లు పూర్తిగా అంకితమైపోయాడు. పాత్రలో లీనమైపోయి, చాలా నిజాయితీగా నటించాడు" అని శివన్న మెచ్చుకున్నారు.
36
పెద్ది, గౌర నాయుడు పాత్రలపై శివరాజ్ కుమార్
ఈ చిత్రంలో తాను పోషిస్తున్న 'గౌర నాయుడు' పాత్ర గురించి శివరాజ్కుమార్ మాట్లాడారు. "ఈ పాత్రకు ఒక స్పష్టమైన లక్ష్యం, బలమైన ప్రేరణ ఉన్నాయి. డైరెక్టర్ బుచ్చి బాబు ఈ పాత్రను చాలా అందంగా తీర్చిదిద్దారు. ఇది ఒక కోచ్ పాత్రను పోలి ఉంటుంది. 'పెద్ది' ప్రయాణం అసాధారణమైనది. అతని జీవితంలోకి చాలా పాత్రలు వస్తుంటాయి, పోతుంటాయి. పెద్ది, గౌర నాయుడు మధ్య సంబంధం చాలా ఆసక్తికరంగా ఉంటుంది. వారి మధ్య ప్రేమ, వాత్సల్యం, భావోద్వేగ బంధం ప్రేక్షకులను కట్టిపడేస్తుంది" అని వివరించారు.
"రామ్ చరణ్, డైరెక్టర్ బుచ్చి బాబు సానాతో సహా మొత్తం టీమ్ నన్ను చాలా ప్రేమగా, గౌరవంగా చూసుకున్నారు. మేమంతా ఒక కుటుంబంలా పనిచేశాం. ఈ సపోర్టివ్ వాతావరణం నేను బాగా నటించడానికి సహాయపడింది. బుచ్చి బాబు ఈ సినిమాను అద్భుతంగా తీర్చిదిద్దారు. ఆయన సినిమా మేకింగ్ స్టైల్, ఎగ్జిక్యూషన్ అద్భుతం. కథకు ఏం కావాలో దాన్ని కరెక్ట్గా తెరకెక్కించారు. ఆయన కథ చెప్పే విధానం అసాధారణం" అని శివన్న అన్నారు.
56
పెద్ది క్లైమాక్స్ సర్ప్రైజింగ్
జగపతి బాబుతో సహా సినిమాలోని అన్ని పాత్రలను అందంగా అల్లారని శివన్న చెప్పారు. రత్నవేలు కెమెరా వర్క్ అద్భుతంగా ఉందని ప్రశంసించారు. "సినిమాలో చాలా క్రీడలు ఉన్నాయి, ప్రతిదీ కథతో ముడిపడి ఉంటుంది. క్లైమాక్స్ చాలా సర్ప్రైజింగ్గా ఉంటుంది. ఆ అనుభూతిని పొందాలంటే థియేటర్లోనే సినిమా చూడాలి" అన్నారు. నిర్మాత సతీష్ గురించి మాట్లాడుతూ, "ఆయన చాలా ఉత్సాహవంతుడైన నిర్మాత. మంచి నిర్మాణ విలువలతో ఈ ప్రాజెక్ట్ను చేపట్టారు" అని కొనియాడారు. ఈ చిత్రంతో పాటు తాను 'గుమ్మడి నరసయ్య', 'జైలర్ 2' చిత్రాల్లో పనిచేస్తున్నానని, మంచి కథలు వస్తే మరిన్ని తెలుగు సినిమాలు చేస్తానని తెలిపారు.
66
స్పోర్ట్స్ యాక్షన్ డ్రామాగా పెద్ది మూవీ
భారీ కాన్వాస్పై నిర్మిస్తున్న ఈ చిత్రంలో యాక్షన్, డ్రామా, రొమాన్స్, థ్రిల్ అన్నీ సమపాళ్లలో ఉన్నాయి. క్రికెట్, కుస్తీ, రన్నింగ్ వంటి క్రీడలు కథలో కీలక పాత్ర పోషిస్తాయి. అభిమానులను ఉర్రూతలూగించే యాక్షన్ సన్నివేశాలు సినిమాకు హైలైట్గా నిలుస్తాయి. ఈ చిత్రంలో బాలీవుడ్ నటి జాన్వీ కపూర్ హీరోయిన్గా నటిస్తోంది. బాలీవుడ్ నటుడు దివ్యేందు శర్మ, జగపతి బాబు, బోమన్ ఇరానీ ఇతర ముఖ్య పాత్రల్లో ఉన్నారు. ఈ సినిమా తెలుగు, తమిళం, కన్నడ, మలయాళం, హిందీ భాషల్లో ఒకేసారి విడుదల కానుంది.
