పెళ్లిళ్లలో డబ్బులకు డాన్స్ చేశా... బేబీ హీరోయిన్ వైష్ణవి జీవితంలో ఇన్ని బాధలు పడిందా!

బేబీ ఫేమ్ వైష్ణవి చైతన్య జీవితంలో ఎదురైన ఇబ్బందులను తలచుకుని ఆవేదన చెందారు. కుటుంబ పోషణ కోసం ఈవెంట్స్ లో డాన్సు చేశానని ఆమె చెప్పుకొచ్చారు.   

Vaishnavi Chaitanya

బేబీ మూవీతో వైష్ణవి చైతన్య ఓవర్ నైట్ స్టార్ అయ్యింది. ఈ ట్రైయాంగిల్ లవ్ స్టోరీ యువతకు గొప్పగా నచ్చేసింది. దర్శకుడు సాయి రాజేష్ తెరకెక్కించగా ఆనంద్ దేవరకొండ హీరోగా నటించాడు. విరాజ్ మరో కీలక రోల్ చేశాడు. రూ. 80 కోట్లకు పైగా వసూళ్లతో బేబీ ట్రేడ్ వర్గాలను విస్మయానికి గురిచేసింది. ఈ ఏడాది అత్యధిక లాభాలు పంచిన చిత్రాల జాబితాలో బేబీ నిలిచింది. 

Vaishnavi Chaitanya

బేబీ సక్సెస్ లో అధిక భాగం వైష్ణవి చైతన్యకు దక్కింది. ఓ తెలుగు నటి బోల్డ్ రోల్ చేయడంతో విశేషంగా చెప్పుకున్నారు. హీరోయిన్ కావాలన్న వైష్ణవి కల నెరవేరడంతో పాటు బ్లాక్ బస్టర్ దక్కింది. చిరంజీవి, అల్లు అర్జున్ వంటి ప్రముఖులు ఆమెను పొగడ్తలతో ముంచెత్తారు. 

ఇదిలా ఉంటే వైష్ణవి చైతన్య కెరీర్లో ఎదుర్కొన్న కష్టనష్టాలు గుర్తు చేసుకున్నారు. ఓ ఇంటర్వ్యూలో బాల్యం నుండి ఎదుర్కొన్న ఇబ్బందులను తెలియజేశారు. పదో తరగతి చదివే రోజుల్లోనే కుటుంబ బాధ్యత తీసుకున్నాను. నాకు తెలిసింది డాన్స్ ఒక్కటే. పెళ్లిళ్లు, బర్త్ డే ఫంక్షన్స్ లో డాన్స్ చేసేదాన్ని. అందుకు నాకు రూ. 700 ఇచ్చేవారు. 

డాన్స్ చేయగా వచ్చిన డబ్బులు కుటుంబ అవసరాలకు వాడేదాన్ని. ఒకరోజు వాష్ రూమ్ లో డ్రెస్ ఛేంజ్ చేసుకోవాల్సి వచ్చింది. చిన్న నటులకు కారవాన్ ఇవ్వరు. బాత్ రూమ్ లో బట్టలు మార్చుకోవడంతో మా అమ్మ చాలా బాధపడింది. మనకు ఈ నటన వద్దు వదిలేయ్ అని చెప్పింది. అప్పుడు నాలో ఇంకా కసి పెరిగింది. ఏదో ఒకటి సాధించాలన్న తపన కలిగింది. 

ఓ పెద్ద నటిని వాష్ రూమ్ కి వెళ్ళాలి మీ కరవాన్ వాడుకోవచ్చా అని అడిగాను. ఆమె చాలా కోప్పడ్డారు. గట్టిగా తిట్టారు. ఈ పిల్ల ఏం చేయలేదు. తన వల్ల ఏం కాదని కొందరు ఎగతాళి చేస్తుంటే బాధేసేది. ఆ మాటలు పట్టించుకోకూడని ఎంత అనుకున్నా గుర్తుకు వస్తూ ఇబ్బంది పెట్టేవని వైష్ణవి చైతన్య చెప్పుకొచ్చింది. 

బేబీ చిత్ర షూటింగ్ సమయంలో కూడా వైష్ణవి చైతన్య ఆర్థిక ఇబ్బందులు పడిందని దర్శకుడు సాయి రాజేష్ చెప్పాడు. అయితే ఆమె ఆదుకోలేని స్థితిలో తాను ఉన్నట్లు ఆయన గతంలో చెప్పారు. కాగా వైష్ణవికి ఆఫర్స్ వెల్లువెత్తుతున్నాయని సమాచారం. అయితే అధికారికంగా వైష్ణవి ఒక్క సినిమా కూడా ప్రకటించలేదు.